Fréttablaðið - 28.03.2009, Page 20

20 28. mars 2009 LAUGARDAGUR
Umsjón: nánar á visir.is
KAUPHÖLL ÍSLANDS [Hlutabréf]
Fjöldi viðskipta: xxx Velta: x.xxx milljónir
OMX ÍSLAND 15 OMX ÍSLAND 6
215 -0,05% 663 -0,25%
MESTA HÆKKUN
CENTURY ALUM. +7,66%
FØROYA BANKI +0,42%
MESTA LÆKKUN
MAREL -2,68%
BAKKAVÖR -0,71%
ÖSSUR -0,45%
HLUTABRÉF Í ÚRVALSVÍSITÖLU: Alfesca 3,30 +0,00% ... Atlantic
Airways 171,00 +0,00% ... Atlantic Petroleum 260,00 +0,00% ...
Bakkavör 1,39 -0,71% ... Eik Banki 91,50 +0,00 ... Eimskipafélagið
1,00 +0,00% ... Føroya Banki 120,00 +0,42% ... Icelandair Group
7,00 +0,00% ... Marel Food Systems 45,35 -2,68% ... Össur 88,5
-0,45%
Efnahagsaðstæður eru með
versta móti í Bretlandi og Írlandi
um þessar mundir og hafa menn
ekki séð það svartara í tæp þrjá-
tíu ár.
Írska hagkerfið dróst saman
um 2,7 prósent á fjórða ársfjórð-
ungi í fyrra. Samanlagður sam-
dráttur á árinu öllu nemur 2,3
prósentum en slíkt hefur ekki
sést síðan árið 1983. Á sama tíma
dróst breska hagkerfið saman um
1,6 prósent. Viðlíka tölur hafa
ekki sést þar í landi frá 1980.
Breska ríkisútvarpið (BBC)
bendir á að Írland sé fyrsta
evruríkið sem hafi lent í klóm
kreppunnar og svelg verðhjöðn-
unar í kjölfarið.
Aðstæður þar eru erfiðar, að
sögn BBC. Auk mikilla erfiðleika
hjá fjármálafyrirtækjum hefur
fasteignamarkaðurinn hrun-
ið um fjórðung og atvinnuleysi
aukist langt umfram svörtustu
spár. Það mældist fimm prósent
í byrjun síðasta árs. Nú er hins
vegar talið að tíu prósent Íra séu
án atvinnu. - jab
Svartasta staða í 30 ár
FORSÆTISRÁÐHERRANN Brian Cowen,
forsætisráðherra Írlands, stendur frammi
fyrir erfiðu verki vegna aðstæðna í írsku
efnahagslífi nú um stundir. FRÉTTABLAÐIÐ/AFP
GRÆNLAND KALLAR
Stangveiði og hreindýraveiði
flugfelag.is / sími +354 570 3075 – hopadeild@flugfelag.is
Pakkaferðir til Narsarsuaq og Nuuk – samstarfsaðilar: Pálmi Gunnarsson, The Icelandic Fly Fishing Service, www.tiffs.is
Nuuk-Tourism, www.nuuk-tourism.gl
ÍS
L
E
N
S
K
A
/S
IA
.I
S
/F
L
U
4
51
72
0
3.
20
09
Láttu þig ekki vanta á kynningu
á veiðiferðum til Grænlands
í Ellingsen í dag.
Frábær tilboð í gangi.
Grænland er sannarlega land veiðimannsins. Óteljandi silungsár og vötn iða af
spriklandi sjóbleikju og hreindýr ganga í flokkum um heiðar og dali.
Stangveiði og hreindýraveiði í fylgd þrautreyndra leiðsögumanna í stórbrotinni
náttúru.
Komdu við í Ellingsen í dag og kynntu þér
ævintýraveiðiferðir til Grænlands sumarið 2009.
REYKJAVÍK
Grænland
Nuuk
IIulissat
Kulusuk
Narsarsuaq
Constable Point
Það má þakka fyrir að Ísland var
ekki þekkt sem fjármálamiðstöð
og hafði ekki ímynd sem slíkt land,
að sögn Árna Gunnarssonar, for-
manns Samtaka ferðaþjónustunn-
ar, á aðalfundi samtakanna í gær.
