Morgunblaðið - 27.05.2006, Síða 16

16 LAUGARDAGUR 27. MAÍ 2006 MORGUNBLAÐIÐ
FRÉTTIR
Nylon á
Wembley
á morgun

Þetta er æðislegt og við
alveg elskum þetta líf.
ÚR VERINU
RANNSÓKNIR á veiðarfærum á
vegum Hafrannsóknastofnunarinn-
ar verða efldar á Ísafirði, þar sem
miðstöð rannsóknanna er á vegum
Hafrannsóknastofnunarinnar. Ráð-
inn hefur verið nýr veiðarfærasér-
fræðingur að stofnuninni, Ólafur
Arnar Ingólfsson. Hann er að ljúka
doktorsnámi í Noregi og hefur nú
bæst við kjarnann fyrir vestan sem
myndar miðstöð veiðarfærarann-
sóknanna, ásamt Haraldi A. Einars-
syni í Reykjavík.
Að þessu markmiði hafa heima-
menn, undir forystu Halldórs Hall-
dórssonar bæjarstjóra Ísafjarðar-
bæjar, unnið árum saman. Einar K.
Guðfinnsson sjávarútvegsráðherra
sagði m.a. í ávarpi sínu á fundi, sem
haldinn var til að kynna eflingu
rannsóknanna fyrir vestan: „Við
verðum þess greinilega vör í alþjóða-
umræðu að menn hafa skoðanir á
virkni einstakra veiðarfæra og áhrif-
um þeirra. Til að gera okkur gildandi
í þeirri umræðu þurfum við að hafa
svör við spurningum manna á
reiðum höndum. Þau fást ekki nema
með því að beita vísindalegum að-
ferðum við að afla þeirra. Við eigum
að vera á heimsmælikvarða á þessu
sviði. Íslenskur sjávarútvegur er það
almennt og ekki er ástæða til að gera
minni kröfur til okkar hvað veiðar-
færarannsóknir snertir.“
Mikil uppbygging
Á fundinum, sem Jóhann Sigur-
jónsson forstjóri Hafrannsókna-
stofnunarinnar stýrði, voru flutt
fjögur stutt erindi. Hjalti Karlsson
útibússtjóri Hafrannsóknastofnun-
arinnar lýsti uppbyggingu stofnun-
arinnar á sviði veiðarfærarannsókna
bæði með tilliti til mannafla og
tækja. Við stofnunina starfa nú þrír
veiðarfærasérfræðingar, tveir á Ísa-
firði og einn í Reykjavík, auk þess
sem mikið af tækjabúnaði hefur ver-
ið keyptur á undanförnum misserum
til beinna athugana á veiðarfærum.
Ólafur Arnar lýsti í stuttu máli
doktorsverkefni sínu sem hann er nú
að ljúka við háskólann í Bergen,
ásamt því að lýsa rannsóknaá-
herslum á þessu sviði í nágranna-
löndunum. Því næst gerði Haraldur
A. Einarsson grein fyrir þeim verk-
efnum sem Hafrannsóknastofnunin
hefur unnið að undanfarið og mun
sinna í nánustu framtíð. Einar
Hreinsson leit síðan að lokum lengra
fram í tímann, eftir að hafa gert
fundarmönnum ljóst að hann teldi að
leita þyrfti nýrra leiða til að leysa að-
steðjandi vandamál í veiðitækni.
Hvert sæti var skipað á kynningar-
fundinum sem liðlega fjörutíu manns
sóttu, fulltrúar hagsmunasamtaka í
sjávarútvegi, útgerðarmenn, skip-
stjórar og fleiri. Í lok fundar var efnt
til svonefnds bryggjuspjalls og
spunnust þar líflegar umræður.
Rannsóknir á veiðarfærum
verða efldar á Ísafirði
Veiðarfæri Starfsmenn veiðarfærarannsóknanna ásamt sjávarútvegs-
ráðherra og forstjóra Hafrannsóknastofnunarinnar: Hjalti Karlsson, Ólaf-
ur Arnar Ingólfsson, Einar Hreinsson, Haraldur A. Einarsson, Einar K.
Guðfinnsson og Jóhann Sigurjónsson.
FIMM skipstjórnarmenn frá Land-
helgisgæslunni hafa útskrifast af 4.
stigi (varðskipadeild) skipstjórnar-
sviðs Fjöltækniskólans. Einn þeirra
útskrifaðist sem stúdent um leið.
