Morgunblaðið - 22.01.2006, Blaðsíða 49

MORGUNBLAÐIÐ SUNNUDAGUR 22. JANÚAR 2006 49
UMRÆÐAN
Sími 594 5000 - Fax 594 5001
Lynghálsi 4//110 Reykjavík//Lögg. fasteignasali Halla Unnur Helgadóttir
Verktakar, félagasamtök, athafnafólk
Til sölu er veitingahúsið Kaffi Nauthóll
með öllu sem tilheyrir, til flutnings
Það er ekki oft sem heil
veitingahús bjóðast til
brottflutnings. Þetta er
tækifæri sem ætti að
freista margra, því
þarna er um fullbúið
veitingahús að ræða
sem má auðveldlega
flytja nánast hvert á
land sem er. Allur bún-
aður til veitingareksturs
getur fylgt og styttir
það leiðina verulega ef menn vilja opna veitingasölu. Ekki er endilega nauðsynlegt að
kaupa búnaðinn með og getur húsið þá orðið að glæsilegu sumarhúsi með lítilli fyrir-
höfn. Einnig mætti hugsa húsið sem þjónustuhús við tjaldstæði eða aðra ferða-
mannaþjónustu.
Upplýsingar gefur Bjarni Pétursson hjá Fasteignasölunni
Akkurat í síma 594 5008 og 896 3875.
GRETTISGATA - LAUS STRAX
Falleg og björt 53 fm 2ja-3ja her-
bergja risíbúð við Grettisgötu í
Reykjavík. Íbúðin skiptist þannig:
stofa, herbergi, eldhús, baðher-
bergi, lítið herbergi og gangur. Í
kjallara er sérgeymsla.
V. 12,5 m. 5493
Sverrir Kristinsson löggiltur fasteignasali
Kristján Ólafsson hrl. og löggildur fasteignasali
www.klettur.is
Glæsileg, ný 3ja herbergja 99 fm íbúð á 2. hæð í viðhaldslitlu
lyftuhúsi, ásamt stæði í lokaðri bílageymslu. Glæný og fullbúin íbúð
á góðum stað í hinu nýja Hvarfahverfi á Vatnsenda. Nýtt parket á
gólfum og flísar á baðherbergi, forstofu og þvottaherbergi, lýsing í
loftum frá LUMEX, gluggatjöld frá Nútíma, heimilistæki fylgja með
frá Heimilistækjum (þvottavél, þurrkari, ískápur og uppþvottavél).
EIGANDI VERÐUR Á STAÐNUM OG TEKUR Á MÓTI GESTUM.
OPIÐ HÚS MILLI 15:00-16:00
Álfkonuhvarf 35 - SÝNINGARÍBÚÐ
Þjónustuhús - Grafarvogi
Laugarnes - fasteignafélag leitar eftir áhugasömum samstarfs- og rekstraraðilum að
starfsemi sem hentar fyrir nýtt og glæsilegt þjónustuhús, sem áformað er að byggja að
Sóleyjarima 13 í Grafarvogi, í nálægð við Spöngina. Húsnæðið verður hannað sérstak-
lega með þarfir rekstraraðila/leigjenda í huga og þeirra starfsemi.
Þjónustuhúsið verður 800 fm. að grunnfleti og 400 fm. á annarri hæð, með mjög góðu
aðgengi og bílastæðum, mitt í nýbyggðu hverfi, rétt við Spöngina.
Þjónustuhúsið hentar einkar vel fyrir: Læknastofur, tannlækna, hjúkrun, sjúkraþjálfun,
iðjuþjálfa, nuddstofu, líkamsrækt, mennta-, heilsu- & hollustusetur, hugrækt, félags-
og sálfræðiþjónustu o.m.fl.
Þá getur húsnæðið einnig hentað fyrir fjölbreytta félagsstarfsemi og afþreyingu.
