Morgunblaðið - 11.05.2007, Blaðsíða 8

8 FÖSTUDAGUR 11. MAÍ 2007 MORGUNBLAÐIÐ
FRÉTTIR
POKASJÓÐUR verslunarinnar út-
hlutaði í gær styrkjum að upphæð
rúmlega 100 milljónir króna til 122
verkefna á sviði umhverfismála,
mannúðarmála, lista, menningar,
íþrótta og útivistar. Verkefnin sem
úthlutun hljóta eru margvísleg en
samtals sóttu 900 aðilar um styrk í
ár. Þau verkefni sem hæsta út-
hlutun fengu voru Landgræðslu-
félag Biskupstungna, 7,5 milljónir
til uppgræðslu rofabarða og end-
urheimtar landgæða í Bisk-
upstungum, Vímulaus æska, 5 millj-
ónir til að halda forvarnar- og
sjálfsstyrkingarnámskeið. Þá hlutu
eftirfarandi verkefni styrk að upp-
hæð 4 milljónir króna: Skógrækt-
arfélag Íslands til ræktunar á veg-
um aðildarfélaga, Reykjalundur til
tækjakaupa, Útilífsmiðstöð skáta
að Úlfljótsvatni til uppbyggingar
útilífsmiðstöðvar og Umferð-
arauglýsingar Pokasjóðs til að
sporna við hraðakstri. Húsgull,
Tónlist fyrir alla og Ferðafélag Ís-
lands hlutu 3 milljónir hvert til
sinna verkefna.
Unga fólkið og
kúabúskapurinn
Fjöldi verkefna hlaut minni
styrki. Má þar nefna RJF hópinn,
stuðningsnefnd Arons Pálma
Ágústssonar sem hlaut 500 þúsund
króna styrk og Styrktarfélag Geirs
Þórissonar eina milljón til að veita
stuðning vegna fangelsisvistar í
Bandaríkjunum. Af öðrum verk-
efnum má nefna að Íþróttasamband
fatlaðra fær styrk vegna Alþjóða-
leika Special Olympics 2007, eina
milljón króna, 500 þúsund fara til
endurgerðar og varðveislu Kútter
Sigurfara á Akranesi og Sverrir
Heiðar Júlíusson hlýtur 200 þúsund
krónur fyrir námskeiðið Unga fólk-
ið og hlutverk þess í kúabúskapn-
um.Verkefni á sviði umhverfismála
fá úthlutað samtals 35,6 milljónum
króna en mannúðarverkefnum er
úthlutað rúmlega 33 milljónum.
Lista- og menningarverkefni hljóta
samtals 19,8 milljónir og til íþrótta
og útivistarmála fara 12 milljónir.
Pokasjóður verslunarinnar hefur
verið starfræktur frá 1995 og
standa rúmlega 160 verslanir um
land allt að honum.
Pokasjóður sjálfbær
Í pokasjóð renna tekjur af sölu
poka sem hægt er að þekkja af
merki pokasjóðs. Verslanir sem
taka þátt í verkefninu leggja 40%
tekna af sölu poka í séreignarsjóð
sem hver verslun úthlutar fyrir sig
en 60% fara í sameignarsjóð sem
sjóðurinn úthlutar. Pokasjóður út-
hlutar öllum þeim framlögum sem í
hann berast en vaxtatekjur standa
straum af kostnaði við rekstur
hans. Að þessari úthlutun meðtal-
inni, sem er sú tólfta, hefur nú um
700 milljónum verið úthlutað til
verkefna sem stuðla að almanna-
heill, segir í fréttatilkynningu frá
Pokasjóði verslunarinnar.
Morgunblaðið/G. Rúnar
Fjölbreyttur hópur Styrkþegar og stjórn pokasjóðs voru ánægð að lokinni úthlutun í gær.
