Fréttablaðið - 18.11.2007, Síða 6

6 18. nóvember 2007 SUNNUDAGUR
DÓMSMÁL Ríkið hefur verið dæmt skaðabóta-
skylt í máli manns sem hlaut líkamstjón í
kjölfar bráðakransæðastíflu árið 2003.
Samkvæmt úrskurði Héraðsdóms Reykja-
víkur leið óeðlilega langur tími frá því að
maðurinn var greindur og þar til meðferð
hófst. Það megi rekja til mistaka af hálfu
starfsmanna Landspítalans.
Maðurinn fékk slæma verki fyrir brjóstið
9. febrúar 2003 og fór á slysa- og bráðamót-
töku Landspítalans í Fossvogi. Hjartalínurit
sem tekið var þremur og hálfri klukku-
stund eftir innlögn mannsins benti til þess
að um kransæðastíflu væri að ræða. Þrátt
fyrir það hófst seglaleysandi meðferð ekki
fyrr en rúmum þremur klukkustundum
síðar.
Maðurinn hefur verið óvinnufær síðan þá
vegna veikinda af völdum kransæða-
stíflunnar.
Lögmaður mannsins óskaði eftir áliti
landlæknis á því hvort um mistök hefði
verið að ræða við greiningu á sjúkdómnum
og viðbrögðum við honum. Í álitsgerðinni
segir að meðferðinni hafi verið áfátt. Í
kjölfarið óskaði ríkið eftir umsögn lækna-
ráðs, sem sagði að eðlilega hefði verið
staðið að meðferðinni.
Í niðurstöðu Héraðsdóms var hlutleysi
umsagnar læknaráðs dregið í efa þar sem
það leitaði til læknis sem starfar á Land-
spítalanum – sama spítala og þar sem
mistökin áttu að hafa gert.
Í álitsgerð landlæknis var hins vegar
leitað til óháðs sérfræðings.
- sþs
Jólin
þín byrja í IKEA
©
In
te
r I
KE
A
Sy
ste
m
s B
.V
. 2
00
7
GLÄNSA STJÄRNA innisería 10 perur
með sogskálum, gengur f/rafhlöðum
395,-
Opið 10-20 virka daga Laugardaga 10-18 Sunnudaga 12-18
DÓMSMÁL Hæstiréttur hefur dæmt 37 ára karlmann
í fimmtán mánaða óskilorðsbundið fangelsi fyrir
hættulega líkamsárás á fyrrverandi konu sína.
Héraðsdómur Reykjavíkur hafði dæmt manninn í
níu mánaða fangelsi, þar af sex skilorðsbundna.
Maðurinn réðst á konuna á heimili hennar og
dóttur þeirra. Hann brá meðal annars belti sínu um
háls hennar og þrengdi að svo konan óttaðist um líf
sitt. Að mati dómsins stofnaði maðurinn lífi
konunnar í hættu með árásinni. Konan fullyrti að
maðurinn hefði sagst ætla að hafa við hana samfarir
og hefði klætt þau bæði úr buxum og nærbuxum.
Hann var ákærður fyrir tilraun til nauðgunar en
var í Hæstarétti, líkt og í héraði, sýknaður af þeim
ákærulið. Hæstaréttardómarinn Ingibjörg
Benediktsdóttir skilaði sératkvæði og vildi að
maðurinn yrði sakfelldur fyrir nauðgunartilraun.
Vísar hún til þess að framburður konunnar um
atburði hafi verið afar stöðugur. Þá fái framburður
hennar stoð í frumskýrslu lögreglu, tveimur
læknisvottorðum, vætti lögreglumanna og lækna
fyrir dómi, „en ekkert [hafi] hins vegar komið fram
í málinu sem hefur veikt eða hnekkt vætti hennar
þannig að máli skipti.“
Á hinn bóginn hafi framburður ákærða verið
reikull og hann ekki getað greint fullkomlega frá
öllum málsatvikum.
Málið dæmdu Ingibjörg, Gunnlaugur Claessen,
Árni Kolbeinsson, Garðar Gíslason og Markús
Sigurbjörnsson. - sh
Sýknaður af ákæru um nauðgunartilraun þrátt fyrir stöðugan framburð konunnar:
Reyndi að kyrkja konuna með belti
BANGLADESS, AP Stjórnvöld í Bangla-
dess telja nú að um 1.800 manns
hafi farist þegar fellibylurinn Sidr
gekk yfir landið í fyrradag.
