Réttur - 01.06.1943, Blaðsíða 30

106
RÉTTUR
tálsýnir veltiáranna, en staðfesti það, seni Alþjóðasamband komm-
únista hafði sagt fyrir um framvindu heimsins.
Næstu ár á eftir urðu mikið reynsluskeið Alþjóðasambandsins.
Það varð bert, að kreppan með öllu því, sem henni fylgdi, hafði
leyst úr læðingi öfl byltingarinnar og öfl afturhaldsins. Árin eftir
1930 urðu kapphlaup um það, hvort borgarastéttin mundi höggva
af sér herfjötur kreppunnar, með fasisma og styrjöld, eða livort
verkalýðurinn fengi afstýrt þessari tvíefldu hættu með því að taka
forustuna í sínar hendur með lýðræðisöfl þjóðfélagsins að baki sér.
Allir vita, hvernig þessu kapphlaupi lauk. Voldugasta verkalýðs-
hreyfing Vesturevrópu var inoluð mélinu smærra af járnhnefa
nazismans. Þessi dýrkeypta blóðuga reynsla olli mikilli stefnuhreyt-
ingu í Alþjóðasambandi kommúnista. Á 7. þingi þess, 1935, var
ákveðið að kommúnistaflokkarnir skyldu beita sér fyrir hinni víð-
tækustu samfylkingu allra þeirra stétta og flokka, sem vildu ekki
una einræði fasismans. Jafnframt fengu kommúnistaflokkarnir
meira frjálsræði um innri mál sín, en áður hafði verið.
Þrátt fyrir einlæga viðleitni kommúnistaflokkanna tókst ekki
að skapa svo örugga samfylkingu með stéttum og ríkjum, að hægt
væri að afstýra sigri fasismans í helztu ríkjum meginlandsins né
styrjaldaráætlunum hans. En það er eitt af pólitískum hlutverkum
þess frelsisstríðs, sem nú er háð gegn nazismanum, að skapa þá
samfylkingu.
Getur ákvörðunin um að leggja niður Alþjóðasamband komm-
únista stuðlað að því, að samfylking þessi verði til? Því verður
tvímælalaust að svara játandi. Brautin verður greiðari fyrir sam-
vinnu og sameiningu hinnar tvískiptu verkalýðshreyfingar í hinum
borgaralega heimi, er kommúnistaflokkarnir hafa slitið samhandi
sínu. Og þegar sameining hinna pólitísku flokka verkalýðshreyfing-
arinnar er orðin að veruleika í einstökum löndum, þá er fylling
tímans komin til að stofna nýtt alþjóðasamband verkamanna, í því
formi og með þeirri stefnuskrá, er hæfir kröfum tímans, með marg-
þætta og dýrkeypta reynslu liðinna alþjóðasambanda að baki sér.
Alþjóðasamband kommúnista hefur markað sögu verkalýðshreyf-
ingrinnar dýpri sporuin en nokkur önnur samtök verkamanna á