Morgunblaðið - 14.12.2006, Blaðsíða 25

MORGUNBLAÐIÐ FIMMTUDAGUR 14. DESEMBER 2006 25
Desemberopnun: Virka daga kl. 10-18, laugard. kl. 11-18, sunnud. kl. 13-17
Glæsilegt úrval jólagjafa
fyrir dömur og herra
Náttföt • Sloppar • Undirföt












Síðumúla 3, sími 553 7355
Nýtt kortatímabil
Fyrir jólin nú kaupa Íslendingar rúm-lega 40.000 lifandi jólatré. Þær teg-undir sem eru í boði eru normanns-þinur og dálítið af fjallaþin sem eru
innfluttar svo og þær íslensku: rauðgreni, sta-
fafura og blágreni.
Það eru ekki margir áratugir síðan að ís-
lensk heimili hófu að kaupa jólatré í stórum
stíl og skreyta fyrir jólin eins og nágranna-
þjóðirnar. Fyrir því voru einkum tvær ástæð-
ur. Í fyrsta lagi höfðu skógarnir sem landið var
vaxið, á milli fjalls og fjöru, að sögn Ara fróða,
að mestu horfið í aldanna rás og því ekki um
auðugan garð að gresja. Í öðru lagi var það
ekki fyrr en á stríðsárunum sem reglulegar
samgöngur komust á milli Íslands og annarra
landa. Hófst þá innflutningur á jólatrjám sem
fljótlega nutu mikilla vinsælda, einkum á nor-
mannsþin sem kom frá Danmörku. Á síðustu
áratugum hefur íslensk skógrækt hins vegar
eflst verulega, líka jólatrjáarækt eins og rauð-
greni, stafafura og blágreni.
Skógarhöggsferðir fyrir jólin
Brynjólfur Jónsson, framkvæmdastjóri
Skógræktarfélags Íslands, er talsmaður ís-
lenskra jólatrjáa en 25% af sölu jólatrjáa á
hverju ári eru íslensk tré. ,,Ræktun þeirra er
umhverfisvæn því það er lítið sem ekkert not-
að af varnarefnum. Rauðgrenið þarf að vísu
tilbúinn áburð en við ræktun stafafuru eru
engin aukaefni notuð. Rauðgrenið er algengast
og vinsælast. Það er fíngert og ilmandi og hef-
ur hina dæmigerðu jólatréslögun. Stafafuran
er samt að sækja á enda er hún mjög barr-
heldin. Þá er blágrenið einnig að ryðja sér
rúms en ekki er langt síðan farið var að planta
því markvisst til jólatrjáaræktunar. Það hefur
fallega krónu og fagurlega dimmbláan lit.“
Normannsþinurinn hefur verið vinsælasta
jólatréð hér á landi líkt og víða í Evrópu en
Danir framleiða mest af honum. Þinurinn vex
ekki hér á landi en um 30.000 tré eru flutt inn
árlega. Þintré eru barrheldin og nálar þeirra
mjúkar viðkomu. Nýlega hófst dálítill innflutn-
ingur á fjallaþin en barrið á honum er heldur
ljósara.
Í eina tíð tíðkaðist að kaupa tré og skreyta á
Þorláksmessu en margir kaupa nú tré nokkr-
um dögum fyrir jól. Í borginni og bæjum eru
víða jólatréssölur en um næstu helgi bjóða
skógræktarfélög víða um land fólki upp á
skógarhöggsferðir í skóga þar sem hægt er að
velja sér tré og fella gegn gjaldi. Með í för eru
þá reyndir leiðbeinendur sem veita nauðsyn-
lega aðstoð.
Nokkur hagnýt atriði
Val – gæðakönnun
 Dragið grein á jólatrénu í gegnum lokaðan
lófann og sláið neðri enda trésins hraustlega
niður í jörðina. Þumalputtareglan er sú að af
tré í góðu ástandi detta ekki barrnálarnar við
þessarar aðfarir.
Geymsla
 Best er að geyma tréð í netinu á köldum
stað eins og úti á svölum, ef þarf að geyma það
í nokkra daga fyrir skreytingu. Látið tréð
standa upp á endann svo það frjósi ekki niður
en gott er að taka það inn sólarhring fyrir upp-
setningu.
Umhirða
 Gott er að saga 3–5 cm hallandi sneið neðan
af trénu, líkt og af blómastilki, til þess að opna
æðarnar betur fyrir vatnsupptöku. Sé sárið
hallandi lokast heldur ekki fyrir það í jólatrés-
fætinum. Setjið tré í góðan fót sem hægt er að
setja vatn í og gætið þess að þar sé aldrei
vatnsþurrð.
Endurvinnsla
 Eftir hátíðirnar á auðvitað að skila trénu
sem fyrst í endurvinnslu en trén eru yfirleitt
endurunnin og notuð í jarðvegsgerð.
Um tegundir jólatrjáa og umhirðu
Ævintýri Börnum finnst gaman að ganga í kringum jólatréð og fyndist áreiðanlega ævintýri að
fá að fara út í skóg og fella sitt eigið en mörg skógræktarfélög bjóða upp á slíkt nú um helgina.
Morgunblaðið/ Kristinn.
Rauðgreni Vinsælasta íslenska jólatréð. Fín-
gert, ilmandi og hefur dæmigerða lögun. Morgunblaðið/Golli
Normannsþinur Það er innflutt og mjög vin-
sælt. Barrnálarnar eru mjúkar viðkomu og
haldast vel á trénu.
www.skog.is