Morgunblaðið - 27.05.2006, Blaðsíða 14

14 LAUGARDAGUR 27. MAÍ 2006 MORGUNBLAÐIÐ
FRÉTTIR
KENNSLA til B.A. prófs í Austur-Asíufræð-
um hefst við Háskóla Íslands og Háskólann á
Akureyri í haust. Um nýtt, þverfaglegt nám er
að ræða og segir Geir Sigurðsson, for-
stöðumaður Asíuvers Íslands, að samstarf það
sem HÍ og HA muni hafa um námið sé einnig
nýjung, en þeir sem stunda námið munu út-
skrifast frá báðum háskólunum.
Geir segir að þau lönd sem einkum verði
lögð áhersla á í náminu séu Kína, Kórea og
Japan. Markmiðið sé að nemendur fái góða
innsýn inn í menningu, stjórnmál, viðskipti og
fleira í þessum löndum sem og öðrum í Austur-
Asíu. Þá velji þeir að leggja stund á ann-
aðhvort japönsku eða kínversku í náminu. Jap-
anska hefur verið kennd við HÍ frá árinu 2003,
en kennsla í kínversku hófst við HA í janúar
síðastliðnum.
„Nemandinn velur sér annaðhvort að taka
20 einingar í japönsku eða í kínversku. Af-
gangurinn verða námskeið sem eru ýmist
kennd innan japönskuskorar, hjá okkur í kín-
verskunni eða þá í öðrum deildum. Til dæmis
verður kennt í viðskipta- og hagfræðideild
námskeið sem tengist haglýsingu á svæðinu, í
guðfræðideild eru við og við kennd námskeið
um búddisma eða um asísk trúarbrögð, heim-
spekiskor kennir námskeið um kínverska
heimspeki, og svona mætti áfram telja,“ segir
Geir.
Hann segir markmiðið með náminu það að
útskrifa einstaklinga með góða þekkingu á
Austur-Asíu, sem skortur sé á hér á landi. „Ég
veit að fólk í viðskiptageiranum kvartar yfir
því að það er ákveðinn þekkingarskortur á
þessum heimshluta,“ segir Geir. Þetta sé eðli-
legt enda sé Ísland fjarri þessum heimshluta
og þá hafi ekki verið boðið upp á nám í Austur-
Asíufræðum hér á landi fram að þessu. Að-
standendur námsins vonist svo til þess að þeir
sem hafa lagt stund á það hér á landi haldi til
útlanda í framhaldsnám og komi svo til baka
og nýti menntun sína. Geir segir aukinn áhuga
á Austur-Asíufræðum í löndunum í kringum
okkur. Kínverska sé meðal annars orðin
skyldunámsgrein í sumum breskum mennta-
skólum og svipað sé uppi á teningnum í öðrum
Evrópulöndum.
„Ég held að það sé mjög mikilvægt fyrir Ís-
lendinga að bjóða upp á námsleið sem fær
nemendur inn á þessa braut. Ef við bjóðum
ekki upp á þetta á Íslandi eru svo fáir sem fara
í þetta,“ segir hann. „Hugsunin að baki er að
við séum með eitthvað sem fær ungt fólk til
þess að leiða hugann að þessum heimshluta.
Ég er vongóður um að þetta eigi eftir að skila
miklum árangri.“
Mikill áhugi á kínversku
Hann kveðst telja að mikill áhugi verði á
náminu hér á landi og vonast til að um 20
manns, hið minnsta, muni skrá sig í það í
haust. „Það var strax mjög mikill áhugi við Há-
skólann á Akureyri þegar við fórum í gang
með kínverskunámið í janúar. Um 50 manns
skráðu sig til námsins þótt fyrirvarinn væri
ekki nema tvær vikur,“ segir Geir. Spurður um
hverjir muni kenna fræðin segir Geir að há-
skólarnir eigi í mjög góðu samstarfi við Norð-
urlöndin í gegnum Nordplus, auk þess sem
góð samvinna sé við aðra evrópska háskóla.
Kaoru Umezawa, lektor, sjái um kennslu í jap-
önsku við HÍ og kínverska ríkið hafi útvegað
kínverskan sendikennara. „Svo þurfum við að
leita uppi þá Íslendinga sem hafa verið í þess-
um löndum og hafa sérþekkingu á þessum
svæðum. Þetta er ekki stór hópur en allir sem
við höfum leitað til hafa verið viljugir og
spenntir að taka þátt í þessari uppbyggingu,“
segir Geir.
