Morgunblaðið - 17.09.2006, Blaðsíða 59

MORGUNBLAÐIÐ SUNNUDAGUR 17. SEPTEMBER 2006 59
menning
Undirrituðum
þykir sér-
kennilegt að plat-
an sem hér er til
umfjöllunar skuli
ekki hafa hlotið
meiri (neikvæða)
umfjöllun í formi lesendabréfa og/
eða í umræðuþáttum í útvarpi og
sjónvarpi. Kókaín og kvenfyrirlitn-
ing eru meginþemun á Dirty Slutty
Hooker Money, og hvort tveggja er
æskilegt að dómi Dr. Mister og Mr.
Handsome. Menn hafa nú verið
hengdir í fjölmiðlum fyrir minna.
Drengirnir klæða kókið og „kell-
ingarnar“ í elektróskotinn dansbún-
ing með fjöldamörgum vísunum til
danstónlistar tíunda áratugarins.
Lagið „Kokaloca“ hefur fengið að
hljóma á útvarpsstöðvum og dans-
stöðum síðan í vor, og ekki að
ástæðulausu. Það er erfitt að stand-
ast bassalínuna sem stekkur átt-
unda á milli, líflegar breakbeat-
trommurnar og einfaldan en gríp-
andi textann. Enn betra er „Is it
Love?“ – skemmtilegur ska-taktur
heldur laginu gangandi og frásögnin
af því hvernig sögumaður verður
skotinn í stúlku á barnum er
skemmtilega hversdagsleg í stíl.
Sagan tekur óvænta beygju þegar
sögumaður hættir að greina á milli
hrifningarinnar og eiturlyfjavímu,
og enn furðulegri eftir að heim er
komið og parið neytir kókaíns í
sameiningu. Textinn er for-
vitnilegur allan tímann („and I told
her all about Iceland …“) og verður
aldrei ósmekklegur.
Fjöldamargir listamenn leggja
Dr. Mister & Mr. Handsome lið og
þeirra á meðal er Svala Björgvins.
Svala sagði fyrir stuttu í útvarps-
þættinum Rokk og kaffi á Rás 2 að
hún hygðist snúa sér að „house“-
tónlist. Það er rökrétt spor sé tekið
mið af ferli hennar á fyrri hluta tí-
unda áratugarins. Hún stígur skref
að nýju inn á dansbrautina með Dr.
Mr. og Mr. Handsome í flutningi á
laginu „Was that all it was?“ sem
Jean Carne flutti upphaflega. Svala
stendur sig með stakri prýði og út-
setningin er skemmtileg. Ég vona
að hún haldi áfram í þessa átt,
stefnan er langtum meira spennandi
en það sem heyrðist á Bird of Free-
dom.
Þessi þrjú lög – „Kokaloca“, „Is it
Love?“ og „Was that all it was?“ –
bera höfuð og herðar yfir allt annað
á plötunni; einungis „My new Atti-
tude Shoes“ kemst með tærnar þar
sem hin hafa hælana, og þessi lög
eru númer 3, 5, 6 og 7. Restin ber
þess augljóslega merki að vera unn-
in í miklum flýti, bæði hvað varðar
hljóm og lagasmíðar.
Textar plötunnar fjalla sem fyrr
sagði um kókaín og „kellingar“ – án
nokkurra undantekninga. Ívar Örn,
maðurinn á bak við Dr. Mister,
sagði í viðtali við Morgunblaðið að
textar sveitarinnar væru svartur
húmor og að verið væri „að gera
grín að þessari klúbbamenningu hjá
hljómsveitum eins og Scooter“, en
er brandarinn ekki orðinn full-
langur á 57 mínútum? Svartur húm-
or er besti húmorinn, en í honum
felst alltaf einhver mótsögn, einhver
kaldhæðni, og það er þar sem kímn-
in verður til. Hvað er „fyndið“ við
eftirfarandi textabrot: „She’s a
dirty slut / take advantage of her
dirty butt / drag her to the toilet
and I coke her up […] / and then la-
ter on I’ll have my way with her.“
Það er ekki hægt að segja og gera
hvað sem er og lýsa því síðan yfir í
blaðaviðtali að þetta hafi allt verið
grín – „kóksvartur húmor“.
Maður þolir einungis svo og svo
mikið af „toosh“, „girlie“ og „koka“
og því miður er bara bætt í ósmekk-
legheitin eftir því sem líður á plöt-
una. Einræða „krakkhórunnar“ í
titillagi plötunnar er ekki dæmi um
raunsæistexta sem kallar á umbæt-
ur, og það er ekkert skemmtilegt
eða fyndið við hann heldur. Gáskinn
sem er til staðar í „Is it Love?“ og
„Kokaloca“ er víðsfjarri og eftir sit-
ur ófögur og jafnframt ósmekkleg
mynd.
Það er erfitt að skilja hverju
þessi plata á að áorka – í heildina er
hún of drungaleg í partíið, hún er
hvorki ádeilin né framúrstefnuleg,
en um leið of ágeng til að henta sem
bakgrunnstónlist. Þau stöku lög
sem hafa náð vinsældum í útvarpi
eru öll vel að því komin, en nái lög
af síðari helmingi plötunnar vin-
sældum, t.d. „Dirty Slut“, þá fer
undirritaður bókstaflega að óttast
um siðferðisþrek landans.
Dr. Mister & Mr. Handsome hafa
augljóslega hæfileika til þess að
gera grípandi danstónlist – „Is it
Love“ er besta dæmið, og sam-
starfið við Svölu Björgvins gefur
einnig góð fyrirheit. Ef hljómsveitin
gefur sér betri tíma til þess að
vinna næstu plötu, og einhvern ann-
an til að sjá um textasmíðarnar, þá
eru Dr. Mister & Mr. Handsome
meira en færir um að ná þeim há-
leitu markmiðum sem þeir hafa sett
sér.
Smekkleysa
TÓNLIST
Geisladiskur
Öll lög eru eftir Dr. Mister (Ívar Örn Kol-
beinsson) og Mr. Handsome (Guðna Rún-
ar Gunnarsson) nema „Is it Love?“ sem
er einnig eftir Pétur Jökul og „Was that
all it was?“ sem er eftir Jean Carn.
Snake (Egill Tómasson) annast gítarleik.
Pétur Jökull leikur ennfremur á hljóm-
borð í „Boogie Woogie Sensation“. Jo-
hnny leikur á bassa og Stulli á gítar í „Is
it Love?“. Svala Björgvins syngur í „Is it
Love?“ og „Was that all it was?“. Unnur
Pétursdóttir syngur í „Dirty Slut“ og „The
Highs and Lows“. Krummi Björgvins
syngur í „Dirty Slutty Hooker Money“ og
„Dancing with Girlies“. Diddi DMX tekur
upp og hljóðblandar ásamt Dr. Mister &
Mr. Handsome í Stúdíói Sýrlandi. Flex
hljómjafnaði í Írak. V. Warén hannaði um-
slag. Cod Music gefur út 2006. 13 lög,
57’13’’.
Dr. Mister & Mr. Handsome – Dirty Slutty
Hooker Money

Atli Bollason
Fréttir
í tölvupósti