Morgunblaðið - 30.09.2006, Blaðsíða 26

tíska
26 LAUGARDAGUR 30. SEPTEMBER 2006 MORGUNBLAÐIÐ
Íhugum margra er hinn klassíski há-skólanemi með trefil og hatt, í frakka eðasnjáðum jakka, þreytulegur af lestri,fjárhagsáhyggjum og kaffihúsasetu en
samt fullur af eldmóði og skoðunum. Þeir eru í
minnihluta sem falla undir þessa ímynd há-
skólanema í dag þó svo að á rölti blaðamanns
um háskólasvæðið hafi mátt sjá nokkra slíka
laumast innan um fjöldann eins og drauga úr
fortíðinni.
Háskólanemar eru eins misjafnir og þeir eru
margir og ekkert eitt virðist einkenna klæða-
burð þeirra nema þá helst frjálsræði. Allir sem
blaðamaður talaði við voru sammála um að
tískukröfur minnkuðu mikið þegar komið væri í
háskóla miðað við hversu miklar þær væru í
framhaldsskóla. Oft er talað um að klæðaburður
háskólanema fari eftir deildum og byggingum
innan Háskóla Íslands. Einn nemandi í lögfræði
benti blaðamanni t.d. á að fara í aðalbyggingu
skólans því þar væri allt skrítna liðið, en kennsla
í hugvísindadeild fer oft fram þar. Nemandi í
heimspeki sagði að í Háskólabíói væri viðskipta-
fræðin og þar væru allir klæddir því nýjasta úr
tískubúðinni Sautján, en „hnakkarnir“ kaupa
fötin sín þar, var blaðamanni sagt. Þrátt fyrir
yfirborðslegan skæting eins og þennan á milli
háskólanema virðist allt vera leyfilegt og hver
og einn fær að vera hann sjálfur. Blaðamanni
þótti þó augljóst einkenni hins akademíska
klæðaburðar vera að blanda ólíkum flíkum sam-
an, vera svolítið úr hvor sinni áttinni, í mörgum
fatalögum og með úfið hár.
Fín Það fer eftir skapinu hvernig Mar-grét Ágústa Sigurðardóttir lög-
fræðinemi mætir klædd í skólann. „Þessi
klæðnaður í dag er nokkuð venjulegur fyrir
mig, ég var svo sein í morgun að ég fór í það
sem hendi var næst,“ segir Margrét sem er í
svörtum fínum jakka, „jogging“-peysu innan
undir honum, gallabuxum og kúrekaskóm yf-
ir buxurnar. Auk þess er hún með svartan
hárklút sem hún segir mjög þægilegan þar
sem hún hafi ekki nennt að greiða sér. „Mér
finnst fólk yfirhöfuð vera mikið eins klætt
hér í skólanum og sjálfsagt er ég engin und-
antekning á því.“
Töff Lögfræðineminn Leifur ArnkellSkarphéðinsson er sportlegur en
töff. Hann segir þetta klassískan klæðaburð
hjá sér en samsetningin sé tilviljunarkennd.
„Ég hugsa ekki mikið út í það á morgnana
hverju ég ætla að klæðast í skólann þann dag-
inn.“ Spurður hvort það sé satt að klæðaburð-
ur nemenda sé ólíkur eftir deildum innan Há-
skólans jánkar Leifur því en vill ekki koma
sér í bobba með því að fara að draga nemana
í dilka. „Eins og þú sérð eru háskólanemar
yfirhöfuð flottir í tauinu en lögfræðinemar
eru þó sérstaklega vel tilhafðir,“ segir Leifur
hlæjandi.
Flottur Íklæddur flauelsjakka oggulröndóttri skyrtu situr
bókmenntafræðineminn Emil Hjörvar Peter-
sen inni í Árnagarði. „Ég hugsa út í það
hvernig ég klæði mig því ég vil koma vel fyr-
ir,“ segir Emil sem fylgir sínum eigin stíl.
„Ég er mikið fyrir allskonar jakka og
skemmtilegar skyrtur en ég lendi alltaf í erf-
iðleikum með að finna á mig buxur.“ Emil
segir háskólanema klæða sig misjafnt eftir
deildum. „Viðskipta- og lögfræðinemarnir
eru allir uppdubbaðir, hugvísindafólk er
frjálslegt í klæðaburði og raunvísindafólkið
er frekar druslulegt,“ segir Emil kankvís.
SmartKristínu Maríu Birgisdótturstjórnmálafræðinema finnst
hver og einn Háskólanemi vera með sinn stíl.
„Ég held að það finnist allar týpur í öllum
deildum hér í skólanum og það sé ekkert sem
einkennir hverja þeirra umfram aðra. Hér fer
fólk eftir eigin höfði og er sjálfstætt í fatavali.“
Kristín er einstaklega smart til fara en hún
segist ekki hafa hugsað mikið út í það um
morguninn hverju hún klæddist. „Ég fór í það
sem var hreint og þægilegt en það skiptir mig
miklu að vera í þægilegum fötum í skólanum.
Minn stíll er ósköp venjulegur og ég fer ekki
ótroðnar slóðir í fatavali.“
Morgunblaðið/Ásdís
Notalegur
Hinn bindisprýddi Dagur
Hjartarson er á fyrsta ári í ís-
lenskunámi. Spurður afhverju
hann sé með bindi í miðri viku
segir hann þetta vera flott
bindi og tilvalið í skólann. „Ég
fékk það á 250 kr. í Rauða
krossinum,“ segir Dagur og
leggur áherslu á að það megi
alveg vera með bindi við striga-
skó og hann sé ekki að reyna að
vera hallærislegur.
GlamúrKatrín Jónsdóttir, mast-ersnemi í alþjóða-
samskiptum, segist vera glysgjörn þegar að
fatnaði komi. „Ég vil liti og glamúr,“ segir
Katrín sem er þennan dag í rauðu og bleiku.
„Bleika pilsið er hálfgerð dula og eina leiðin
til að nota það er utan yfir buxur. Leðurjakk-
ann keypti ég nýlega í Kolaportinu á 2000 kr.
Svo er ég í bronslituðum strigaskóm og með
silfurlitaða tösku.“ Katrín segist hafa sína
eigin tísku og teljast nokkuð spes í klæða-
burði. Henni finnst háskólanemar vera frjáls-
legir í klæðaburði „Mér finnst flottast þegar
fólk klæðir sig eins og það vill og t.d. finnst
mér strákarnir virkilega sætir þegar þeir
mæta í skólann í jakkafötum.“
Háttur
háskóla-
nema
Nemendum Háskólans þykir
ekki töff að ofhugsa útlitið,
eða það virtist Ingveldi Geirs-
dóttur þegar hún skoðaði
hinn akademíska klæðaburð.
ingveldur@mbl.is