Áhugasömum aðilum er bent á að hafa samband
við Laugarnes ehf. - fasteignafélag
Lækjartorgi 5, 101 Reykjavík, sími: 575-3700,
netfang: laugarnes@laugarnes.is
BÓKIN „Myndin af pabba“ er
um Thelmu Ásdísardóttur, grimma
æsku hennar og leit að lífsham-
ingju. Í kjölfar bók-
arinnar hefur Thelma
verið valin maður árs-
ins og er það ekki að
undra því mikið hug-
rekki þarf til að op-
inbera sig eins og hún
gerir í bókinni.
Thelma Ásdís-
ardóttir fer með okk-
ur í ferð um uppvaxt-
arárin. Fjölskyldan
samanstendur af for-
eldrum og fjórum
systrum. Faðirinn,
sem var oft atvinnu-
laus, var ofstopafullur
og háður áfengi og fíkniefnum.
Móðirin mátti þola mikið ofbeldi af
hans hálfu og Thelma og systur
hennar urðu ekki einungis vitni að
því. Hann misnotaði þær gróflega
og átti það til að selja barnaníð-
ingum „aðgang“ að þeim í skiptum
fyrir vímuefni. Faðirinn hélt fjöl-
skyldunni í heljargreipum hræðsl-
unnar og á meðan dæturnar voru
rændar æskunni var kerfið … úr-
ræðalaust eins og svo oft áður.
Lesandinn er leiddur í gegnum
hryllinginn sem þolendur heimilis-
og kynferðisofbeldis mega þola.
Það er átakanlegt að lesa þessa
sögu og mun hún seint líða manni
úr minni. Vonandi nær hún þeim
tilgangi að vekja kerfið. Kerfið,
sem því miður virðist vera ómann-
eskjulegt og til þess fallið að þagga
niður það ofbeldi sem víða á sér
stað innan veggja heimilisins. Sög-
unni er ætlað að „rjúfa þögnina“.
Þögnina sem skýlir þessum
skuggahliðum mannskepnunnar
sem hikar ekki við að
níðast á smábörnum
til að svala sínum
brengluðu fýsnum.
Þessi hryllingur er til.
Kannski í næsta húsi.
Hvernig eigum við að
verjast, uppræta,
vernda …
Sagan svarar mörg-
um spurningum fyrir
þá sem hafa efast um
að þessi hryllingur
væri til og um líðan
fórnarlambsins, en eft-
ir situr lesandinn, tár-
votur með margt
ósvarað. Af hverju gera menn
svona? Af hverju gengur svona illa
að fá barnaníðinga dæmda? Af
hverju VAR kerfið svona úrræða-
laust og af hverju ER kerfið úr-
ræðalaust? Af hverju fyrnast svona
brot með árunum þannig að níðing-
arnir geta lagst óhindraðir á næstu
kynslóð?
Í sögunni er bjargvættur í formi
Stígamóta. Þar eru fórnarlömb
kynferðisofbeldis ekki dæmd held-
ur aðstoðuð við sjálfshjálp. Það
vakti athygli mína að sömu barna-
níðingarnir koma fyrir aftur og aft-
ur í umræðum á Stígamótum.
Sjaldnast eru þeir kærðir nema
þegar fórnarlömbin eru komin á
fullorðinsaldur og þá er það of
seint vegna fyrningarákvæða í
hegningarlögum. Samfylkingin
reyndi á alþingi að fá fyrning-
arákvæðin felld niður en af óskilj-
anlegum ástæðum vildi stjórn-
armeirihluti Sjálfstæðisflokks og
Framsóknarflokks ekki samþykkja
það. Mótrökin voru engin. Í stað
þess að standa með fórnarlömbum
kynferðisofbeldis var aðalatriðið
hjá meirihlutanum að samþykkja
ekki frumvarp frá minnihlutanum.
Já, einkennileg er hún þessi tík. Á
meðan risaeðla situr aðgerðalaus í
stóli dómsmálaráðherra ganga
barnaníðingar lausir og leita að
nýjum fórnarlömbum.
Thelma Ásdísardóttir er maður
ársins 2005 og bókin hennar er
skyldulesning.
