Morgunblaðið - 11.05.2007, Blaðsíða 37

meistaramatur
MORGUNBLAÐIÐ FÖSTUDAGUR 11. MAÍ 2007 37
Fjölmiðlahamagang-urinn í kringum
Live Earth-tónleikana
lyktaði af gamalkunnum
trixum, sem oft er beitt
rétt fyrir kosningar,
reyndar ekki af
stjórnmálamönnum.
Forsvarsmenn „góðs
málefnis“ á borð við tón-
leikahald, sem ekki hafa
fengið þá peninga úr
vösum skattgreiðenda
sem þeir telja sig þurfa
á að halda, segja frá því í
fjölmiðlum rétt fyrir
kosningar í þeirri von að
fólkið með peningana
verði hrætt og borgi. Í
þetta sinn virðist það þó ekki hafa
tekizt að krækja í 25 milljónir af pen-
ingum skattgreiðenda í tónleikahald.
x x x
Víkverja skilst að Live Earth-tónleikarnir hefðu getað orðið
gríðarlega góð landkynning; tveir
milljarðar manna hefðu horft á þá í
sjónvarpinu. Voru þá ekki fyrirtæki í
ferðaþjónustu reiðubúin að styrkja
þá?
Reynslan af áhrifum slíkra stór-
viðburða á ferðamannastrauminn er
ótvíræð; hver man ekki eftir bylgju
ferðamanna eftir heimsmeistara-
keppnina í handbolta?
Eitt og annað skond-ið hnýtur Víkverji
um í kosningabarátt-
unni.
Þannig auglýsir
Frjálslyndi flokkurinn
aftan á strætisvögn-
unum í Reykjavík að
takmarka þurfi flutning
fólks til landsins. Og
hverjum er það svo að
þakka að þessa auglýs-
ingu Frjálslynda
flokksins ber fyrir augu
borgarbúa? Að stórum
hluta innflytjendum,
sem aka strætis-
vögnum. Án strætóbíl-
stjóra frá Póllandi,
Litháen og fleiri löndum myndi
strætisvagnakerfið í Reykjavík
sennilega ekki ganga.
x x x
Voru það ekki einmitt frjálslyndirsem vildu gefa fólki frítt í
strætó? Og vilja þeir þá ekki hafa
fólk til að keyra strætó?
Kannski skiptir það ekki máli, því
að það eru eiginlega engir frjáls-
lyndir eftir í nefndum og ráðum
Reykjavíkurborgar. Nánast hver
einasti nefndarmaður, sem F-listi til-
nefndi eftir kosningarnar í fyrra, er
farinn úr flokknum.
  




 