700 milljónir í almannaþágu
Eftir Guðna Einarsson
gudni@mbl.is
FORSETARNIR voru sammála um
að sérstaklega mikilvægt væri fyrir
vestnorrænu löndin að fundin yrði
viðeigandi og varanleg lausn hvað við-
víkur öryggi á Norðvestur-Atlants-
hafi, ekki síst hvað varðar björgunar-
aðgerðir,“ sagði Sólveig Pétursdóttir,
forseti Alþingis, sem stýrði árlegum
fundi þingforseta vestnorrænu land-
anna. Hann var haldinn í Reykjavík í
gær og á miðvikudag. Auk Sólveigar
sóttu fundinn Edmund Joensen for-
seti færeyska lögþingsins og Jonat-
han Motzfeldt forseti grænlenska
landsþingsins ásamt skrifstofustjór-
um þinganna.
Sólveig kvaðst hafa greint frá að-
gerðum íslenskra stjórnvalda til að
styrkja Landhelgisgæsluna með
nýrri flugvél og nýju varðskipi auk
fjölgunar þyrlna. Þá skýrði hún frá
nýgerðum samningum Íslendinga við
Norðmenn og Dani um samstarf í ör-
yggismálum.
Fundarmenn lýstu ánægju sinni
með fríverslunarsamning Íslands og
Færeyja og kvaðst Sólveig hafa spurt
hvernig ályktun Vestnorræna ráðsins
um hugsanlega aðild Grænlands að
samningnum hefði verið tekið í Græn-
landi. Motzfeldt upplýsti að viðbrögð-
in hefðu almennt verið jákvæð og ver-
ið væri að skoða hvaða áhrif aðild
Grænlands hefði á aðra samninga
landsins, eins og við Evrópusamband-
ið og Danmörku.
Þá gerðu forsetar þinga Grænlands
og Færeyja grein fyrir þróun sam-
bands sjálfstjórnarsvæðanna við
Danmörku. Sólveig sagði að Motz-
feldt, sem er formaður nefndar um
sjálfsstjórn Grænlands, hefði sagt að
nefndin myndi skila tillögum um
framtíðarskipulag sambandsins við
Danmörku í sumar. Eining ríkti með-
al fulltrúa allra flokka í nefndinni, að
frátöldum fulltrúum Danska þjóðar-
flokksins sem væntanlega myndu
skila séráliti. Vilji Grænlendingar
leita sjálfstæðis í framtíðinni þarf að
bera þá ósk undir þjóðaratkvæði í
Grænlandi samkvæmt tillögu nefnd-
arinnar.
Edmund Joensen, forseti lögþings
Færeyja, sagði Færeyinga hafa feng-
ið umráð yfir æ fleiri sviðum og sjálfs-
stjórnin því í raun aukist. Þeir hefðu
nú axlað ábyrgðina á öryggismálum á
hafinu og nýlega tekið við stjórn al-
þjóðaflugvallarins í Vogum. Hinn 29.
júlí taka þeir við stjórn kirkjunnar.
Forsetarnir voru sammála um mik-
ilvægi samstarfs ríkjanna um ferða-
og samgöngumál.
„Ég benti á að Vesturnorðurlönd
hefðu upp á ýmislegt að bjóða, eins og
einstaka óspillta náttúru, sérstaka
menningu, spennandi viðburði og
mat. Það væri ekkert því til fyrirstöðu
að markaðssetja svæðið í heild,“ sagði
Sólveig.
Þingforsetar vestnorrænu landanna funduðu í Reykjavík
Mikilvægt
að leysa
öryggis-
málin
Morgunblaðið/RAX
Þingforsetar Jonathan Mozfeldt, forseti grænlenska landsþingsins, Sólveig Pétursdóttir, forseti Alþingis, og Ed-
mund Joensen, forseti færeyska lögþingsins, hittust í Reykjavík á árlegum fundi vestnorrænu þingforsetanna.
„ÉG HEF selt hann yngra Rauð, er
því sjaldan glaður. Svona er að
vanta veraldarauð og vera drykkju-
maður,“ söng tónlistarmaðurinn
Kristján Kristjánsson, betur þekkt-
ur sem KK, á Miðborgarþingi sem
haldið var í Listasafni Reykjavíkur
– Hafnarhúsi á miðvikudag.
