Réttur - 01.09.1962, Qupperneq 3

R E T T U R
195
Þannig hjálpast óstjórn íslenzka auðvaldsins og arðrán
útlendu auðhringanna að við að svipta íslenzkt þjóðarbú
verðmætum, er nema mörg hundruðum milljóna króna. Og
á sama tíma er svo fólkinu þrælað út fyrir smánarkaup, en
fátækt eða óþolandi vinnuþrældómur leiddur yfir almenn-
ing.
Það er engin þörf að una í þrældómshúsi auðvaldsins.
Alþýða íslands þarf að rísa upp og gera ísland frjálst á ný
og stjórna því með velferð alþýðu, en ekki gróðasöfnun ör-
fárra auðmanna, — fyrir augum. Stjórnarhættirnir í efna-
hagsmálum eru fjötur á framleiðslunni. — Þann fjötur þarf
vinnandi fólkið að höggva. — Og það mun verða gert.
Efnahagsbandalagið — draumsjón hvers?
Þegar auðvald Vesturlanda nú sameinast í Efnahagsbandalaginu,
er eftirtektarvert að athuga hvers konar menn það eru, sem dreymdi
á sínum tíma stóra drauma um þess háttar bandalag.
Sá maður, er var hermálaráðherra Noregs 1932, sagði í bók sinni
„llusland og vi“:
„Festing Evrópu, grundvölluS á samkomulagi milli Frakklands og Þýzka-
lands, er nauðsynlegt skilyrði fyrir samfylkingu Evrópu gegn Rússlandi ....
Með því að losa Þýzkaland úr samvinnunni við Bolsjevikkana og draga það
inn í norrænt bandalag milli Norðurlanda og Englands .... myndi þetta mikla
norræna samband verða nógu sterkt til þess að fella bolsjevismann án utríðs,
aðeins með verzlunareinangrun, og siðan gæti það, ásamt Ameríku og öðrum
löndum Evrópu, rétt endurreisn Rússlands bjálparhönd sína.“
Og ennfremur segir hann:
„Norrænt samband milli Skandinaviu og Stóra-Bretlands, ásamt Finnlandi
og llollandi, sem Þýzkaland og ef til vill brezku bálflendurnar og Bandaríkin
síðar gengju í, myndi brjóta odd af oflæti hvaða bolsjevistísks sambands sem
væri .... Einnig tolla- og atvinnukjör knýja Norðurlönd og einkum Noreg
til að leita betra sambands við brezka ríkið.“
Sá maður, er skrifaði þetta, hét Vidkun Quisling.