Morgunblaðið - 22.01.2006, Blaðsíða 8

8 SUNNUDAGUR 22. JANÚAR 2006 MORGUNBLAÐIÐ
FRÉTTIR
Íslenska karlalandslið-ið í handbolta, eða„strákarnir okkar“
eins og liðið er jafnan kall-
að þegar vel gengur, leik-
ur sinn fyrsta leik á Evr-
ópumótinu í Sviss á
fimmtudaginn. Eins og
svo oft áður eru vænting-
ar almennings miklar og
að margra mati of miklar
eins og svo oft áður þegar
íslenskir íþróttamenn eiga
í hlut.
Menn virðast stundum
gleyma því að íslenska
þjóðin er ekki fjölmennari
en smáborg, eða bær, úti í hinum
stóra heimi og því ekkert sjálf-
gefið að íþróttafólk landsins sé
jafnan í hópi þeirra bestu í heim-
inum.
„Það er í þjóðarsálinni að gera
miklar kröfur,“ sagði Viggó Sig-
urðsson, landsliðsþjálfari, á dög-
unum og hefur ekkert gert til að
slá á þær væntingar sem eru um
gengi liðsins.
„Mér sýnist þetta vera rosalega
jafnt og það má ekkert út af bera
til að illa fari. Þetta er eins og að
spá um úrslit hjá United og Liver-
pool á Wembley, mér sýnist að
það séu jafn miklar líkur á að við
verðum í fyrsta sæti riðilsins og
því fjórða, þetta er svo jafnt,“ seg-
ir Óskar Bjarni Óskarsson, þjálf-
ari Vals, sem hefur lengi fylgst
með handboltanum.
Í gegnum tíðina hafa Íslending-
ar átt miklar og góðar rétthentar
skyttur. Nægir þar að nefna Jón
Hjaltalín Magnússon, Einar
Magnússon, Geir Hallsteinsson,
Þorbergur Aðalsteinsson, Alfreð
Gíslason, Patrek Jóhannesson,
Júlíus Jónasson og Atla Hilmars-
son. Sonur hins síðast nefnda,
Arnór, er ungur að árum og kom-
inn í stöðu skyttunnar vinstra
megin og er örugglega ákveðinn í
að sanna sig í þessari erfiðu stöðu.
Mikil áhersla hefur verið lögð á að
fá Garcia í þetta mót og ekki að
ósekju því hann styrkir liðið veru-
lega, ekki síst í vörninni.
Margir örvhentir leikmenn
Í stöðu örvhentrar skyttu er
fullt af mönnum og í raun ótrú-
lega margir. „Já, þetta er ótrúlegt
en ég veit ekki hvort það er til ein-
hver skýring á þessu. Það er kom-
inn örvhentur maður á miðjuna og
ætli þetta endi ekki bara með að
vinstri hornamaðurinn verður sá
eini rétthenti í liðinu,“ segir Ósk-
ar Bjarni og benti á að margir
þeirra örvhentu leikmanna sem
ekki komust í æfingahópinn væru
í leikmannahópi fjölda annarra
landsliða.
„Okkur vantar stóra og sterka
menn, líkt og Alfreð sem var og er
mikill maður. Það er spurning
hvort ekki þurfi átak hér heima í
að finna hávaxna stráka og koma
þeim í æfingu hjá yngri flokkun-
um, því okkur vantar svona
sleggjur,“ segir Óskar Bjarni.
Markvarslan hefur löngum ver-
ið vandræðastaða í íslenska lands-
liðinu og þá fyrst og fremst vegna
þess að stöðugleika hefur vantað.
„Ég held að Roland komi inn og
hann og Birkir eigi eftir að standa
sig ágætlega, það er kominn meiri
stöðugleiki í markvörsluna og það
er gott,“ segir Óskar Bjarni og
bætti því við að nú sé Birkir Ívar
kominn að þeim tímapunkti að
hann verði að fara til útlanda og
reyna fyrir sér þar, enda hafi
hann hæfileikana til þess.
Verður vörnin nægilega góð?
Það er oft sagt að til að mark-
verðir geti átt góðan dag verði
vörnin að standa sína plikt fyrir
framan hann. Síðustu árin hefur
íslenska liði leikið flata vörn,
Viggó er kominn með 5-1 vörn en
er ekki nauðsynlegt að vera með
fleiri „leikkerfi“ í vörn líkt og í
sókn? „Ég vildi í það minnsta sjá
einhver fleiri afbrigði af vörn hjá
liðinu. Ég óttast dálítið varnar-
leikinn. Það er erfitt að standa
vörnina í 60 mínútur og vera síðan
skytta í sókninni.
