Morgunblaðið - 20.04.2007, Qupperneq 31

6–8 sveppir
6–8 tómatar, smátt skornir, eða
tvær dósir maukaðir tómatar. Einnig
má blanda saman nýjum og nið-
ursoðnum tómötum.
1 dós tómatpasta
einn bakki ferskt basil
annað ferskt laufkrydd, t.d. timían,
oregano og steinselja
2–2½ lítrar sjóðandi vatn
salt og pipar eftir smekk
Best er að gera súpuna í stórum og
háum potti, t.d. 6–8 lítra potti. Smjör-
ið og olían sett í pottinn ásamt smátt
söxuðum lauknum, sneiddum svepp-
um, selleríi og gulrótarræmum. Hrá-
efnið hitað í pottinum og laukurinn
mýktur og á meðan er súputening-
unum skellt út í og þeir leystir upp.
Þegar laukurinn og grænmetið er
orðið mjúkt eru tómatar og tómat-
mauk sett saman við og hrært í
stutta stund. Á annarri hellu er hitað
vatn, sem haldið er við suðumark og
því hellt yfir í súpupottinn. Smakkað
til með salti og pipar og látið sjóða í
15–20 mínútur. Basilið skorið smátt
ásamt öðru laufkryddi og sett út í um
það leyti sem súpan er borin fram.
Borið fram með snittubrauði og
kannski geitaosti til hátíðarbrigða.
Steiktur smásilungur
(fyrir átta)
1,6 kg silungur eða annar fiskvöðvi
6–8 greinar ferskt timían
10 fersk salvíublöð
salt og pipar
sítrónusafi
íslenskt smjör
græn ólífuolía
Skolið fiskstykkin og hreinsið
hugsanleg bein, sem orðið hafa eftir
við flökunina. Um 20 mínútum fyrir
steikingu er settur sítrónusafi yfir
fiskinn ásamt sjávarsalti eftir smekk.
Einnig má pipra fiskinn.
Smjör og ólífuolía sett á pönnu og
hitað saman, en magnið er mats-
atriði. Þegar smjörið hefur linast er
ferska kryddið sett út á pönnuna.
Látið hitna vel í fitunni.
Gott er að steikja fisk við háan hita
til að byrja með, en ekki í meira en
3–5 mínútur á hvorri hlið. Síðan er
fiskurinn lagður í ofnskúffu eða ofn-
fat og bakaður í fimm mínútur við
200–220°C.
Með þessu er upplagt að borða
bakaðar kartöflur í skúffu ásamt
rauðlauk og hvítlauk.
Bökunarkartöflur eru skornar í
teninga, fimm til sjö rauðlaukar eru
skornir í 6–8 báta og síðan skornir
þvert og þrjú til fjögur hvítlauksrif
eru hæfilegt magn fyrir hvern ein-
stakling. Fyrst er ofninn hitaður í
220-230°C. Smjörklípa ásamt ólífu-
olíu sett í fat og sett í ofn og látið
hitna. Þegar smjörið er bráðið eru
kartöflurnar og laukurinn sett í fatið.
Bakað í um 20 mínútur. Best er ef
kartöflurnar og laukurinn nái aðeins
að brenna. Mikilvægt er að hafa
hvítlauksgeirana í skinninu. Þegar
kartöflurnar og laukurinn eru tilbúin
er kryddað með salti og pipar.
Villisvepparísotto
(fyrir fjóra)
1⁄3 bolli þurrkaðir villisveppir, t.d.
kóngasveppir ef þeir eru til,
en annars furusveppir
1½ bolli ferskir ræktaðir sveppir
safi úr ½ sítrónu
75 g smjör
2 msk. fínt skorin steinselja
4 bollar kjöt- eða kjúklingasoð
2 msk. ólífuolía
1 lítill laukur, fínt skorinn
1½ bolli rísotto-hrísgrjón
½ bolli þurrt hvítvín
salt og nýmalaður pipar
3 msk. ferskur parmesanostur
Setjið þurrkuðu sveppina í litla
skál með einum og hálfum bolla af
volgu vatni. Látið liggja í að minnsta
kosti 40 mínútur. Hreinsið sveppina
vel. Látið sveppavatnið renna í gegn-
um kaffipoka og geymið, sérstaklega
ef mikil óhreinindi fylgja svepp-
unum. Þurrkið fersku sveppina með
rökum klút og skerið fínt. Setjið í
skál með smá sítrónusafa.
