Morgunblaðið - 27.05.2006, Síða 82

Fáðu úrslitin
send í símann þinn
82 LAUGARDAGUR 27. MAÍ 2006 MORGUNBLAÐIÐ
FYRSTA „90’s“-kvöld sumarsins
verður haldið á Bar 11 í kvöld, en
þar verður tónlist og tíska áranna
um og upp úr 1990 höfð í hávegum.
Það er Curver Thoroddsen sem
stendur fyrir uppákomunni ásamt
breskri vinkonu sinni, Kiki-Ow, en
saman munu þau þeyta skífum frá
umræddum tíma. „Það er búin að
vera mikil 90’s stemning í loftinu í
vetur og það virðist nógu langt liðið
frá þessum tíma því fólk er farið að
fíla þessa tónlist. Ég tók til dæmis
allt í einu eftir því í vetur að ég fór að
leita í þetta dót,“ segir Curver, sem
vill meina að tíundi áratugurinn sé
tekinn við af þeim níunda. „Já 80’s er
alveg búið maður. The 90’s are the
new 80’s.“
Curver segir lítið hafa verið um
þessa stemningu hér á landi, en tí-
undi áratugurinn sé hins vegar kom-
inn í tísku erlendis. „Ég var til dæm-
is úti í Berlín um áramótin og þá var
mikið um svona 90’s partí þar. Það
er líka mikið um þetta í Bretlandi,“
segir Curver, og bætir því við að tí-
undi áratugurinn sé farinn að hafa
áhrif á tónlist nútímans. „Ég tek eft-
ir því í tónlistinni í dag að menn eru
farnir að vitna í þennan áratug og
það er eins og þetta sé komið í
hring,“ segir hann. „Það er samt
skrítið að ég er að spila það sem ég
hataði þegar ég var í gaggó, en núna
finnst mér þetta ótrúlega skemmti-
leg og mögnuð tónlist.“
Að kjósa betri fortíð
Curver segir að þótt talað sé um
„90’s“ tónlist, eða tónlist frá tíunda
áratugnum, sé í raun verið að ein-
blína á styttra tímabil. „Það sem við
köllum 90’s er tímabilið frá svona
1988 til 1993 eða 1994. Þetta er samt
mest svona 1991 til 1993.“
Curver segir að tónlistin á þessum
tíma hafi verið mjög sérstök. „Þarna
voru tölvurnar komnar inn og það er
mjög kalt og hreint sánd á öllu. Svo
eru miklu styttri laglínur en tíðk-
aðist til dæmis á 9. áratugnum. Síð-
an er líka skrítið að þegar maður fer
að skoða hljómsveitirnar sem manni
þóttu mjög hallærislegar á þessum
tíma, eins og til dæmis Technotronic
og Snap, og fer að bera þær saman
við þær hljómsveitir sem manni
þóttu flottar, eins og Primal Scream
og Happy Mondays, kemur í ljós að
það er eiginlega bara nákvæmlega
sama sándið í þessu öllu,“ segir
Curver, sem vill meina að tónlist
þessa tíma hafi umfram allt verið
skemmtileg. „Þarna byrjaði reifið og
fólk vildi bara skemmta sér. Það var
búið með þunglyndi pönksins, og
þetta er líka áður en grunge-ið sló í
gegn 1994.“
Aðspurður segir Curver að fjöl-
margir listamenn einkenni tímabilið
í sínum huga. „Fyrir mér voru það
Snap, 2 Unlimited, Technotronic,
Primal Scream, Happy Mondays,
Underworld og Dr. Alban, og svo
auðvitað íslenskar hljómsveitir eins
og Bubbleflies sem er náttúrulega
alveg ógeðslega flott,“ segir hann, en
tónlist þessara listamanna verður í
aðalhlutverki á Bar 11 í kvöld.
Áherslan verður þó ekki eingöngu
lögð á tónlistina því fólk er hvatt til
þess að koma í fötum frá tímabilinu.
„Við hvetjum fólk til þess að mæta í
svona bros-karla fötum og Stüssy-
bolum og hvítum gallabuxum með
sylgjubelti og í Dr. Martens skóm,“
segir Curver. Aðgangur að Bar 11 er
ókeypis, en gleðin hefst um mið-
nættið. „Svo er bara að kjósa betri
fortíð,“ segir Curver að lokum.
Tónlist | Árin 1988 til 1994 í aðalhlutverki á Bar 11 í kvöld
Tíundi áratugurinn tekinn
við af þeim níunda
Morgunblaðið/Kristinn
„Já 80’s er alveg búið maður. The 90’s are the new 80’s,“ segir Curver, sem
kemur fram á Bar 11 í kvöld ásamt Kiki-Ow.
Eftir Jóhann Bjarna Kolbeinsson
jbk@mbl.is
NEMENDASÝNING Ljósmynda-
skóla Sissu verður opnuð í dag
klukkan 16 á Hólmaslóð 6. Ljós-
myndaskólinn hefur verið starf-
ræktur frá árinu 1997 og er því að
ljúka sínu níunda starfsári. Alls
sækja skólann um tuttugu nem-
endur ár hvert og stendur námið
frá september til loka maí.
Mikil áhersla er lögð á að virkja
sköpunarkraft nemenda um leið og
þeim eru kennd fagleg vinnubrögð
og undirstöðuatriði í ljósmyndun.
Margir af helstu ljósmyndurum
landsins koma að kennslu við skól-
ann. Sýningin stendur yfir til 5. júní
og er opin alla daga frá klukkan 16
til 20.
Ein myndanna á sýningunni, tekin af Sigurði Gunnarssyni.
Nemendasýning
Sissu hefst í dag
Sími - 564 0000Sími - 462 3500
Þau bjuggu til
morðingja sem
snerist gegn
þeim…!
eee
H.J. Mbl
X-MEN 3 kl. 2, 4, 6, 8 og 10 B.i. 12 ára
The DaVinci Code kl. 5, 8 og 11 B.i. 14 ára
Rauðhetta kl. 2 (400 kr)
Saltkráka 4 kl. 3.25 (400 kr)
X-Men 3 kl. 1, 3.20, 5.40, 8 og 10.20 B.i. 12 ára
Da Vinci Code kl. 2, 4, 5, 7, 8, 10 og 11 B.i. 14 ára
Da Vinci Code LÚXUS kl. 2, 5, 8 og 11
Cry Wolf kl. 10 B.i. 16 ára
Hoodwinked/Rauðhetta m. ensku tali kl. 12, 6 og 8
Rauðhetta/Hoodwinked m. íslensku tali kl. 12, 2 og 4
Ísöld 2 m. íslensku tali kl. 12 og 2
Skrolla og Skelfir
Á SALTKRÁKU
400krVERÐ
ÍSLENSKT TAL
LEITIÐ SANNLEIK
www.xy.is
200 kr afsláttur
fyrir XY félaga
HEIMSFRUMSÝNING
LOKAUPPGJÖRIÐ Í HINUM STÓRKOSTLEGA X-MEN SAGNABÁLKI.
NÚNA MUNU HINIR STÖKKBREYTTU BERJAST INNBYRÐIS
SIGURVEGARINN RÆÐUR ÖRLÖGUM MANNKYNS.
MEÐ HVERJUM HELDUR ÞÚ?
MAGNAÐUR SUMARSMELLUR SEM ENGINN MÁ MISSA AF!
VINSÆLAST
eee
S.V. MBL.
50.000 gestir!