Annars held ég að gengi liðsins
velti mikið á vörn, markvörslu,
meiðslum og hvernig Viggó nær
að spila úr þeim spilum sem hann
hefur á hendi. Við þjálfararnir
höfum nefnilega mikið að segja,“
segir Óskar Bjarni.
Íslendingar voru ekki þekktir
fyrir að vera snjallir í hraðaupp-
hlaupum. En nú er öldin önnur og
margir á því að liðið sé eitt það
besta í hraðaupphlaupum.
Segjum sem svo að þetta sé satt
og rétt. Hvert er þá vandamálið?
Gefur það ekki augaleið að Ísland
muni verða Evrópumeistari, eða
leika í það minnsta um verðlaun ef
heppnin er ekki með liðinu? Nei,
málið er ekki alveg svona einfalt.
Fyrirkomulag keppninnar er
þannig að þrjú lið komast upp úr
hverjum riðli og taka með sér
stigin. Ef Ísland verður þar á
meðal mætir liðið þremur af fjór-
um liðum í D-riðli en þar eru Kró-
atía, Rússar, Norðmenn og Portú-
galar. Það er mikilvægt að
komast með eins mörg stig og
hægt er úr riðlunum, en til þess
þarf allt að ganga upp.
Mótið hefst á fimmtudaginn og
fyrir unnendur handknattleiks fer
nú í hönd gósentíð því 23 leikir
verða í beinni útsendingu á RÚV,
níu úr riðlakeppninni og síðan 14
eftir það, meðal annars úrslita-
leikurinn.
Áfram Ísland!
Fréttaskýring | Íslenska handboltalands-
liðið heldur til Sviss á enn eitt stórmótið
Óraunhæfar
væntingar?
Margir telja að nú sé lag hjá „strákunum
okkar“ að ná enn lengra en áður
Guðjón Valur verður í sviðsljósinu í Sviss.
Fjórða sætið er besti
árangur Íslands á EM

Handboltalandsliðið tekur nú
þátt í sjöunda stórmótinu í röð,
hefur verið með á öllum stórmót-
um frá HM í Frakklandi 2001,
þremur HM, einum Ólympíu-
leikum og Evrópukeppnin sem
hefst í Sviss á fimmtudaginn
verður sú þriðja á þessu tímabili.
Væntingarnar hafa jafnan verið
miklar en árangurinn upp og of-
an, bestur á EM 2002 þegar liðið
varð í 4. sæti og árið eftir í 7.
sæti á HM.
Eftir Skúla Unnar Sveinsson
skuli@mbl.is
Á ÞRIÐJA hundrað manns sótti
stofn- og kynningarfund á starfsemi
Ljóssins, endurhæfingar- og stuðn-
ingsmiðstöðvar fyrir krabbameins-
greinda og aðstandendur þeirra,
sem haldinn var í Neskirkju á föstu-
dag.
Ljósið er ný þjónusta fyrir
krabbameinsgreinda og aðstand-
endur þeirra, en þar er lögð áhersla
á að skapa hlýlegt og heimilislegt
andrúmsloft þar sem mannlegar
áherslur eru í fyrirrúmi og fólki finn-
ur að það er velkomið. Nú er þar
boðið upp á einstaklings- og hópa-
starf í samvinnu með iðjuþjálfa,
gestakennara og sjálfboðaliða. Að-
staða Ljóssins er í safnaðarheimili
Neskirkju.
Að sögn Ernu Magnúsdóttur iðju-
þjálfa, sem hefur yfirumsjón með
starfi Ljóssins, er mikil þörf fyrir
starfsemi eins og Ljósið býður upp
á, m.a. vegna þess að þjónusta sem
stuðlar að því að auka virkni og þátt-
töku einstaklingsins í þjóðfélaginu
eftir baráttu við krabbamein ætti að
vera jafn mikilvægur þáttur krabba-
meinsmeðferðar og t.d. lyfjameð-
ferð. Þá ýti það að fá tækifæri til að
takast á við verkefni sem hafi gildi
og þýðingu fyrir hinn krabbameins-
greinda undir að hann sé fyrr fær
um að taka þátt í því lífi sem hann
lifði áður. Ennfremur kveður Erna
eflingu á virkni og lífsgæðum hins
krabbameinsgreinda hafa áhrif á
lífsgæði annarra fjölskyldumeðlima.
Samtalshópur og slökun
„Eins og staðan er í dag er opið
hér fjóra daga í viku,“ segir Erna og
bætir við að verið sé að leita að fjár-
magni til að geta haft opið alla virka
daga.