Þetta telst til tíðinda því að nú eru
liðin 12 ár frá síðustu útskrift þess-
arar deildar en 4. stigið hefur ekki
verið haldið síðan þá.
Auk skipstjórnarmanna Land-
helgisgæslunnar sem útskrifuðust
sem lávarðar (lordar), eins og það er
kallað, tóku þrír utangæslumenn
þetta próf og tveir þeirra útskrif-
uðust sem stúdentar um leið.
„Landhelgisgæslan fagnar þess-
um áfanga enda var orðin brýn þörf
á fleiri foringjaefnum í flota Gæsl-
unnar. Mikilvægt er fyrir Landhelg-
isgæsluna að skipherrar Landhelg-
isgæslunnar séu vel menntaðir og
vel að sér varðandi nýjustu tækni í
þeirri öru þróun sem á sér stað og
tengist starfsemi Landhelgisgæslu
Íslands í dag,“ segir í frétt frá Gæsl-
unni.
Gæslan Lávarðarnir ásamt skipherranum á Óðni, þar sem útskriftar-
veislan var haldin, og forstjóranum. Frá vinstri: Einar H. Valsson skip-
herra, Pálmi Jónsson (einnig stúdent), Jón Páll Ásgeirsson, Guðmundur
Rúnar Jónsson, Gunnar Örn Arnarson, Friðrik Höskuldsson og Georg Kr.
Lárusson forstjóri.
„Lávarðar“ útskrifaðir
STÚDENTAR af höfuðborgarsvæð-
inu munu njóta 80% forgangs í stúd-
entagarða á vegum Félagsstofnunar
stúdenta frá og með 1. júní nk. hvað
varðar íbúðir í svonefndum Skugga-
garði, sem mun rísa við Lindargöt-
una.
Hingað til hafa stúdentar af lands-
byggðinni notið forgangs í íbúðir
sem biðlistar eru eftir og munu þeir
njóta hans áfram varðandi það hús-
næði sem til staðar er, en breytingin
tekur, auk Skuggagarðs, til þeirra
garða sem munu rísa í framtíðinni.
Alls munu 96 íbúðir rísa í Skugga-
garðinum auk þess sem Félagsstofn-
un stúdenta hefur í hyggju að hefja
framkvæmdir á svonefndum Bar-
ónsreit en áætlað er að 120 íbúðir
verði reistar þar.
Núverandi húsakostur FS er um
620 íbúðir og er mest sótt í tvíbýli,
stúdíóíbúðir og paríbúðir en stúdent-
ar af landsbyggðinni njóta forgangs
að þeim íbúðum.
Samkvæmt tilkynningu frá Fé-
lagsstofnun stúdenta er um ákveðna
stefnubreytingu að ræða og er hún
hugsuð til þess að leysa úr húsnæð-
isvanda stúdenta og útrýma biðlist-
um. Vegna mikillar eftirspurnar og
takmarkaðs framboðs af húsnæði
hefur þurft að forgangsraða á bið-
lista.
Stefna FS er að geta veitt öllum
þeim stúdentum sem þess óska hús-
næði og er talið að tryggja þurfi 15%
stúdenta við skólann, sem eru rúm-
lega níu þúsund í dag. FS getur boð-
ið 8% stúdenta upp á íbúðir í dag en
áðurnefnt 15% hlutfall er það sem
miðað er við á Norðurlöndunum og í
samræmi við kannanir um þetta efni.
Í tilkynningunni kemur fram að FS
bíði eftir úthlutun frekara bygging-
arsvæðis en að fjármagn til fram-
kvæmda sé fyrir hendi.
Nýjar reglur taka sem fyrr segir
gildi 1. júní, nánar tiltekið á miðnætti
þann dag og verður þá unnt að sækja
um samkvæmt reglunum. Sú tíma-
setning gildir einnig fyrir nýnema
sem hefja nám í haust og geta þeir
sótt um húsnæði eins og aðrir.
Breyttar úthlutunarreglur á Stúdentagörðum
Stúdentar af höfuðborgar-
svæðinu njóta 80% forgangs
GLEÐIN skein úr andliti stúlkunnar þrátt fyrir að flug-
drekinn hafi ekki flogið hátt. Flugdrekadagurinn mikli
var haldinn í vikunni við Safnahúsið og var fjöldi leik-
skólabarna saman kominn á túninu með flugdreka sem
þau höfðu gert sjálf. Dagurinn er liður í sameiginlegri
dagskrá bókasafnsins og Náttúrufræðistofu Kópavogs.
Morgunblaðið/Eyþór
Gleði þrátt fyrir lágflug