Árni sagði alla umgjörð sem
skapaða hafi verið um ferðaþjón-
ustuna langt í frá ásættanlega,
stýrivextir séu enn alltof háir
og þjónusta við fyrirtæki óvið-
unandi. Meðal annars sé um að
kenna seinagangi í uppbyggingu
bankakerfisins. Nauðsynlegt sé
að tryggja eðlilegan rekstur á
næstu vikum, sérstaklega á þeim
árstíma þegar mesta tekjumynd-
un fyrirtækja er fram undan, að
hans sögn.
Árni vísaði til niðurstöðu könn-
unar á meðal félagsmanna samtak-
anna þar sem fram kom að meiri-
hluti taldi hag sínum betur borgið
innan Evrópusambandsins en utan.
„Þessi niðurstaða ætti ekki að
koma á óvart,“ sagði Árni og bætti
við að samtökin myndu beita sér
fyrir því að aðildarviðræður við
ESB yrðu teknar upp. - jab
Styðja aðild að Evrópusambandi
FRÁ FUNDINUM Formaður Samtaka ferðaþjónustu segir það ekki hafa komið á óvart
að félagsmenn styðji aðild að ESB. FRÉTTABLAÐIÐ/GVA
„Við erum sátt við að skila lítils háttar
hagnaði við erfiðar aðstæður,“ segir Árni
Oddur Þórðarson, forstjóri Eyris Invest.
Merki eru um að hið versta sé að baki á
mörkuðum og að viðskipti víða um heim
séu að taka við sér eftir snögga og djúpa
niðursveiflu, að hans sögn.
Félagið hagnaðist um 1,5 milljarða
króna á síðasta ári samanborið við tæp-
lega 797 milljóna króna hagnað í hittifyrra.
Þar munar um að félagið greip til ýmissa
aðgerða, svo sem að semja um framleng-
ingu lána til 2011 og loka afleiðusamning-
um.
Hreinar rekstrartekjur námu 25 milljón-
um króna í fyrra samanborið við 1,2 millj-
arða árið á undan. Á sama tíma lækkuðu
rekstrargjöld um tæp tólf prósent í rúmar
265,4 milljónir króna.
Eigið fé var 31,4 millj-
arðar króna í lok síð-
asta árs, laust fé og
bankainnstæður námu
6,9 milljörðum og var
eiginfjárhlutfallið 40,8
prósent.
Nokkru munar um að
Eyrir tók í nóvember yfir
hlut Nýja Landsbankans
í breska félaginu London
Acquisition, sem með öðrum tóku yfir hol-
lensku iðnsamsteypuna Stork. Í skiptum
fékk bankinn 27,5 prósenta hlut í Eyri.
Eyrir Invest er kjölfestufjárfestir í Marel
Food Systems og hefur verið næst stærsti
hluthafi Össurar síðustu ár. Fyrirtækin
eru á meðal stærstu útflutnings fyrirtækja
landsins og á meðal 30 prósenta af stærstu
félögum sem skráð eru í kauphallir á Norð-
urlöndunum.
Að sögn Árna Odds hefur markaðsbrestur
verið á hlutabréfamarkaði eftir hrun bank-
anna og sé það mat Eyris að tvíhliða skrán-
ing fyrirtækjanna endurspegli virði þeirra
betur. Stefnt sé að því að skrá fyrirtækin í
norrænar kauphallir á næstu sex til átján
mánuðum.
Gangi skráning eftir yrði Marel líklegast
skráð í Finnlandi eða Danmörku en Össur
í Danaveldi og yrðu hlutabréf félaganna
skráð í danskar krónur þar en íslenskar
hér. Við það myndu félögin ekki óska eftir
skráningu á hlutafé sínu hér í erlenda mynt.
jonab@markadurinn.is
Eyrir hagnast um 1,5 milljarða króna
Hugsanlegt að Marel Food Systems og Össur verði skráði í norrænar kauphallir á árinu.
ÁRNI ODDUR
ÞÓRÐARSON