Réttur - 01.06.1947, Page 16

88
RÉTTUR
Tolstoi kennir —, kallar lög og rétt, sem svo er kallað,
lögleysu og rangindi frá kristnu sjónarmiði, þar eð allt,
sem snúi frá bróðerni og mannelsku, jöfnuði og guðlegum
hugsunarhætti, það leiði til glötunar og kollvörpunar
þeirrar þjóðmenningar, sem nú er. Aðrir kalla kenningar
hans öfgar og fjarstæður, segja að hvergi í heimi sé
frjálsara, réttari og mannúðlegri félagslög og fyrirkomu-
lag en einmitt í Ameríku. Þeim flokki fylgir allur þorri
ríkismanna landsins og þeirra fylgismenn af klerkum og
fræðimönnum."
Matthías tekur undir með þeim siðabótarmönnum, sem
frá sjónarmiði kristinnar siðfræði láta svipuna ríða á
kúgunarskipulagi auðmannanna, en lokar ekki augunum
fyrir að sjálfir munu auðmennirnir láta blöðin óspart
gylla þjóðfélagskúgunina.
Þriðja greinin er svo í 23. tbl. Stefnis undir fyrirsögn-
inni: „Stjórnarskrá og stjórnarlag í Bandaríkjunum".
Byrjar hann nú aftur með tilvitnun í bók Mr. Stead:
„Það er hvorttveggja — segir Mr. Stead — að hægt er
að koma pólitískum flugum í munn Ameríkumanna, eink-
um ef kitlað er þjóðardramb þeirra um leið og landið og
stjórnarskrá þess er sýnt í rósaskýja-skuggsjá, enda hef-
ur auðvaldinu tekizt enn til þessa dags, að halda hávaða
manna við þá trú, að þeir séu frjáls þjóð, enda frjálsari
en aðrar þjóðir“. Rekur svo Matthías síðan svikavef auð-
mannanna við að stjórna á móti vilja fólksins og segir
m. a.:
„Allir trúa á og tilbiðja lýðfrelsið, en í raun réttri ræð-
ur þjóðviljinn engu í landinu. . . .“ ,,„Frelsið“ í Ameríku
er mest fólgið í ófrelsi og ofsa einstaklingsins eða vissra
auðs- og yfirgangsfélaga (Rings, Corporations). Því
spáði Lincoln gamli, að því er sagt er, á síðustu dögum,
að ekki mundi líða á löngu þangað til nýr voði ógnaði rík-