Fréttablaðið - 28.03.2009, Qupperneq 21

LAUGARDAGUR 28. mars 2009
Finnair tók í gær á móti fyrstu Air-
bus A330-300 breiðþotunni af átta
sem félagið hefur pantað. Er þar
með hafin endurnýjun langdræga
flota félagsins, að því er fram
kemur í tilkynningu Airbus.
„Í flota Finnair eru nú samtals 35
Airbus-þotur af nánast öllum teg-
undum. Finnair var fyrsta flugfé-
lagið sem pantaði hina nýju Airbus
A350 XWB. Félagið hefur samtals
pantað ellefu vélar af þeirri gerð og
fær þá fyrstu afhenta árið 2014.“
Fram kemur að nýja A330 þotan
brenni fimmtungi minna eldsneyti
en sú sem hún tekur við af. „Þetta
er að sjálfsögðu hagkvæmt fyrir
okkur auk þess sem umhverfis-
áhrifin eru minni,“ segir Jukka
Hienonen, forstjóri Finnair. „Vegna
þess hve hagkvæm vélin er og
búin miklum þægindum teljum við
A330 þotuna vera réttu flugvélina
og þá sem samræmist því mark-
miði okkar að búa yfir yngsta og
umhverfisvænsta flugvélaflotan-
um í Evrópu.“
Airbus hefur nú fengið staðfestar
pantanir á 390 A330-300 vélum frá
38 viðskiptavinum. - óká
Eyðslan fimmt-
ungi minni
NÝJA ÞOTAN Finnair hefur tekið í notkun
þá fyrstu af átta nýjum Airbus A330-300
þotum sem félagið á í pöntun. MYND/AIRBUS
„Tíðni makaskiptasamninga í fast-
eignaviðskiptum hefur stóraukist
frá því um mitt síðasta ár en allt
frá maímánuði í fyrra hafa maka-
skiptasamningar verið um eða yfir
fimmtungi allra fasteignaviðskipta
á markaði samkvæmt gögnum frá
Fasteignaskrá Íslands,“ segir í
umfjöllun Greiningar Íslands-
banka.
Undanfarna þrjá mánuði hafa
makaskiptasamningar hins vegar
verið um þriðjungur fasteigna-
viðskipta. „Hlutfall makaskipta-
samninga í fasteignaviðskiptum
byrjaði að hækka samhliða því
sem framboð lánsfjár til fasteigna-
kaupa byrjaði að þrengjast veru-
lega og umsvif á fasteignamark-
aði tóku að dragast saman,“ segir
þar, en með makaskiptasamningi
er átt við kaupsamning þar sem
hluti kaupverðs er greiddur með
annarri fasteign. „Í febrúar voru
gerðir 39 makaskiptasamningar
í fasteignaviðskiptum, sem sam-
svarar því að 31 prósent fasteigna-
viðskipta þann mánuðinn hafi farið
fram með skiptum á fasteignum að
einhverjum hluta. Til samanburð-
ar var þetta hlutfall 3,1 prósent í
febrúar 2007.“ - óká
Makaskipti í
þriðjungi tilfella