Morgunblaðið - 19.03.2006, Page 17

MORGUNBLAÐIÐ SUNNUDAGUR 19. MARS 2006 17
höfðu verið tekin af þeim um að
halda sig frá svæðinu og að leit að
kókaíninu yrði hætt.
Ofveiði og alþjóðlegir togarar
hafa eyðilagt vistkerfi sjávarins.
Þetta hefur gert starf kafaranna
hættulegra en ella. Kafararnir þurfa
að fara lengra út á haf og enn dýpra
til að finna humar. Enginn hefur
kafaramenntun að baki. Enginn
léttir á loftþrýstingnum á leiðinni
upp og margir deyja eða missa út-
limi vegna kafaraveiki. Miskitoarnir
trúa því að hafmeyjan eigi sök.
– Liwa Maiowin, segir gamli mis-
kitohöfðinginn og horfir út á haf:
– Hún býr hér í sjónum, er með
sítt, fallegt hár og ljósa húð. Þegar
hún verður ástfangin af kafara, fer
hún með hann á stað þar sem hann
finnur fullt af humri. Hún lokkar
hann, kafarinn getur hvorki staðist
hana né allan humarinn. Hún lokkar
hann dýpra og dýpra. Allt þar til
hann deyr. Þá verður hann hennar.
Hún fær aldrei nóg af karlmönnum.
Viðskiptum dagsins er lokið. Gólf-
ið er skrúbbað með saltvatni. Sólin
er sest. Bara svart haf og svartur
himinn eftir. Og urmull af stjörnum.
Hávær rafstöð heldur lífi í einmana
ljósaperu sem dinglar í miðju her-
berginu. Eftir tólf tíma vinnudag við
köfun finna örþreyttir líkamar kaf-
aranna sín föstu svefnpláss á tré-
gólfinu. Þeir leggjast til svefns eins
og þeir standa. Enginn er með föt til
skiptanna. Sumir eru með teppi.
Eftir klukkutíma er slökkt á raf-
stöðinni. Kaldur hafsúgur síast inn í
gegnum sprungurnar í gólfinu. Súg-
urinn verður að stormi. Öldurnar
toga í kofann. Í hvert skipti sem ein-
hver rís upp til að létta á sér út í sjó,
svignar byggingin svakalega. Kof-
inn sem er reistur til að standa í
þrjú ár hefur staðið hér í fjögur.
Undir honum synda hákarlarnir.
Það er dagleið í land.
Eftir margra tíma bátsferð um
völundarhús votlendis og fenja-
skóga er komið að bænum Blufields
sem stendur við lón og heitir í höf-
uðið á sjóræningja. Forðum versl-
unarbær með kreólsk hús í past-
ellitum. Íbúarnir eru afkomendur
þræla sem flúðu eftir uppreisn af
þrælaskipi, mismunandi frumbyggja
sem lifðu flökkulífi, breskra sjóræn-
ingja og amerísks verslunarfólks
sem ekki lét eftir sig annað en dá-
læti á sveitatónlist. Í bænum búa
um 30 þúsund manns og þar eru 300
útsölustaðir fyrir krakk.
Það brakar í gólffjölum timbur-
skúrsins undan þyngd Shotgun og
hins eineygða Danny, sem eru 27 og
31 árs. Þeir reykja jónu á meðan
þeir búa til krakk. Á stól úti í horni
liggur Luz út úr heiminum. Hinn
Tilbúið til sölu. Danny er búinn að aðskilja stóru krakkmolana frá þeim litlu og selur á ólíku verði.
Búið á stólpum. Veiðimennirnir koma heim við sólsetur eftir langan vinnudag. Þeirra bíður heit máltíð og nætursvefn.
Fyrst krakk, svo matur. Rósa bíður þess að Shotgun klári að búa til krakk. Þá eldar hún hrísgrjón.
Sheer Driving Pleasure
BMW X5
www.bmw.is