Fréttablaðið - 28.03.2009, Blaðsíða 69

Íþróttaskóli Hauka verður í boði
sumarið 2009 með svipuðu sniði
og sumarið 2008. Skólinn hefur
starfað með þeim hætti sem nú er
frá árinu 2007 og er óhætt að
segja að börn og foreldrar hafi
tekið þessu framtaki vel, en um
500 börn tóku þátt í starfi skólans
árið 2008.
Íþróttaskólinn er sameiginlegt
verkefni allra deilda félagsins og
lögð er áhersla á fjölbreytta
hreyfingu og þjálfun og námskeið
við allra hæfi. Gert er ráð fyrir að
iðkendur fái að kynnast sem
flestum íþróttagreinum og hafa
allir kennarar mikla reynslu af
þjálfun yngri iðkenda. Starfsfólk
Íþróttaskólans tekur á móti öllum
börnum og sér til þess að allir
komist á réttan stað. Í lok dags sjá
þau einnig til þess að allir komist
heim á leið eða verði sóttir.
Íþróttaskólinn er tvinnaður
saman við hefðbundnar æfingar
íþróttadeilda félagsins og verða
öll námskeiðin haldin á Ásvöllum.
Félagar í Haukum fá afslátt og
systkinaafsláttur fyrir systkini á
sama námskeiði er 20 prósent.
Einnig er afsláttur þegar tvö eða
fleiri heilsdagsnámskeið eru
greidd í einu. Nánari upplýsingar
má finna á www.haukar.is. - hs
Um 500 börn
skráð í fyrra
Haukar-Njarðvík Bikarúrslit í 10.
flokki kvenna.
HJÓLATÍÐIN fer að hefjast
og því um að gera að minna
fólk á að nota hjálma bæði
á börnin og sjálft sig.