Réttur - 01.06.1943, Blaðsíða 6

82
RÉTTUR
Gyðingar verði hundeltir og þrælkaðir í föðurlandi Lincolns, eins
og Gyðingar og ekki-Germanar á ættjörð Heine og Mendelsohns?
Það væru ægileg örlög, ef svo færi um einhverja þróttmestu þjóð
veraldarinnar, — þá sem skapað hefur glæsilegasta framleiðslu-
hákn, sem heimssagan þekkir.
Og ægilegastar af öllum yrðu afleiðingar þess ef til vill fyrir —
íslendinga.
Hvaða örlög bíða Islands, eí heimsdrottnunarstefna
amerískra fasista sigrar?
Fyrir amerískan fasisma, sem brotið hefði á bak aftur frelsis-
stefnurnar í sínu eigin landi og sett kúgunarpólitík í stað góðrar
nágrannasambúðar Roosevelts, væri ísland stökkpallurinn til árása
á Evrópu. Þéttbýl hámenningarlönd Evrópu eru markaðurinn, sem
markaðsþurfandi auðvald Ameríku krefst. Róttækar þjóðstjórnir
Frakklands, Noregs og annarra frjálsra landa Evrópu, máski líka
Englands, væru honum sá þyrnir í auga, sem kippa þyrfti burtu.
Frá íslandi ná sprengjuflugvélarnar hinum nýju höfuðstöðvum ev-
rópskrar menningar og frelsis, — máski hefur orustuflugvélunum
þá fleygt svo fram líka, að þær geti fylgzt þangað með. Og til ís-
lands myndu samsvarandi flugvélar frá meginlandinu ná, til þess
að reyna að „eyða innrásarstöðvunum.“
Það er talað um ísland sem Möltu Atlantshafsins. Enginn blettur
jarðar hefur orðið fyrir eins mörgum loftárásum í þessu stríði og
Malta. — í árásarstríði amerísks fasisma á frjálsa Evrópu, yrði
ísland fyrir fleiri sprengjum en nokkurt annað land, ef þar væri
herstöð fyrir fasistana.
„Framförin“ í sprengjugerð er slík, að hinar ægilegu loftárásir
Þjóðverja á London 1940—41 eru nú taldar barnaleikur hjá árás-
um Bandamanna á Ruhr-borgirnar 1943. — Með slíkum „framför-
um“ næstu árin er það lítið afrek að þurrka út „borgina“ Reykja-
vik og litltf sjávarþorpin okkar, sem við köllum bæi. Það, sem
okkar litla þjóð hefur verið að skapa sér af efnalegri undirstöðu
undir frjálst þjóðlíf og fagra menningu, eftir alda eymd og basl,