Réttur - 01.01.1966, Síða 48
48
RÉTTUR
atvinnu, sem vinna aðeins örfáar vikur á ári og þá nokkra tíma í
einu, þeim er sleppt, sem hættir eru að leita sér að atvinnu, þá stund-
ina, sem skráningin fer fram, vegna þess að ítrekaðar tilraunir hafa
reynzt árangurslausar. Ef allir hópar eru teknir með, sem með sann-
girni má kalla atvinnulausa verður hundraðstalan 7,5 — og það
eftir blómstrandi efnahagslíf í „allsnægtaþjóðfélagi“ eins og sumir
stjórnmálamenn eru nú farnir að nefna Bandaríkin.
Meðal blökkumanna eru tvisvar sinnum jleiri atvinnulausir en
meðal hvítra. í sumum stærri borgunum eru atvinnulausir blökku-
menn þrisvar sinnum fleiri en atvinnulausir hvítir. Og ef litið er til
œskunnar blasir það við að 13 af hundraði hvítra œskumanna eru
atvinnulausir — en 27% blökkumanna. Þessar tölur um atvinnu-
leysi nálgast það, sem verst þekktist á 4. tug aldarinnar. Og það er
ekki sýnt að þær muni fara lækkandi heldur þvert á móti líklegt að
þær hækki á næstu árum hæði vegna síaukinnar vélvæðingar og
sjálfvirkni og vegna fjölgunar ungs fólks á vinnumarkaðnum, sem
verður á næsta áratug sinnum fleira en á síðasta áratug.
Og það eru fleiri dökkir drættir í myndinni. A stórum svæðum
þar sem atvinnulausir verkamenn og hlásnauðir bændur búa er
ástandið hvað hörmulegast. Hið stærsta þessara svæða er Appal-
achia, sem nær til 15 austustu ríkja Bandaríkjanna, en þar búa 15
millj. manna. Skv. opinberum skýrslum eru frá 10—15% íbúa þessa
svœðis atvinnulausir, en sums staðar í Appalachiu er fjórðungur
staðarbúa atvinnulaus. Margir hafa ekki haft neina atvinnu árum
saman og ótal fjölskyldur eru dæmdar til að lifa í hálfgerðu svelti
þó að stöku sinnum hrökkvi til þeirra molar úr umframbirgðum
stjórnar.innar. Og víða um Bandaríkin eru svæði þar sem fátæktin
er á borð við það sem gerist í Appalachiu, þó að þau séu ekki eins
stór um sig.
Þessar og fleiri staðreyndir hafa leitt athygli forráðamanna að
fátæktarvandamálinu þó enn sé það ótalið sem þyngst vegur, en það
er hin djarfa mannréttindabarátta blökkumanna, en eins og bent
hefur verið á er atvinnuleysið hvað mest meðal þeirra og hefur farið
hríðversnandi undanfarið.
Hversu margir eru fátækir.
1 skýrslum frá ríkisstjórn Johnsons eru þær fjölskyldur taldar
fátækar, sem hafa undir 3000 dali í árslaun og þeir einstaklingar,
sem ekki ná 1.500 dölum. Samkvœmt þessu áliti bjuggu 34,5 millj.