Morgunblaðið - 13.04.2006, Page 76
ÁSKRIFT-AFGREIÐSLA 569 1122 FIMMTUDAGUR 13. APRÍL 2006 VERÐ Í LAUSASÖLU 220 KR. MEÐ VSK.
Opið 8-24 alladaga
í Lágmúla og Smáratorgi
SÉRFRÆÐINGAR greiningardeildar breska
Barclays-bankans halda því fram í nýrri
skýrslu um íslensku bankana að Fjármálaeft-
irlitið (FME) sé að mestu ómeðvitað um helstu
áhættuþætti bankanna, sérstaklega skuldsetn-
ingu þeirra og eiginfjárstöðu. Eftirlitið skorti
viðmiðunarreglur hvað þetta varðar.
Tekið er fram í skýrslunni að tungumálaörð-
ugleikar hafi verið nokkrir á fundi sem
skýrsluhöfundar Barclays Capital áttu með
Fjármálaeftirlitinu. Þeir funduðu einnig með
Seðlabankanum en bera honum aðra söguna.
Bankinn sinni eftirlitsskyldunni vel og hafi
undanfarin tvö ár tekið virkan þátt í um-
ræðunni um ofhitnun hagkerfisins og áhrif
skuldsetningar bankakerfisins. Samfelld
hækkun stýrivaxta undanfarin ár beri þessum
áhyggjum Seðlabankans vott.
Meiri líkur á áföllum
Í ferð sinni til Íslands í lok mars sl. áttu
fulltrúar Barclays jafnframt fund með við-
skiptabönkunum; Glitni, KB banka og Lands-
banka. Þeir telja líkur á áföllum hjá íslenskum
bönkum meiri en fjármálamarkaðir gera ráð
fyrir í verðlagningu á skuldabréfum bank-
anna.
Skýrsluhöfundar telja áhættuna minnsta
hjá Glitni, en vegna þess að áhættan er meira
kerfislæg en sjálfsprottin hjá bönkunum mæl-
ir greiningardeild Barclays frekar með því að
fjárfestar dreifi áhættunni á skuldabréf frá
bönkunum öllum.
Vegna þess að Barclays telur skuldabréfa-
markaðinn ofmeta skuldabréf íslensku bank-
anna er mælt með því í skýrslunni að fjár-
festar taki skortstöðu gegn bréfunum.
Viðhorfsbreyting bankanna
Skýrsluhöfundar taka fram að þeir hafi orð-
ið varir við viðhorfsbreytingu hjá íslensku
bönkunum og að þeir séu reiðubúnari en áður
að hlusta á athugasemdir fjárfesta á skulda-
bréfamarkaði og að á fundunum hafi í fyrsta
skipti komið fram að til greina kæmi að draga
úr vexti þeirra vegna.
Allir bankarnir hafi náð árangri í því að
tryggja lausafjárstöðu sína til skemmri tíma
með því að leita nýrra leiða við fjármögnun, en
hins vegar séu aðaláhættuþættirnir óbreyttir
og því telji Barclays horfur ekki bjartar.
Greiningardeild Barclays Capital með nýja skýrslu um íslenskt efnahagslíf
FME ómeðvitað um
helstu áhættuþættina
Eftir Bjarna Ólafsson
bjarni@mbl.is
NEMENDUR á öðru ári í fatahönnun við Listahá-
skóla Íslands héldu árlega tískusýningu í Loftkast-
alanum í gærkvöldi og sýndu afrakstur vinnu sinnar
í vetur. Fullt var út úr dyrum á sýningunni og gerðu
gestir góðan róm að því sem hinir ungu hönnuðir
höfðu fram að færa. Níu nemendur sýndu hvers þeir
eru megnugir en hver þeirra hannaði línu og sýndi
þrjár útfærslur af klæðnaði sínum. Ekki var annað
að sjá en að hópurinn væri efnilegur og hver veit
nema hann klæði landann í náinni framtíð.
Morgunblaðið/Sverrir
Frumlegir ungir hönnuðir
KAUPÞING banki hefur gef-
ið út 500 milljóna Bandaríkja-
dala skuldabréf til fimm ára,
en það svarar til um 37 millj-
arða íslenskra króna.
Útgáfan, sem er fyrsta út-
gáfa Kaupþings banka í
Bandaríkjunum, var öll seld
til sama aðila.
Bankinn hefur það sem af
er þessu ári fjármagnað sem
svarar samtals 1,8 milljörðum
evra, en afborganir langtíma-
skulda bankans fyrir árið
2006 nema sem svarar til
samtals 1,3 milljarða evra.
Í tilkynningu frá bankan-
um segir að útgáfan sýni að
bankinn hafi góðan aðgang að
fjárfestum í Bandaríkjunum
og að meira verði gefið út af
skuldabréfum þar. Ekki er
gert ráð fyrir því að þeir
bandarísku fjárfestar sem
eigi framlengjanleg skulda-
bréf muni framlengja bréfin
hinn 20. apríl næstkomandi.
Við það komi um 45 milljarð-
ar króna (605 milljónir dala)
til greiðslu vorið 2007. | C2
Skuldabréf
fyrir 500
milljónir
dollara
VARAFORMAÐUR Framsókn-
arflokksins telur að ríki og sveit-
arfélög verði að lækka skattheimtu
af þeim lægstlaunuðu. Þeirri tekju-
skerðingu hins opinbera verði að
mæta með öðrum hætti en mik-
ilvægt sé að tryggja stöðugleika og
halda verðbólgu í skefjum.
