Morgunblaðið - 22.01.2006, Blaðsíða 44

44 SUNNUDAGUR 22. JANÚAR 2006 MORGUNBLAÐIÐ
AUÐLESIÐ EFNI
Læknirinn og sósíal-istinn Michelle
Bachelet vann forseta-kosningarnar í
Chile á sunnu-daginn var. Hún er fyrsta
konan til að gegna forseta-embætti í
landinu, og tekur við em-bætti 11.
mars.
Bachelet fékk
53,5% at-kvæða, en
keppi-nautur hennar,
hægri-maðurinn og
auð-jöfurinn Sebastián
Piñera, fékk 46,5%.
Sigur hennar tryggir
áfram-haldandi
ríkis-stjórn mið- og
vinstri-flokka í Chile sem hefur verið
síðan ein-ræði Pinochet lauk 1990.
Bachelet, sem er 54 ára, hefur
bæði verið heilbrigðis-ráðherra og
varnarmála-ráðherra.
Það þykir merki-legt hve langt hún
hefur náð í fremur íhalds-sömu,
kaþólsku sam-félagi því að hún er ekki
aðeins kona, ein-stæð móðir, og
sósíal-isti, heldur einnig yfir-lýstur
trú-leysingi.
Fyrsti kven-
forseti Chile
Michelle
Bachelet
Arnar Þór til Twente
Arnar Þór Viðarsson,
landsliðs-maður í knatt-spyrnu, hefur
skrifað undir 3½ árs samning við
hollenska úrvalsdeildar-liðið Twente.
Liðið greiðir um 11 milljónir fyrir
hann, en samningur hans við Lokeren
átti að renna út í sumar. Arnar er 27
ára og hóf ferilinn með FH en hefur
leikið með Lokeren síðan 1997.
Guðjón Valur ánægður hjá Gummersbach
Guðjón Valur Sigurðsson,
landsliðs-maður í hand-knattleik,
hefur fram-lengt samning sinn við
þýska stór-liðið Gummersbach. Gildir
samningurinn til ársins 2009. „Ég er
mjög ánægður hjá Gummersbach og
ekki skemmir fyrir að Alfreð Gíslason
tekur við þjálfun liðsins,“ segir
Guðjón Valur.
Ætlaði að hætta fyrir 2 árum
Laufey Ólafsdóttir landsliðs-kona í
knatt-spyrnu, sem mest hefur leikið
með Val, hefur hætt í íþróttinni vegna
mikilla brjósk-skemmda í hnénu. „Ég
ætlaði að hætta fyrir tveimur árum,“
segir Laufey sem var út-nefnd
knattspyrnu-kona ársins af KSÍ í
haust, 2. árið í röð.
Fall á 299. degi
Sigur-ganga Viggós Sigurðssonar,
landsliðs-þjálfara í handknatt-leik, og
læri-sveina hans lauk á
fimmtu-daginn, þegar Frakkar sigruðu
Íslendinga 31:27. Viggó hafði þá
stjórnað lands-liðinu í 16 leikjum í röð
án taps. Viggó féll á 299. degi, en
Þorbjörn Jensson átti gamla
landsleikja-metið sem var 15 leikir á
299 dögum án taps.
Íþrótta-molar
Borgar-stjórn Reykjavíkur sam-þykkti
á fundi sínum á þriðju-daginn að falla
frá áformum um gerð
Norðlingaöldu-veitu. Ólafur F.
Magnússon, borgar-fulltrúi F-lista,
hafði lagt til að borgar-stjórnin
samþykkti að Reykjavíkur-borg, sem
45% eignar-aðili í Lands-virkjun, að
hætt yrði við allar
virkjunar-framkvæmdir í
Þjórsár-verum og hætt við gerð
Norðlingaöldu-veitu. Ólafur fagnaði
stuðningi Reykjavíkur-listans, sem
tryggði til-lögu hans meiri-hluta í
borgar-stjórninni. „Sam-þykktin
markar tíma-mót í náttúru-vernd á
Íslandi,“ sagði Ólafur, sem bætti við
að borgar-stjórnin hefði nú bent
ríkis-valdinu og Lands-virkjun á að
tími væri kominn til að hlusta á rödd
náttúruverndar-fólks í landinu.