Barnaníðingar
ganga lausir
Valdimar Leó Friðriksson
fjallar um bók Thelmu
Ásdísardóttur, barnaníðinga
og fyrningarákvæði
hegningarlaga
’Það vakti athygli mínaað sömu barnaníðing-
arnir koma fyrir aftur
og aftur í umræðum á
Stígamótum. ‘
Valdimar Leó
Friðriksson
Höfundur er þingmaður
Samfylkingarinnar.
búa þurfi í íbúðarhúsnæði þess
ríkis í þeim tilvikum er snerta
íbúðarhúsnæði og hefur beint því
til sænska ríkisins að þarlendar
reglur þess efnis verði afnumdar.
Ennfremur má benda á dóm EB-
dómstólsins í svonefndu Marks-
&Spencer máli (C-446/03), sem
snerist um samsköttun yfir landa-
mæri, þ.e. hvort nýta mætti
skattalegt tap m.a. í Frakklandi á
móti hagnaði félagsins í Bretlandi.
Ekki var það talið andstætt
reglum evrópuréttar að heimaríki
hefði í lögum ákvæði sem tak-
markaði nýtingu skattalegs taps
frá dótturfélögum í öðrum EB
ríkjum. Hins vegar mættu slíkar
reglur ekki fela í sér fortakslaust
bann við nýtingu slíks skattalegs
taps. Því á að vera unnt að nýta
tap milli lögsagna í EB ef til-
eknum málefnalegum skilyrðum er
fullnægt. Dómurinn gæti haft
áhrif á Íslandi að því leyti að ef ís-
lenskt móðurfélag rekur starfsemi
í dóttufélagi með skattalegu tapi í
öðru ríki innan EES og ekki er
hægt að nýta tapið þar og eiga þá
íslenskar reglur að gera íslenska
móðurfélaginu kleift að nýta tapið
á móti hagnaði félagsins á Íslandi.
Íslenska ríkið er skuldbundið
skv. EES samningnum til þess að
aðlaga íslensk skattalög að EES
rétti m.a. í tilvikum sem þegar
hafa fallið dómatúlkanir um á vett-
vangi evrópusamstarfsins. Fram-
kvæmdin virðist ekki fullnægjandi
hvað varðar að hafa frumkvæði að
því að aðlaga skattalög að skýrum
fordæmum s.s. að þeim sem að of-
an er vikið. En hvað er til ráða
fyrir skattaðila sem telur íslenskar
skattareglur brjóta í bága við
EES rétt? Hæstiréttur hefur
dæmt íslenska ríkið til að end-
urgreiða skattaðila ofgreiddan
virðisaukaskatt, sem lagður hafði
verið á skv. reglum sem voru ekki
samrýmanlegar EES rétti (H 477/
2002). Skattaðili getur því stefnt
íslenska ríkinu og krafist endur-
greiðslu á ofgreiddum skatti. Ann-
að úrræði er að hann gæti hugs-
anlega krafist skaðabóta frá
íslenska ríkinu vegna þess að
landsréttur hafi ekki verið aðlag-
aður EES rétti með fullnægjandi
hætti. Þá getur skattaðili kvartað
til ESA, en sú stofnun hefur eft-
irlit með því að íslenska ríkið upp-
fylli samningsskuldbindingar sín-
ar.
Af þessu má sjá að sjálfsákvörð-
unarréttur íslenska ríkisins á sviði
skattamála er ekki fortakslaus og
að evrópuréttur hefur áhrif á ís-
lenskar skattareglur, þrátt fyrir
að samræming skattamála sem
slíkra sé utan gildissviðs EES
samningsins. Æskilegt væri að ís-
lensk yfirvöld hefðu frumkvæði að
nauðsynlegri aðlögun skattalaga
svo ekki þurfi að reka dómsmál
vegna álitaefna sem þegar liggur
niðurstaða um á Evrópuvettvangi.
Höfundur er lögfræðingur, for-
stöðumaður í Landsbankanum og
aðjúnkt í skattarétti við lagadeild
Háskóla Íslands.