Fréttablaðið - 21.12.2005, Side 32

[ ]Á jólunum er skemmtilegra að fjölskyldubíllinn sé hreinn að innan sem utan. Það getur verið leiðinlegt ef fólk þarf að fara eitthvað á bílnum í sparifötunum að bíllinn sé mjög skítugur.
Saga-kerfið vaktar bílinn
stöðugt, hvort sem hann er
í sendiferð eða hefur verið
stolið.
Hugsaðu þér ef þú gætir fylgst
með ferðum heimilis- eða fyrir-
tækjabílanna á tölvuskjá. Hugsaðu
þér að þú getir séð hvort ungling-
urinn á heimilinu keyrði of hratt
í gærkvöldi eða hvort sendillinn
þinn er að fara sniðugustu leiðina
upp í Breiðholt eða ekki. Þetta er
akkúrat það sem Saga-kerfið gerir
þér kleift að gera.
Það er fyrirtækið New Devel-
opment á Íslandi sem á heiðurinn
að kerfinu. Fyrirtækið var stofn-
að í kjölfar hrinu af banaslysum
árið 2000 með það fyrir augum
að bæta umferðarmenningu og
fækka slysum. Saga er alsjálf-
virkt aksturseftirlitskerfi sem
samanstendur af ökurita með
GPS-staðsetningartæki og GSM/
GPSR-símtæki sem sett er í bíl-
inn annars vegar og alsjálfvirkri
stjórnstöð hins vegar sem sækir
gögn til ökuritanna, annað hvort
með vissu millibili eða stöðugt.
Notendaviðmótið er svo þannig
að yfirmaður bílaflota, hvort sem
það er einn heimilisbíll eða 100
sendibílar, fer á netið til að fá upp-
lýsingar um staðsetningu, tíma,
stopp og síðast en ekki síst akst-
urshegðun.
Helstu viðskiptavinir fyr-
irtækisins í dag eru fyrirtæki
með stóran bílaflota en Friðgeir
Jónsson framkvæmdastjóri segir
kerfið ekki síður gagnast ein-
staklingum. „Það er til dæmis frá-
bært fyrir foreldra að hafa þann
möguleika að hafa þetta kerfi í bíl
unglingsins á heimilinu. Tækið
kennir fólki að keyra og þeir sem
eru með svona tæki í bíl sínum í
dag segjast vera farnir að breyta
sinni aksturshegðun.“
Friðgeir segir tryggingafélögin
hrifin af kerfinu því auk þess að
lækka rekstrarkostnað á stórum
bílaflotum verulega fækki það
slysum. „Í júlí síðastliðnum fórum
við til dæmis í verkefni með VÍS.
Við settum ökurita í bíla hjá
tuttugu ungum ökumönnum sem
voru nýkomnir með bílpróf. Þeir
kepptu svo í þrjá mánuði um það
hver væri besti ökumaðurinn. Við
rýndum í gögnin og útkoman var
frábær. Við eigum eftir að halda
þessu áfram,“ segir Friðgeir
og bætir við að fyrirtækið sé
þegar farið að hasla sér völl
erlendis. „Við erum að fara
í umfangsmikið verkefni af
svipuðum toga með Norðmönnum.
Hluti af viðskiptavinum okkar er
í Skandinavíu og við erum með
margt í undirbúningi um alla
Evrópu.“
Eitt af því sem Saga-kerfið
býður upp á er að fylgjast stöðugt
með staðsetningu bíla. Sé bíl stolið
getur eigandi hans því bent lög-
reglu á hvar bíllinn er niðurkom-
inn og heimt hann aftur fljótt og
örugglega. „Það er hægt að ganga
þannig frá ökuritanum að hann er
falinn í mælaborðinu. Sá sem stel-
ur bílnum getur því ekki aftengt
kerfið,“ segir Friðgeir.
Fyrirtæki í viðskiptum við
New Development á Íslandi eru á
fimmta tug. Sum þeirra hafa náð
það miklum árangri með notk-
un Saga-kerfisins að þau segja
minnkað dekkjaslit duga eitt og
sér til að borga rekstrarkostnað
kerfisins. Kostnaður vegna elds-
neytis og tjóna lækki líka mikið
en mest af öllu skipti þó bætt akst-
urshegðun og færri slys á fólki.
einareli@frettabladid.isMynd úr notendaviðmóti Saga-kerfisins.
Bætt aksturshegðun og
minni rekstrarkostnaður
Friðgeir með akstursrita sem er hluti af Saga-kerfinu. Með honum má fylgjast með bílnum og aksturshegðun bílstjórans.
FRÉTTABLAÐIÐ/GVA
Slysavarnafélagið Landsbjörg og
Landssamband íslenskra vélsleða-
manna hafa í sameiningu gefið
út bæklinginn Öryggi og ábyrgð,
upplýsingarit um akstur vélsleða.
Í bæklingnum er farið yfir helstu
þætti er varða notkun vélsleða, til
dæmis lög og reglur, aðsteðjandi
hættur, ástæður vélsleðaslysa,
slysavarnir, hlífðar- og öryggis-
búnað og almennar ferðareglur
svo eitthvað sé nefnt.
Vélsleðaeign Íslendinga eykst
með ári hverju og slysunum fjölg-
ar samhliða því. Til að auka öryggi
vélsleðamanna hefur meðal ann-
ars verið gert átak á meðal vél-
sleðamanna um að nota svokallað-
ar brynjur sem verja brjóstkassa
og hrygg og geta dregið verulega
úr áverkum ef slys eða óhapp verð-
ur. Hefur notkun þeirra aukist til
muna það sem af er þessu ári.
Bæklinginn er hægt að nálg-
ast á sölustöðum vélsleða og
varahluta, hjá Landssambandi
íslenskra vélsleðamanna og björg-
unarsveitum um allt land. ■
Öryggi vélsleðamanna
Út er kominn bæklingur sem ætlað er að fræða vélsleðamenn um vélsleðaslys og varnir gegn þeim.
Staflarar
einnig úrval af pallettutjökkum
• Lágmúli 9 / 108 Reykjavík
• Sími: 533 2845 / GSM: 896 0515
• www.sturlaugur.is
Alla þriðjudaga til laugardaga