Meðal þeirrar starfsemi sem fer
fram í Ljósinu er jóga tvisvar í viku.
Þá er samtalshópur og slökun einu
sinni í viku og opið handverkshús
einu sinni í viku auk þess sem kyrrð-
arstundir í kirkjunni á miðvikudög-
um eru nýttar af aðstandendum
Ljóssins. „Það er mikið félagslegt
samneyti, samhugur og styrkur milli
einstaklinganna sem sækja Ljósið
en það er fólki mjög nauðsynlegt
þegar það lendir í þessari aðstöðu,“
segir Erna.
„Hugmyndafræðin byggist á því
að fólkið sjálft kemur með þarfirnar
og hugmyndirnar til mín og í sam-
einingu byggjum við upp þetta starf.
T.d. erum við að fara af stað með
nýjan hóp fyrir ungt fólk sem á lítil
börn og þar hef ég fengið til liðs við
mig þrjár ungar konur úr Krafti, fé-
lagi ungra krabbameinssjúklinga,
sem eiga allar lítil börn. Þær koma
með þarfagreiningu um hvað væri
gott að fá stuðning við eða fræðast
um og hvernig við ætlum að byggja
þann hóp upp.“
Erna segir enga yfirbyggingu
vera hjá Ljósinu og sé það tiltölulega
ódýr lausn fyrir þjóðfélagið „Þetta
sparar ef til lengri tíma er litið,
vegna þess að með því að leyfa fólki
að vera virkt á þessu erfiða tímabili
er það fljótara að komast aftur út í
lífið og það spornar við því að fólk
þurfi að fara á örorku,“ segir Erna.
Grasrótarstarf fyrir krabbameinsgreinda og aðstandendur
Morgunblaðið/Kristinn
Aðstandendur Ljóssins glöddust við afar góða mætingu á stofnfundi miðstöðvarinnar á föstudag.
Ljósið hefur starfsemi í
safnaðarheimili Neskirkju
Eftir Svavar Knút Kristinsson
svavar@mbl.is
MEÐ tilkomu nýrra rafrænna að-
gangskorta á skíðasvæðunum í
Reykjavík verður skoðað hvort
hægt verði að bjóða fólki upp á að
kaupa kvöldkort eða hálfsdagskort
á svæðin, að sögn Grétars Halls
Þórissonar, forstöðumanns Skíða-
svæða höfuðborgarsvæðisins. Fólk
sem fór á skíðasvæðin um síðustu
helgi en kom ekki þangað fyrr en
seinnihluta dags var ósátt við að
þurfa að festa kaup á korti sem gild-
ir allan daginn.
Grétar segir að undanfarin fjögur
til fimm ár hafi ekki verið seld kort
sem gilda hluta úr degi á skíðasvæð-
in og enn lengra sé liðið frá því hætt
var að selja einstaka miða í lyfturn-
ar. Hið nýja rafræna kerfi bjóði hins
vegar upp á ýmsa möguleika, sem
ekki hafi verið fyrir hendi vegna
uppgjörsmála meðan notast var við
aðgangspassa í formi límmiða sem
festir voru á úlpur skíðaiðkenda. Nú
er að mestu hætt að nota slíka
passa, en þeir verða þó í notkun í
Skálafelli út veturinn.
Hægt að selja kort eftir veðri
„Við erum að byrja með nýja, raf-
ræna kerfið og höfum ekki tekið það
allt í notkun en í framtíðinni verður
hægt að búa til ýmsar verðeiningar.
Til dæmis verður hægt að selja kort
eftir veðri, vera með eitt kort á
landsvísu eða taka upp punktakerfi
þar sem fólk kaupir inneign á kort
sín sem það getur svo notað að vild,“
nefnir Grétar sem dæmi. „Það eru
margir möguleikar í þessu, en kerfið
er nýtt og ekki búið að ákveða hvað
verður gert,“ bætir hann við.
Grétar segist ekki gera ráð fyrir
öðru en að núverandi fyrirkomulag
muni gilda út veturinn. „Það hefur
engin ákvörðun verið tekin um ann-
að,“ segir hann.
Hann kveðst sammála því að það
sé mikið að þurfa að greiða fullt
dagsverð komi fólk á skíðasvæðin
skömmu fyrir lokun. „Á móti höfum
við stillt verði árskorta verulega í
hóf, en það kostar 10.000 fyrir börn
en 18.500 fyrir fullorðna. Eftir um
það bil 10 skipti er fólk því búið að
borga þau upp,“ segir hann.
Hugsanlega boðið upp á
kvöldkort á skíðasvæðunum
Morgunblaðið/Brynjar Gauti