Fréttablaðið - 28.03.2009, Side 72

8 fjölskyldan
gagn&gaman
Börn og byggingarlist
Byggingarlist í augnhæð heitir ný
bók eftir Guju Dögg Hauksdóttur,
deildarstjóra byggingarlistardeild­
ar, og er hún hugsuð sem
nýsköpun í námsefnisgerð um
byggingarlist fyrir börn og ungt
fólk. Í tilefni af útgáfu bókarinnar
býður Listasafn Reykjavíkur til
hófs í dag klukkan 15. Rétt eins og
bókin er hófið ætlað ungum
gestum en um helgina verður röð
viðburða í Hafnarhúsinu þar sem
börn og byggingarlist verða í
fyrirrúmi.
Tónelsk mús Maxímús Músíkús
heimsækir hljómsveitina er
myndskreytt barnabók með
geisladiski. Þetta er skemmtiefni
sem opnar börnum heim sin­
fóníuhljómsveitar og lífsins innan
hennar, hljóðfæranna og tónlistar­
innar. Höfundur er Hallfríður
Ólafsdóttir flautuleikari
sem auk þess að
leiða flautudeild
Sinfóníuhljóm­
sveitar Íslands
er móðir tveggja
barna og hefur
áratugalanga
reynslu af hljóð­
færakennslu. Myndskreytir er
Þórarinn Már Baldursson,
víóluleikari við Sinfóníuhljómsveit
Íslands. Hinn 9. maí næstkomandi
gefst aðdáendum Maxímúsar
Músíkús tækifæri til að koma á
tónleika Sinfóníuhljómsveitarinn­
ar og Maxímúsar. Reyndar eru
tónleikar ekki réttnefni, því þetta
er sögustund, ævintýri þar sem
tónlistin leikur stórt hlutverk.
Stjórnandi er Bernharður Wilkin­
son og sögumaður er Valur Freyr
Einarsson leikari.
Leikir á netinu Skemmtivefur
kallast skemmtileg vefsíða sem
Umhyggja, félag til stuðnings
langveikum börnum, stendur að.
Á skemmtivef
Umhyggju finna
börn og
unglingar efni
sem getur stytt
þeim stundir og
frætt þau. Á
vefnum er