Bræðið þriðjung smjörsins á
steikingarpönnu með háum börmum,
sem duga fyrir réttinn, en annars
víðan pott. Steikið sveppina yfir
vægum hita þar til safinn losnar úr
þeim og þeir brúnast. Hrærið stein-
seljuna í og eldið í um hálfa mínútu.
Færið yfir á hliðardisk. Setjið soðið í
pott og bætið í það sveppavatninu.
Hitið blönduna hægt upp að suðu-
marki.
Hitið saman þriðjung af smjörinu
með ólífuolíu á sömu pönnu og
sveppirnir voru eldaðir á. Hrærið
með lauknum og brúnið þar til hann
mýkist. Bætið við grjónunum og
hrærið í 1–2 mínútur til að ná olíunni
á þau. Setjið sósaða villisveppina út í
og hrærið vel.
Hellið víninu í og eldið yfir vægum
hita þar til það er gufað upp. Bætið
einni lítilli ausu af sveppavatninu út í.
Eldið við vægan hita þar til það hefur
gufað upp og hrærið rólega í á meðan
svo að grjónin festist ekki við. Bætið
við soði og hrærið þar til það er gufað
upp. Haldið áfram með sama hætti.
Eftir um 20 mín. eldunartíma skal
smakka grjónin. Kryddið með salti
og pipar. Haldið áfram að bæta soði
út í og hrærið þar til grjónin hafa ör-
lítið mýkst. Þá eru grjónin tilbúin.
Eldunartími rísottos ætti að vera 20–
35 mín. Ef soðið klárast er óhætt að
nota heitt vatn.
Takið að lokum pönnuna af
hellunni. Parmesanosti og restinni af
smjörinu hrært út í. Smá pipar er
malaður yfir og saltað eftir þörfum.
Rísottoið látið jafna sig í 3–4 mín.
áður en það er borið fram.
Morgunblaðið/Árni Sæberg
Bragðgóð Tómatsúpan góða á rætur að rekja til Ítalíu.
Morgunblaðið/Árni Sæberg
Morgunblaðið/Árni Sæberg
Villisveppir Svepparísotto er í miklu uppáhaldi.
Morgunblaðið/Einar Falur
Veiðivon Þórhallur hefur gaman af silungsveiði og veiðir
gjarnan í Þingvallavatni eða í Hlíðarvatni.
Morgunblaðið/Mbl./BFH
Sveppatínsla Þórhallur Vil-
hjálmsson fer og tínir villisveppi
ásamt konu sinni Sólveigu Bjarna-
dóttur á hverju hausti.
MORGUNBLAÐIÐ FÖSTUDAGUR 20. APRÍL 2007 31
www.leikhusid.is sími 551 1200
Þjóðleikhúsið fyrir alla!
LEG
MJALLHVÍT
Heillandi brúðuleiksýning!
Sýningar á laugardag og sunnudag kl. 15.00
Tvær sýningar á sunnudag. Sýningum að ljúka!
SITJI GUÐS ENGLAR
Frábær fjölskyldusýning!
HÁLSFESTI HELENU
Matseðill í anda Austurlanda nær
á Café Cultura á sýningarkvöldum
„Yndislega geggjaður og "morbid" húmor“.
Lísa Páls, Rás 2
„Tónlistin sem Flís sá um var æðisleg...
ég hlakka sjúklega til að komast yfir diskinn“.
Silja Aðalsteinsdóttir, tmm.is
„Leg er skemmti-legasta leikrit sem ég hef séð“.
Margrét Hugrún Gústavsdóttir, Fréttablaðið
„Leg er eiginlega skylduáhorf... drepfyndin og góð sýning“.
Ingimar B, Blaðið
Kristrún Heiða, Fréttablaðið
Í SKÓLA TÍMANS
HJÓNABANDSGLÆPIR
Magnað verk um hjónabandið
eftir höfund Abels Snorko og Gestsins
„Þessi sýning situr í mér“. Þorgerður í Víðsjá
Sigurður Skúlason og Margrét Helga
Jóhannsdóttir leika valin atriði úr
nokkrum verkum í tilefni 40 ára
leikafmælisins