„Í mínum huga snýst þetta ekki
bara um laun, heldur samspil
launa, skatta og skattleys-
ismarka,“ segir Guðni Ágústsson.
„Ég held að lág laun verði að bæta
þannig að það fari ekki upp stigann
og þess vegna ber að horfa á þetta
svona og auðvitað þarf ríkið að
sækja meiri tekjur til þeirra sem
betra hafa það í þjóðfélaginu. Því
mikill kjaramunur
fer fyrir brjóstið á
þjóðinni. Aðalatriðið
er að setjast yfir
þetta í alvöru og
helst að leysa kjör
þessa hóps og eins
kjör aldraðra sem
allra fyrst.“
Aldraðir eiga að
hafa það gott
Guðni segir að sér
þyki sárt að heyra af
bágum kjörum aldr-
aðra. „Aldraðir eiga
að hafa það gott en
það er búið að ala á
mikilli óhamingju
meðal þeirra. Þar er
töluverður hópur
fólks sem hefur mjög
lágan lífeyri og það
þarf að hugsa til hans
með sama hætti.“ Það
kæmi jafnt láglauna-
stéttum og mörgum
öldruðum til góða að
hækka skattleys-
ismörk og hætta að
taka útsvar og tekju-
skatt af lægstu laun-
um. Eins telur Guðni
hægt að draga úr
ýmsum skerðingum á
lífeyrisgreiðslum úr
almannatryggingakerfinu.
Guðni segist ekki líta svo á að
deilt sé um lækkun matarskatts
innan ríkisstjórnarinnar. „Ég tel
að þegar matvælanefndin hefur
lokið störfum sínum muni menn
ganga til þess verks að lækka mat-
vælaverð. Þá hlýtur lækkun virð-
isaukaskatts að vera þar stórt at-
riði. Svo verður að fylgja því eftir
að matvaran lækki til neytenda.“
Að sögn Guðna hefur verið rætt
um að lækka virðisaukaskatt á
matvæli úr 14% í 7%. Guðni kveðst
vænta þess að matarnefndin skili
niðurstöðum í vor eða sumar.
Lækka ber skatta hjá þeim lægst launuðu
Guðni Ágústsson Öflugra | 32–33
FJÁRMÖGNUNARKOSTNAÐUR íslensku
bankanna mun hækka að einhverju marki
á næstunni, að sögn Bjarna Ármanns-
sonar, forstjóra Glitnis,
en fyrir liggur að á
þessu ári og því næsta
falla skuldbindingar í
gjalddaga hjá bönk-
unum sem þarf að end-
urnýja. Í samtali við
Morgunblaðið í dag seg-
ir Bjarni að óhjá-
kvæmileg áhrif þessa
séu þau að bankarnir
muni í meira mæli ein-
beita sér að því að reka þær einingar sem
þeir hafa þegar keypt og ná samlegð-
aráhrifum úr ólíkum einingum, bæði inn-
an og milli landsvæða. Vel sé mögulegt að
íslensku bankarnir muni hækka vexti við-
skiptavina sinna. | 18–19
Ekki óeðlilegt að bú-
ast við hækkun vaxta
Bjarni Ármannsson
FARSÍMANOTKUN eykst stöðugt hér á
landi og hefur hún tvöfaldast frá árinu
2000 samkvæmt tölulegum upplýsingum
um íslenska fjar-
skiptamarkaðinn árið
2005, sem Póst- og
fjarskiptastofnun hef-
ur safnað. Stöðugt hef-
ur dregið úr símtölum
innanlands í almenna
símnetinu frá árinu
2000. Í fyrra var
minna talað í síma í al-
menna símnetinu, í
mínútum talið, en árið 1997 þegar mín-
útumæling var tekin upp.| 8
Farsímanotkun
eykst stöðugt
FL GROUP hefur, ásamt fjárfestum, und-
irritað samning um kaup á hollenska
drykkjarvöruframleiðandanum Refresco
Holding. Heildarkaupverðið er um 461
milljón evra, sem svarar til um 42 millj-
arða íslenskra króna. FL Group verður
stærsti hluthafi félagsins með 49% eign-
arhlut, en meðal annarra fjárfesta eru Víf-
ilfell og helstu stjórnendur Refresco.
Að því er fram kemur í tilkynningu frá
FL Group nemur fjárfesting félagsins um
fimm milljörðum íslenskra króna og er
hún fjármögnuð með eigin fé.
Refresco framleiðir ávaxtasafa og svala-
drykki undir vörumerkjum verslana í Evr-
ópu, en fyrirtækið framleiðir einnig undir
eigin vörumerki. Helstu markaðssvæði fé-
lagsins eru Þýskaland, Frakkland, Spánn,
Portúgal, Holland og Finnland. | C2
FL Group og fleiri
kaupa drykkjar-
vörufyrirtæki
MORGUNBLAÐIÐ kemur næst út á
páskadag, sunnudaginn 16. apríl.
Fréttaþjónusta verður að venju á
Fréttavef Morgunblaðsins, mbl.is, alla
páskahelgina. Ábendingum um fréttir
má koma á netfrett@mbl.is.
Áskriftardeild Morgunblaðsins
verður opin í dag, skírdag, kl. 7–14, á
laugardag kl. 14–19 og páskadag kl. 8–
15. Lokað verður á föstudaginn langa
og annan í páskum.
Auglýsingadeild blaðsins verður op-
in á laugardag kl. 9–12 en lokuð aðra
daga.
Skiptiborð Morgunblaðsins verður
opið á laugardag kl. 8–12 og annan í
páskum kl. 13–20. Símanúmer blaðsins
er 569-1100.
Fréttaþjónusta
um páska