Réttur - 01.06.1947, Page 42

RÉTTUR
114
Hvaða röksemd sem er, hvaðan sem hún kemur, er
svarað með Rússagrýlunni. Jafnt sósíalistar sem yfirlýst-
ir stuðningsmenn stjórnarflokkanna hljóta þessi svör,
þegar þeir átelja undanslátt ríkisstjórnarinnar gagnvart
amerískum hagsmunum. Gott dæmi er afstaðan til „Þjóð-
varnar“. Þegar þetta félag gengst fyrir fundi um sjálf-
stæðismál íslendinga og ýmsir fylgjendur stjórnarflokk-
anna tala, þá minnist ekkert hinna fyrrnefndu amerísku
leppblaða á fundinn né birtir ályktun hans, ,,Tíminn“ seg-
ir frá honum í 10 línum. ,,Þjóðviljinn“ einn birtir ályktun
fundarins og segir ýtarlega frá ræðunum. Það er engu
líkara- en Morgunblaðið, Vísir og Alþýðublaðið séu undir
amerískri herstjórn eða háð ritskoðun þaðan og Tíminn
sé dauðhræddur við Bandaríkin. Þannig er þá komið um
prentfrelsi íslendinga í endurreistu lýðveldi sínu. Þegar
einn þingmaður Alþýðuflokksins varar ríkisstjórnina við
að brennimerkja alla, sem bera sjálfstæði íslands fyrir
brjósti sem kommúnista, er hann ekki einu sinni virtur
svars af forsætisráðherra flokks síns og auðvitað ekki
minnst á neitt, sem hann segir í slíku máli, í hans eigin
blaði!
fslenzka þjóðin 'hefur dæmið fyrir sér um hvernig fer
fyrir þjóð, sem lætur auðvaldsblöðin ginna sig til þess að
gefa sig „hinum vonda á vald“, hræða sig með bolsagrýl-
unni til fylgis við auðvald, sem einskis svífst. Þýzka þjóð-
in horfir í dag á eyddar borgir sínar, milljónir látinna
þegna, hungur og vesöld hinna lifandi. Það er uppskeran
af „baráttunni gegn kommúnismanum", — afleiðingin af
því að þýzka þjóðin lét brjálast 1932—33 til að fela
þeirri stefnu, sem Morgunblaðið fylgdi þá og fylgir nú,
völdin yfir sér. En þetta víti til varnaðar, má nú helzt
ekki benda íslendingum á.
Takmark þessarar ófyrirleitnu æsingastarfsemi amer-
ísku leppblaðanna er að gera meirihluta Islendinga að
andlegu málaliði ameríska auðvaldsins. Aðferðin er að