Kristján sagði Pál Ólafsson hafa
ort kvæðið en hann hafi einmitt
verið uppi um það leyti sem Lækj-
argata 2 var reist.
„Páll sá eftir því alla ævi að hafa
selt yngra Rauð og þannig mun
fara fyrir okkur líka ef við förgum
Lækjargötu 2,“ sagði Kristján og
dásamaði þá menningarstarfsemi
sem fram fór á Café Rósenberg.
Eftir sönginn afhenti hann Vil-
hjálmi Þ. Vilhjálmssyni borg-
arstjóra um eitt þúsund undir-
skriftir íbúa borgarinnar sem vilja
halda Lækjargötu 2 í upprunalegu
horfi og leyfa Café Rósenberg að
blómstra áfram. Kristján segir
listann ekki tæmandi því vel á ann-
að þúsund hafi skrifað undir, hvort
sem er á Netinu í gegnum vefsíðuna
myspace.com/reisumrosenberg eða
á lista sem liggja frammi víðsvegar
um borgina.
Á Miðborgarþinginu hélt jafn-
framt erindi Guðný Gerður Gunn-
arsdóttir borgarminjavörður og
tæpti á varðveislugildi Lækjargötu
2 og Austurstræti 22. Benti hún
m.a. á hversu fá hús eru eldri en
þessi tvö, en það eru um tuttugu
hús í allri Reykjavík.
Undirskriftir
afhentar vegna
Lækjargötu 2
ELDUR kom upp í skemmtibáti á
Viðeyjarsundi í gærkvöld og fór
þyrla Landhelgisgæslunnar ásamt
tveim björgunarbátum Slysavarna-
félagsins Landsbjargar til bjargar.
Skipverjum á skemmtibátnum tókst
þó að slökkva eldinn án aðstoðar og
sakaði engan. Fimm fullorðnir voru
um borð. Fólkið hafði samband við
Vaktstöð siglinga kl. 18:45. Gæslu-
þyrlan LIF og björgunarbátarnir
Ásgrímur Björnsson og Gróa Pét-
ursdóttir höfðu þá nýlokið björgun-
aræfingu vestur af Engey og héldu
þegar af stað til bjargar. Varðstjórar
í vaktstöðinni létu Slökkvilið höfuð-
borgarsvæðisins einnig vita.
Skömmu síðar tilkynntu bátsverj-
ar að þeim hefði tekist að slökkva
eldinn með handslökkvitækjum en
báðu um aðstoð til að komast í land
þar sem þeir voru orðnir vélarvana.
Gæsluþyrlan flaug þá heim en
björgunarbátarnir komu að
skemmtibátnum austur af Viðey um
kl. 19. Var þá afráðið að Gróa Péturs-
dóttir drægi skemmtibátinn inn í
Snarfarahöfn.
Eldur í skemmtibáti
PARKET & GÓLF • ÁRMÚLA 23
SÍMI: 568 1888 • FAX: 568 1866
WWW.PARKETGOLF.IS
PARKET@PARKETGOLF.IS
ÁRATUGA ÞEKKING, ÞJÓNUSTA OG RÁÐGJÖF
ClickBoard
BYLTINGARKENNDAR
VEGG- OG LOFTPLÖTUR
Parket & Gólf býður einstaka lausn fyrir vegg- og
loftplötur frá þýska framleiðandanum Parador
HDF plöturnar frá Parador
hafa nær engin sýnileg
samskeyti og eru einstaklega
auðveldar í uppsetningu.
KOSTIRNIR ERU AUGLJÓSIR
Hagkvæm og ódýr lausn • einföld uppsetning - 50% fljótlegra
höggþolið • auðvelt að þrífa • lítil eða engin sparslvinna
losnar við allt ryk • 50 kg. burðarþol á skrúfu
stílhreint og nútímalegt útlit • 10 ára ábyrgð
Komdu við í verslun okkar og kynntu þér
þessa einstöku lausn - við tökum vel á móti þér
ka
ld
al
jó
s
20
06