Réttur - 01.01.1950, Page 11

HÉTTUB
11
Mao að forstjóra, en þá frétti hann af nýjum skóla í Hsiang Hsiang,
en þar bjuggu móðurfrændur hans, og vildi hann endilega komast
í hann. Þessi skóli var sagður nota vestrænar kennsluaðferðir og
vera róttækur. Mao innritaðist í skóla þennan og fékk að lokum
einhvern styrk frá föður sínum, þegar ýmsir frændur hans höfðu
sýnt fram á það, að því meiri menntun sem Mao fengi, því meira
mundi hann geta unnið sér inn síðar. — Hann átti aðeins ein föt
þegar hann kom í skólann, og þau ekki sem fínust eða nýtízkuleg-
ust, og galt hann þess grimmilega hjá skólabræðrum sínum, svo
og hins að hann var aðkomumaður, samt eignaðist hann nokkra
vini og kennararnir héldu upp á hann fyrir dugnað hans við
námið.
Meðan Mao var í þessum skóla fór hann að langa til að komast
til Changsha, höfuðborgarinnar í fylkinu. Hann bað einn kennar-
anna um meðmæli til að komast í gagnfræðaskóla þar og lagði
síðan af stað gangandi. Honum til undrunar var engin fyrirstaða
þess að hann yrði tekinn í skólann.
Þarna heyrði hann fyrst getið um Kantonuppreisnina og Sun
Yet-sen. í skólanum voru margir byltingarsinnaðir piltar og kenn-
arar, og ekki leið á löngu þar til Mao ákvað að fara með nokkrum
vinum sínum til Hankow og ganga í uppreisnarherinn. En áður
en þeir kæmust af stað hafði uppreisn brotizt út í Changsha. Eftir
stuttan bardaga var borgin á valdi uppreisnarmanna, sem settu á
stofn bráðabirgðastjórn. Hún varð þó ekki langlíf, keisaraherinn og
stórbændur stofnuðu til andbyltingar og náðu borginni á sitt vald,
litlu síðar lágu lík hinna nýju stjórnmálamanna á götunni.
Mao gekk nú samt í uppreisnarherinn og var þar í hálft ár og
kynntist þá fyrst kenningum sósíalista. Að þeim tíma loknum bjóst
hann til að taka til við nám sitt að nýju, þar eð hann áleit bylt-
inguna um garð gengna fyrst búið var að steypa keisaranum af
stóli,
Hann var ekki ráðinn í því hvernig hann ætti að haga náminu,
né hvað hann ætti helzt að lesa. Margir nýir skólar höfðu verið
stofnaðir og vinir hans réðu honum sitt hvað um val þeirra. Að
lokum innritaðist hann í æðri verzlunarskóla, því að ungir og