   víkverji skrifar | vikverji@mbl.is
Landliðsmaðurinn EyþórRúnarsson yfirmatreiðslu-maður á veitingastað Sigga
Hall sýnir okkur hvernig best er að
steikja saltfisk að spænskum hætti.
Steiktur saltfiskur með
brúnuðu kryddsmjöri
Fyrir 4–5
100 g ósaltað smjör
½ fínt skorinn rauður chili
½ fínt skorinn skalottlaukur
1 msk. fínt skorinn graslaukur
rauðvínsedik, eftir smekk
4–5 falleg saltfisks-hnakkastykki,
um 150 g stk.
hveiti
ólífuolía
1⁄2 poki klettasalat
Brúnaða smjörið (hnetusmjör):
Setjið smjörið í pott og á hæsta hita.
Hrærið vel í á meðan. Þegar smjörið
er farið að taka dökkan lit hellið því
yfir í annan pott í gegnum kaffisíu.
Setjið smjörið aftur í pott og yljið
upp á því, setjið fyrst chili ofan í svo
skarlottulaukinn og að lokum gras-
laukinn. Smakkið til með salti, pipar
og rauðvínsediki.
Saltfiskur: Þerrið fiskinn veltið
honum upp úr hveitinu. Hellið vel af
ólífuolíu í pönnu eða svo að hún nái
upp að helmingshæð fisksins. Hitið
olíuna þar til hún er vel heit, setjið
fiskinn á pönnuna og steikið á báð-
um hliðum þar til hann er gullin-
brúnn. Framreiðið með klettasalati
og jómfrúr ólífuolíu.
Lauksulta
Fyrir 4–5
1 laukur
2 msk. ólífuolía
1 msk. fínt skorin steinselja
rauðvínsedik, eftir smekk
salt og hvítur pipar, eftir smekk
Skrælið og skerið lauk í fínar skíf-
ur. Hellið olíunni í pott og setjið
laukinn ofan í. Eldið við lágan hita í
um 1½ tíma, eða þar til laukurinn er
orðinn mjúkur undir tönn. Smakkið
til með ediki, salti og pipar.
Steiktar kartöflur
Fyrir 4–5
16 soðnar smáar kartöflur
ólífuolía til steikingar
1⁄4 búnt fínt skorin steinselja
salt og pipar
Skerið kartöflur til helminga, hell-
ið vel af olíu á pönnu, raðið kartöfl-
unum á pönnuna með sárið niður.
Steikið þar til þær eru gullinbrúnar,
snúið þeim þá við og kryddið með
salti og pipar. Stráið svo steinselju
yfir í lokinn.
Smjörsoðnar rófur
Fyrir 4–5
1 meðalstór rófa
100 g smátt skorið smjör
2 msk. fínt skorin graslaukur
salt og pipar
Skrælið rófu og skerið í í fína
báta. Setjiðá pönnu með botnfylli af
vatni ásamt smjöri. Eldið í 10–15
mín., eða þar til rófurnar eru orðnar
mjúkar í gegn. Kryddið með salti og
pipar og dreifið graslauknum yfir.
Lostæti Saltfiskur með brúnuðu kryddsmjöri sem Eyþór matreiðir að hætti Spánverja.
Steiktur saltfiskur að
spænskum hætti
Gott með saltfiskinum Steiktar kartöflur og smjörsoðnar rófur.
ÞÓ AÐ flestir hér á Fróni fagni vor-
boðanum ljúfa, sem ber með sér
bæði sól og yl í kroppinn, eru aðrir
sem þurfa að hafa varann á þegar
gróðurinn fer að vakna allt í kring.
Með hækkandi sól og blóm í haga
fara nefnilega einstaklingar með
árstíðabundið ofnæmi að verða
meira varir við nefrennsli, hnerra,
stíflur og önnur merki og einkenni
frá ónæmiskerfinu. Í fyrstu eru það
frjókorn úr trjám sem berast með
vindi sem eru helsti sökudólgurinn
og síðar byrjar grasið gjarnan að
valda vandamálum fyrir þessa ein-
staklinga. Verstu einkennin eiga sér
þó stað þegar heitt, þurrt og vinda-
samt er og þegar mikið af frjói og
mold er í loftinu.
En áður en ákveðið er að gróð-
ursetja í garðinum gerviblóm og
plasttré, mælir bandaríska sjúkra-
stofnunin MayoClinic með því að
reyna eftirtalin ráð til að draga úr
ofnæmiseinkennum af völdum gróð-
ursins.
 Lokaðu dyrum og gluggum þegar
mikið er af frjói í loftinu.
 Forðastu að hengja þvottinn út
því að frjó getur fest við föt, lök og
handklæði.
 Notaðu loftkælingu heima og í
bílnum. Hún hreinsar, kælir og
þurrkar loftið.
 Forðastu að vera úti snemma á
morgnana er frjókorn mælast mest.
 Haltu þig innan dyra á þurrum
og vindasömum dögum. Best er að
vera úti eftir góða rigningu.
 Notaðu rakatæki til að draga úr
raka innan dyra.
 Hafðu svefnherbergisgluggana
lokaða á næturnar.
 Láttu öðrum helst eftir að slá
flötina, reyta illgresið og sinna öðr-
um garðverkum, en vertu með
grímu til að hylja vitin ef þú vilt
endilega taka til hendinni.
 Auk þeirra ráða, sem að framan
eru talin, gætirðu ráðfært þig við
lækni um lyfjainntöku gegn ofnæm-
inu, en til eru ýmsar gerðir af nef-
úða, augndropum og töflum til að
stemma stigu við einkennum og
ónotum af völdum vorsins.
Ofnæmið springur út á vorin
Hnerri Ofnæmiseinkenni eru mörg.
AUGLÝSINGADEILD
netfang: augl@mbl.is eða sími 569 1111
heilsa