Réttur - 01.01.1950, Side 74

74
RÉTTUR
unar á vöruverð, er vega mundi upp á móti hækkunum sökum
gengisfellingarinnar. Auk þess mundu tollar verða lækkaðir,
samtímis því sem fiskábyrgðin fellur niður.
Framleiðslukostnaður mundi fyrst í stað hækka urn 11—13%,
en þegar fram í sækti mundu kjör launþega verða engu lakari en
áður, nema síður sé, vegna aukinnar framleiðslu og frjálsari verzl-
unar. — Gengislækkunin væri því mikið hagsmunamál fyrir allan
almenning, ekki sízt fyrir launþega.
Það liðu ekki margar vikur frá því lögin gengu í gildi þar til
reynslan felldi sinn dóm yfir þessum fullyrðingum og staðfesti allt
sem Sósíalistaflokkurinn hafði sagt fyrir.
Verðið á nýja fiskinu varð ekki 93 aurar heldur 75 aurar, og
er það í rauninni 10 aurum lægra verð en áður, því að meðtöldum
vátryggingastyrknum til útgerðarmanna samsvaraði það 85 aura
verði. Frystihúsin telja þetta þó 15 aurum hærra en þau geti greitt
og hafa haft á orði að lækka verðið enn a. m. k. niður í 65 aura.
Bátaútvegsmenn telja sig hinsvegar ekki geta haldið bátunum
úti nema þeir fái 93 aura fyrir kg. af nýjum fiski, þar sem allur
kostnaður hefur hækkað svo rnjög. Hafa þeir haft við orð að
stöðva bátaflotann með öllu, og ef þeir hefðu vitað þetta fyrir í
vertíðarbyrjun, hefði engin vetrarvertíð orðið, — Allmikill hluti
flotans er þegar stöðvaður. T. d. greiddi Isafjarðarbær það sem
ávantaði 93 aura til páska, en treystist svo ekki lengur til þess.
Varð bátunum þá ekki lengur haldið úti.
Sölur togaranna í Englandi hafa verið svo rýrar, að þær hafa oft
engum gjaldeyri skilað.
Verðlag hefur þegar hækkað með ódæmum. — Svo að segja
daglega bætast við nýjar stórfelldar verðhækkanir. Tollar hafa
ekki verið lækkaðir, heldur hækka þeir um a. m. k. 50 millj. kr.
miðað við innflutning síðastliðins árs. Sósíalistar gerðu ráð
fyrir að kjararýrnunin vegna gengislækkunar þessarar að viðbættri
gengislækkun krónunnar gagnvart dollar í haust gæti varla orðið