Réttur - 01.01.1946, Page 40

JONASH. HARALZ:
Stefna Sósíalistaflokksins
í bankamálum
Stefna Sósíalistaflokksins í bankamálum hefur komið skýrt
fram í þeim frumvörpum, er hann hefur lagt fram og beitt
sér fyrir á Alþingi.
í stuttu máli má segja, að þessi stefna sé, að bankar lands-
ins séu reknir með það fyrir augum að útvega ódýrt og nægi-
legt lánsfé til kaupa á atvinnutækjum o'g til almennra fram-
kvæmda, í samræmi við stefnu stjórnarvaldanna í jreim mál-
urn, en þó sé fullt tillit til þess tekið, að sú starfsemi leiði
ekki af sér aukna verðbólgu í landinu eða hafi aðrar ólieppi-
legar afleiðingar.
Starfsemi bankanna
Það er ekki liægt að segja, að starfsemi bankanna hafi á
undanförnum árum verið rekin með þetta markmið fyrir
augum. Utlánsvextir hafa hér á landi verið mjög háir,
hærri en í nokkru landi öðru, og aðalatvinnuvegir landsins,
sjávarútvegur og landbúnaður, hafa átt í miklum erfiðleik-
um að útvega sér nægilegt lánsfé. Hinir háu vextir hafa verið
þungur baggi á þessum atvinnuvegum. Starfsemi bankanna
hefur yfirleitt verið rekin án nokkurs ákveðins marks eða
stefnu í atvinnu- og fjárhagsmálum þjóðarinnar. Sambandið
á milli Alþingis og stjórnar þjóðbankans hefur í raun og veru
ekkert verið, og Alþingi engin álirif haft á stefnu lians. Enda
þótt bankaráðið sé kosið óbeinum kosningum af Alþingi,
hefur það aldrei haft neitt tækifæri til að marka stefnu hans
eða láta álit sitt í ljós, og bankastjórnin í raun og veru verið
algerlega einvöld. Með þessu móti varð bankastjórn Lands-
bankans eins konar ríki í ríkinu, sem stjórnaði fjármálum