Hjálpar starfsmenn grunar að sú
tala muni hækka. Jafnframt eru
yfir fjögur þúsund slasaðir.
Fellibylurinn Sidr er sá mann-
skæðasti sem gengið hefur yfir
Bangladess í áratug. Tugþúsundir
heimila eru í rúst á suðvestur-
ströndinni og uppskera er í eyði.
Um þrjátíu þúsund hektarar
ræktarlands eru ónýtir. Yfir
milljón íbúa sjávarbyggða þurftu
að yfirgefa heimili sín og leita
skjóls í skýlum.
Brak á vegum hindraði ferðir
hundraða þúsunda Bangladessa
og hjálparstarfsmanna sem
reyndu að færa bágstöddum birgð-
ir. Þeir þurfa því að notast við báta
og reiðhjól. Skortur á fæðu og
hreinu drykkjarvatni gæti leitt til
útbreiðslu sjúkdóma ef aðstoð
berst ekki í tæka tíð.
Margir íbúa strandhéraðanna
búa í ótraustum bambus- og strá-
kofum sem hrundu til grunna í
óveðrinu. Mikið uppbyggingar-
starf bíður þeirra nú. Ríkisstjórn-
in hyggst leggja yfir þrjú hundruð
milljónir króna í endurbyggingu
íbúðarhúsnæðis. Á meðan dvelur
fólkið í tjöldum eða rústum húsa
sinna. Aðrir gista í neyðarskýlum
hjálparstofnana.
Mörg hverfi höfuðborgarinnar
Dakka voru án rafmagns og vatns
í gær. Að minnsta kosti fjórir
létust af völdum fellibylsins í
höfuðborginni.
Fellibylir eru tíðir í Bangladess
og flóð hafa valdið gríðarlegu
mann- og eignatjóni. 621 fórst
þegar hvirfilbylur reið yfir áttatíu
þorp í landinu árið 1996.
steindor@frettabladid.is
Óveðrið tók líf nær
tvö þúsund manns
Stjórnvöld í Bangladess telja nú að um 1.800 manns hafi farist í fellibylnum Sidr
sem reið yfir landið í fyrradag. Tæplega 800 þúsund hús urðu fyrir skemmdum
og ræktarland er í rúst. Hjálparstarf gengur hægt vegna braks á vegum.
Í RÚSTUNUM Kona situr með barn sitt í dyrum þess sem áður var hús þeirra í bænum Moralganj á suðurströnd Bangladess.
NORDICPHOTOS/AFP
FELLIBYLURINN SIDR Fellibylurinn gekk
yfir Bangladess á föstudag með hörmu-
legum afleiðingum. FRÉTTABLAÐIÐ/AP
Ríkið dæmt skaðabótaskylt í máli manns sem var sjúkdómsgreindur of seint:
Sáu ekki kransæðastífluna ■ Í niðurstöðu dómsins segir aðeins að skaða-bótaskylda ríkisins sé staðfest, en manninum
ekki veittar neinar skaðabætur. Í stefnunni
var þess aðeins krafist að ríkið skyldi dæmt
skaðabótaskylt, en ekki gerð fjárkrafa á hendur
ríkinu.
■ Ástæðan fyrir þessu er að í sumum málum
er viðurkenningu á skaðabótaskyldu annars
vegar og fjárkröfu hins vegar skipt í tvennt.
Fyrst er skorið úr um það hvort sá sem stefnt
er eigi yfir höfuð að borga skaðabætur. Ef
dómurinn kemst að þeirri niðurstöðu eru bæt-
urnar ákvarðaðar eftir það, annaðhvort innan
eða utan dómstóla.
■ Þetta er til dæmis gert þegar flókið og
tímafrekt er að meta hverjar bæturnar eiga að
vera. Þá getur verið betra að fá úr því skorið
fyrst hvort bætur verði greiddar yfirleitt áður
en farið er í að meta þær.
ENGAR BÆTUR?
KJÖRKASSINN
Heldur þú að verðsamráð eigi
sér stað á matvörumarkaði?
Já 76%
Nei 24%
SPURNING DAGSINS Í DAG:
Gerðirðu eitthvað í tilefni af
degi íslenskrar tungu?
Segðu skoðun þína á visir.is.