Brautryðjendasamstarf
Hann segir að samstarf HÍ og HA um námið
sé einstakt. „Það verður boðið upp á sameig-
inlega prófgráðu sem ekki hefur verið gert til
þessa,“ segir Geir. Í megindráttum verði Há-
skóli Íslands áfram með umsjón með japönsk-
unáminu og Háskólinn á Akureyri með umsjón
með kínverskunáminu, en þetta feli í sér mikla
samvinnu. Asíuver Íslands hefur yfirumsjón
með náminu, en það er samstarfsstofnun HÍ
og HA og er stjórn þess samsett af aðilum úr
báðum skólum.
„Sumir hafa haft orð á því að þetta kunni að
verða brautryðjendasamstarf sem geti leitt til
þess að þetta verði gert í fleiri greinum,“ segir
Geir.
Ánægja með japönskunámið
Kaoru Umezawa, lektor í japönsku við HÍ,
segir að nemendur sem lagt hafa stund á jap-
önsku við skólann hafi verið ánægðir með
námið. Að loknu eins árs námi í japanskri
tungu hafi margir nemendur valið að halda ut-
an til frekara japönskunáms en þeim hafi gef-
ist kostur á að fá þær einingar metnar og ljúka
þannig 60 eininga japönskunámi frá HÍ. Þá
hafa nemendur þann valmöguleika að taka 30
eininga aukagrein og útskrifast með japönsku
sem aðalgrein.
„Í vor útskrifast fyrsti nemandinn sem tók
japönsku sem aðalgrein, en hann skrifaði loka-
ritgerðina sína um hinn umdeilda Yasukuni
helgidóm í Tókýó,“ segir hún. „Auk námsins
skipuleggjum við ýmsa menningarviðburði og
nemendur hafa náð að kynnast vel í gegnum
námið og líkað það mjög vel,“ segir Kaoru.
Sem dæmi mætti nefna að frá því að kennsla í
japönsku hófst hér á landi hafi verið haldin
japönsk hátíð í janúarmánuði ár hvert, en
menningarviðburðirnir hafi verið skipulagðir í
samvinnu við japanska sendiráðið og Japani
sem búa á Íslandi. „Um síðustu helgi héldum
við svo ræðukeppni, þar sem nemendur sem
hafa lært japönsku tóku þátt,“ segir hún.
Aukin fjölbreytni
Kaoru segir að hið nýja nám í Austur-
Asíufræðum muni auka valmöguleika þeirra
nemenda sem leggja stund á japönsku. „Fjöl-
breytnin verður meiri og hægt að öðlast dýpri
þekkingu á Japan og öðrum löndum í Austur-
Asíu,“ segir hún.
„Allnokkur námskeið verða kennd í vetur en
við stefnum að því að fjölga þeim og auka enn á
fjölbreytnina með tímanum,“ segir hún. Kaoru
er bjartsýn á framhald japönskukennslu við
HÍ og á vinsældir hins nýja náms í Austur-
Asíufræðum í HÍ og HA. „Ég hef tekið eftir
því að áhugi meðal ungs fólks á Japan hefur
aukist,“ segir hún.
Háskóli Íslands og Háskólinn á Akureyri bjóða í sameiningu upp á nýtt nám í Austur-Asíufræðum
Áhersla á Japan, Kína og Kóreu
Morgunblaðið/Jim Smart
Japanskur temeistari. Kennsla í Austur-
Asíufræðum hefst við HÍ og HA í haust.
Eftir Elvu Björk Sverrisdóttur
elva@mbl.is
ÍSLENDINGUM gefst kostur á því
að berja augum glæsilega Rolls
Royce Phantom bifreið í Ásmund-
arsafni um helgina. Er þar um að
ræða frumsýningu B&L á bifreið-
inni en fyrirtækið er fyrsti söluaðili
Rolls-Royce Motor Cars á Íslandi.
Bifreiðin sem er til sýnis er af
gerðinni Phantom EWB og er 25 cm
lengri en upprunalega gerðin. Er
hún búin öllum hugsanlegum þæg-
indum og hefur að geyma eina full-
komnustu V12 vél sinnar tegundar,
sem skilar í fullum afköstum 453
hestöflum. Frumsýningin er sú
fyrsta sem Rolls-Royce Motor Cars
kemur að hér á landi auk þess sem
þetta er í fyrsta skipti frá árinu 1984
sem Rolls-Royce Phantom er flutt
hingað til lands – aðeins ein bifreið
af þessari gerð hefur áður sést hér á
landi í 102 ára sögu Rolls-Royce.
