Morgunblaðið - 14.12.2006, Page 46

46 FIMMTUDAGUR 14. DESEMBER 2006 MORGUNBLAÐIÐ
staðurstund
Arnar Eggert Thoroddsen
fjallar um einyrkjana í jólaplötu-
flóðinu fyrir jólin, en þeir eru
þónokkrir. » 48
tónlist
Heiða Jóhannsdóttir gefur nýj-
ustu mynd Lars von Trier, þar
sem fjallað er um kaupglaða Ís-
lendinga, fjórar stjörnur. » 51
kvikmynd
Jólagleðin er greinilega í al-
gleymingi en safnplatan 100 ís-
lensk jólalög selst sem heitar
lummur á aðventunni. » 51
tónlist
Síðasti þátturinn af Sigtinu er
sýndur á Skjá einum í kvöld en
óvíst er um framhald Frímanns
á skjánum. » 57
sjónvarp
Jóhann Bjarni Kolbeinsson er
ekki nógu ánægður með dag-
skrána á Rás 2 milli klukkan 13
og 16. » 48
af listum
Eftir Jóhann Bjarna Kolbeinsson
jbk@mbl.is
AÐRA helgina í febrúar verður
söngleikurinn Abbababb frum-
sýndur í Hafnarfjarðarleikhúsinu, en
höfundur verksins er Gunnar Hjálm-
arsson, betur þekktur sem Dr.
Gunni. Æfingar á verkinu eru þegar
hafnar, en það er byggt á barnaplöt-
unni Abbababb sem kom út fyrir tíu
árum. „Það var enginn sérstakur
söguþráður á henni þannig að ég
þurfti að sníða mér stakk eftir vexti
og tengja þessi lög einhvern veginn
saman,“ segir Gunni. Um barna-
söngleik er að ræða en Gunni segir
að verkið eigi þó að höfða til allra.
„Allt sem er klassískt er nú fyrir full-
orðna líka, eins og til dæmis Simp-
sons og margt af þessu teiknimynda-
dóti sem fer í bíó. Þannig að þetta
höfðar til allra og það ætti engum að
leiðast á þessu.“
Vilja mynd í Moggann
Hvað söguþráð verksins varðar
segir Gunni hann byggðan á per-
sónum úr einu lagi á plötunni Abba-
babb. „Á plötunni er lag sem heitir
Rauða hauskúpan, en það fjallar um
þrjá krakka sem eru í leynifélagi.
Verkið fjallar um þá,“ segir Gunni,
en með hlutverk barnanna fara þau
Jóhann G. Jóhannsson, Orri Huginn
Ágústsson og Margrét Örnólfsdóttir.
„Þetta gerist síðla sumars þegar
krakkarnir hittast aftur eftir að hafa
verið aðskilin um sumarið. Það er
reyndar ekki mikið verið að hamra á
því en sögusviðið er fyrir svona 20 til
30 árum. Þau eru sem sagt að hittast
eftir sumarleyfi og blása lífi í starf-
semi Rauðu hauskúpunnar, leyni-
félags sem hefur það að markmiði að
vinna einhverja hetjudáð. Þeirra
æðsta markmið er að fá mynd af sér í
Moggann, en þau vilja samt ekki fara
tombóluleiðina,“ segir Gunni.
„Svo hefst þessi leit að hetjudáð-
inni, þau leita uppi glæpi og rekast á
ýmislegt á leiðinni, þar á meðal á
Herra rokk sem er leikinn af Sig-
urjóni Kjartanssyni. Herra rokk er
nýbúinn að taka við sjoppunni í
hverfinu og hann verður vinur og að-
stoðarmaður Rauðu hauskúpunnar,“
segir Gunni, og bætir því við að
glæpasaga fléttist inn í verkið. „Já
dínamítsprengjur hafa verið að
hverfa úr vinnuskúr því menn hafa
verið að leggja hitaveitu á svæðinu
og böndin berast að rússneskum
sendiráðsstarfsmönnum,“ segir
hann. „Svo eru stóru strákarnir
þarna líka en þeir eru agaleg ill-
menni. Síðan kemur Systa sjóræn-
ingi fyrir, en hún er stóra systir eins
úr leynifélaginu, og svo koma líka
þau Doddi draugur og Pála spá-
kona.“
Lofar Prumpulaginu
Gunni segir að viss boðskapur sé í
verkinu, þótt ekki sé um að ræða
hinn hefðbundna barnaboðskap.
„Það er nú ekkert verið að hvetja til
líkamsræktar eða tannburstunar.
En þarna er náttúrlega bara heil-
brigður boðskapur; að vera góður og
að maður eigi ekki að stríða. Svo er-
um við líka dálítið að bera saman líf
krakka fyrir 20 til 30 árum og líf
krakka í dag. Fyrir þetta löngu síðan
var miklu minna um niðursoðna af-
þreyingu fyrir krakkana þannig að
þetta var dálítið mikið í þeirra hönd-
um, að búa til skemmtun,“ segir
Gunni. Sjö leikarar leika í verkinu,
auk þess sem þriggja manna hljóm-
sveit er ávallt á sviðinu, en hún er
skipuð Birgi Baldurssyni, Elvari
Geir Sævarssyni og að sjálfsögðu Dr.
Gunna. Að hans sögn eru flest lögin
af plötunni í verkinu. „Svo eru nokk-
ur gífurlega góð ný lög sem hafa
bæst við,“ segir Gunni, og lofar því
að hið gríðarlega vinsæla Prumpu-
lag, sem heitir reyndar Prumpufólk-
ið, fái að hljóma. „Já að sjálfsögðu,
það væri nú lítið gaman ef það væri
ekki.“
Gunni segist ekkert hafa komið
nálægt leikhúslífinu hingað til, en sér
líki það hins vegar vel. „Þetta er
ágætt, það er fínt að fá þessa fínu
söngvara til að syngja lögin. Svo er
þetta líka fínt þegar maður er orðinn
leiður á að spila á Grand Rokk, þá er
þetta ágætis tilbreyting,“ segir
Gunni hlæjandi og útilokar ekki að
hann láti frekar að sér kveða á þessu
sviði í framtíðinni. „Já jafnvel, það
vantar alveg svona íslenskan And-
rew Lloyd Webber, ég tek það bara
að mér.“
Leikstjóri verksins er María
Reyndal en það er leikhópurinn Á
senunni sem framleiðir.
Andrew Lloyd Webber Íslands
Morgunblaðið/ÞÖK
Abbababb Dr. Gunni ásamt leikurum og öðrum aðstandendum sýningarinnar.
Söngleikurinn Abbababb eftir Dr.
Gunna settur upp í Hafnarfirði
Þess má geta að aðstandendur
sýningarinnar óska eftir því að fá
lánuð föt og annað dót sem ein-
kennir tímabilið frá 1975 til 1980.
Þeir sem luma á slíku eru beðnir
um að senda póst á felix@sen-
an.is.
|fimmtudagur|14. 12. 2006| mbl.is
... svo í borg sé leggjandi
Áttu leið í bæinn?
– stæði fyrir alla
Á bíl í jólaösinni í miðborg Reykjavíkur.
Hvað má bjóða þér? Miðastæði, stöðu-
mæli eða bílahús. Viltu greiða með
korti eða krónum, eða kannski gsm
símanum þínum?
Tímamiðar úr miðamælum gilda
áfram þegar lagt er við stöðumæli
innan sama gjaldsvæðis.
Ótakmarkaður tími býðst á stöðu-
mælum í miðborginni.
Í desember verða bílahúsin opin
klukkustund lengur en verslanir
í miðborginni. Gleðilega aðventu!
N
æ
st