Margir voru á áhorfenda-pöllum
fundar-salarins meðan á
um-ræðunum stóð og klöppuðu eftir
ræður borgar-fulltrúa.
Tíma-mót í náttúru-vernd
Ljósmynd/Ólafur Örn Haraldsson
Þjórsárver.
Arabíska sjón-varpið Al-Jazeera birti á
fimmtu-daginn ó-svikna hljóð-ritun þar
sem Osama bin Laden, leið-togi
hryðjuverka-samtakanna al-Qaeda,
hótar fleiri á-rásum á Banda-ríkin.
Hann bauð Bandaríkja-mönnum
vopnahlé með „sanngjörnum
skilyrðum“, en sagði ekki hver þau
væru. Scott McClellan, tals-maður
Bandaríkja-forseta, hafnaði
vopnahlés-tilboðinu. „Við semjum ekki
við hryðjuverka-menn,“ sagði hann.
Þetta eru fyrstu skila-boðin frá bin
Laden í rúmt ár. Talið er að hann hafi
flutt á-varpið í desember.
„Við höfum ekkert á
móti því að bjóða ykkur
langtíma-vopnahlé
sem byggist á
sann-gjörnum
skil-yrðum," sagði bin
Laden. „Við stöndum
við þau vegna þess að
við erum þjóð sem Guð
hefur bannað að ljúga
og svíkja. Báðir aðilar geta því notið
öryggis og stöðug-leika þegar þetta
vopna-hlé varir, þannig að við getum
endur-reist Írak og Afganistan sem
hafa verið lögð í rúst í stríðinu.“
Osama
bin Laden
Býður „sann-gjarnt“
vopna-hlé
Golden Globe-verðlauna-hátíðin var
haldin á mánudags-kvöld í Los
Angeles. Kvik-myndin Brokeback
Mountain var valin besta drama-tíska
kvik-myndin, og hlaut hún líka
verð-laun fyrir besta lagið, besta
hand-ritið og bestu leik-stjórnina sem
Ang Lee sá um.
Walk the Line þótti besta söngva-
og gaman-myndin, en hún fjallar um
ævi tónlistar-mannsins Johnnys Cash
sem Joaquin Phoenix leikur.
Philip Seymour Hoffman var valinn
besti drama-tíski leikarinn fyrir leik
sinn í Capote og Felicity Huffman
besta leik-konan fyrir leik sinn í
Transamerica.
Anthony Hopkins hlaut
heiðurs-verðlaun há-tíðarinnar, Cecil
B. DeMille-verðlaunin, fyrir fram-lag
sitt til kvik-mynda.
Golden Globe-verð-launin segja oft
til um hvaða kvik-myndir verða
verð-launaðar á
Óskarsverðlauna-hátíðinni, en hún
verður haldin 5. mars.
Reuters
Íslands-vinurinn Clint Eastwood
óskar Ang Lee til hamingju.
Golden
Globe-
hátíðin
Steingrímur J. Sigfússon,
alþingis-maður og for-maður
Vinstri grænna, liggur
alvar-lega slasaður á
Land-spítalanum eftir að
bíllinn hans valt í
A-Húnavatnssýslu á
mánudags-kvöld. Steingrímur
var einn í bílnum og fór hann
nokkrar veltur. Öll
mikil-vægustu líf-færin
sluppu, en 13 rif-bein
brotnuðu og þarf hann að
liggja á sjúkra-húsinu næstu
vikur.
„Ég man nú fyrst og fremst eftir
fyrsta heljar-stökkinu sem bíllinn
tók og eftir að ég rankaði við mér
og bíllinn var á hjólunum í gangi á
ár-bakkanum,“ sagði Steingrímur
við blaða-menn á sjúkra-húsinu á
miðvikudaginn, en hann náði að
krafla í NMT-símann sinn og
hringja í neyðar-línuna.
Alþingi kom saman eftir jóla-frí
á þriðju-daginn, og tók Hlynur
Hallsson, vara-þingmaður Vinstri
grænna í Norðaustur-kjördæmi,
sæti Steingríms í bili.
Steingrímur spjallar við blaða-menn.
Steingrímur illa slasaður
Morgunblaðið/Brynjar Gauti
♦♦♦
Netfang: auefni@mbl.is