Verð á Rolls-Royce bifreiðum get-
ur verið nokkuð á reiki eftir því
hvernig aukabúnað tilvonandi eig-
andi vill hafa en sá sem er til sýnis í
Ásmundarsafni um helgina kostar í
kringum 70 milljónir króna.
Sjötíu milljóna króna
Rolls-Royce til sýnis
EF iðnaðarmenn í ál-
verum hafa 400 þús-
und krónur í mánaðar-
laun er eðlilegt að
leikskólakennarar hafi
mánaðartekjur sem
eru ekki lægri en 300
þúsund krónur. Þetta
segir Ásta Þorleifs-
dóttir, frambjóðandi
Frjálslynda flokksins í
kosningum til borgar-
stjórnar, en þetta var
meðal þess sem fram
kom hjá henni á fundi
leikskólakennara með
fulltrúum flokkanna
sem fram fór á dögun-
um.
Ásta bendir á að á tyllidögum séu
börn sögð „það verðmætasta sem við
eigum, en þegar kemur að því að
borga fyrir að mennta þau og sjá um
þau, um öryggi þeirra, heilsu og
menntun, sem er gríð-
arlega mikilvægt starf,
tímum við ekki að borga
fyrir það.“
Ásta bendir einnig á
að leikskólinn sé mikil-
vægt menntunarstig.
Æskilegt sé að börn séu
á leikskóla, í því formi
sem nú þekkist, frá
tveggja og til fjögurra
ára aldurs.
„Svo taki hreinlega
við barnaskóli fyrir
fimm til átta ára gömul
börn,“ segir Ásta.
Þar verði púslað sam-
an menntunar- og fag-
legum bakgrunni leikskólakennara
við grunnskólakennarana og frí-
stundaheimilin. „Þannig gæti náðst
að skapa umhverfi sem kæmi til
móts við uppgötvunarnám og þarfir
barna,“ segir Ásta Þorleifsdóttir.
Leikskólinn
mikilvægt
menntunarstig
Ásta Þorleifsdóttir
Egilsstaðir | Hátt í fimm hundruð
skólanemendur af Fljótsdalshéraði
tóku þátt í svokölluðum Héraðs-
leikum á föstudag, en þá mættu
nemendur allra grunnskóla sveitar-
félagsins í Egilsstaði og Hallorms-
stað og tóku þátt í hvers kyns þraut-
um og leikjum, m.a. kajakróðri í
sundlauginni, pönnukökubakstri og
að síga niður kirkjuturninn á Egils-
stöðum. Fjörið stóð yfir í rúmar
tvær klukkustundir og endaði með
herlegri grillveislu á grunnskólalóð-
inni. Grunnskólarnir á Fljótsdals-
héraði eru á Egilsstöðum og Eiðum,
í Hallormsstað, Fellabæ og í Brúar-
ási í Jökulsárhlíð.
Morgunblaðið/Steinunn Ásmundsdóttir
Magnhildur Magnúsdóttir tekst hér
á við ögrunina með bros á vör.
Kappi att í
kirkjuturni
Eftir Steinunni Ásmundsdóttur
steinunn@mbl.is
LÍTIÐ snjóflóð féll úr hlíðinni
ofan við Siglufjörð um kl. 13 í
gær. Talið er að spýjan hafi far-
ið af stað vegna sólbráðar, en
hún stöðvaðist ofan við snjó-
flóðagarðinn. Ekki var talið að
hætta hefði verið á ferðum, seg-
ir Guðgeir Eyjólfsson, sýslu-
maður.
Hann segist ekki þekkja til
þess að snjóflóð hafi fallið áður
á þessum stað á þessum árs-
tíma, þótt þetta geti alltaf gerst
eftir snjókomu eins og verið hafi
undanfarna daga. Það hafi þó
ekki verið mikill snjór í fjallinu,
og ekki sé talin hætta á stærri
snjóflóðum.
Margar svipaðar spýjur hafi
fallið sunnan við bæinn í gær,
en þær hafi allar stoppað hátt
uppi í hlíðinni.
Lítið snjóflóð féll
ofan við Siglufjörð