Morgunblaðið - 11.05.2007, Blaðsíða 70
Alex er tilkomumikill
söngvari, algjör „moð-
erfokker“, og sveitin bara
býsna þétt… 79
»
reykjavíkreykjavík
Eftir Jóhann Bjarna Kolbeinsson
jbk@mbl.is
„ÉG var að vandræðast með þetta lengi. Það vill oft
verða þannig að maður nefnir plötuna eftir einu
laganna en mér fannst ekkert þeirra vera góður
plötutitill að þessu sinni,“ segir Jón Ólafsson um
sína nýjustu plötu, Hagamelur, sem kemur út á
miðvikudaginn. „Mér fannst Hagamelur halda vel
utan um þetta, platan er tekin upp þar auk þess
sem ég bý þar,“ segir Jón sem tók plötuna upp í bíl-
skúrnum sínum. „Ég var líka mikið hérna þegar ég
var patti því amma bjó hérna. Ég held að Bítlarnir
hafi líka verið í svipaðri aðstöðu þegar þeir gerðu
Abbey Road, ég held að þeir hafi ekkert vitað hvað
platan ætti að heita og ákveðið að skíra hana eftir
götunni sem hljóðverið stóð við.“
Hagamelur er önnur sólóplata Jóns, en sú fyrsta
kom út fyrir þremur árum og hét einfaldlega Jón
Ólafsson. „Ég var í jafnmiklum vandræðum með
nafnið þá,“ segir Jón og hlær. „Þessi plata er hins
vegar ólík fyrri plötunni að því leyti að nú geri ég
alla textana sjálfur. Fyrir vikið er þetta miklu per-
sónulegra en áður. Maður gefur innsýn í það sem
maður er að hugsa og er þess vegna töluvert ber-
skjaldaður fyrir vikið. Mér finnst það gott mál, það
er gott þegar menn segja það sem þeim finnst,“
segir Jón, en á fyrri plötu sinni vann hann með
textahöfundum, og samdi auk þess lög við ljóð eftir
Stein Steinarr.
Leikur og tónleikar
Aðspurður segir Jón að ástin komi vissulega við
sögu á nýju plötunni. „Hún poppar upp með reglu-
legu millibili en ég er líka að líta í eigin barm. Mað-
ur er ekki alltaf hress, þótt margir haldi það. Maður
á sínar erfiðu stundir,“ segir Jón, sem er þó hinn
hamingjusamasti um þessar mundir. „Ég eignaðist
lítinn strák fyrir hálfu ári þannig að þetta hefur
verið skemmtilegur vetur. En eins og alþjóð veit
hefur ýmislegt drifið á daga manns síðustu tvö árin,
öll þessi slúðurblöð hafa séð til þess að fólk veit af
því,“ segir Jón, en samband hans við Hildi Völu
Einarsdóttur var töluvert á milli tannanna á fólki
fyrir nokkrum misserum.
En langar Jón ekkert til að taka sér frí frá ball-
öðunum og gera svolítið ágengari tónlist? „Ég er al-
veg til í það en þá verður einhver annar að syngja.
Um leið og ég fer eitthvað að belgja röddina hljóm-
ar hún ekki vel. Ég get alveg farið í gegnum ball
með risastóru hljóðkerfi, en þegar maður kemur í
hljóðver og syngur á íslensku er mjög erfitt að
þykjast,“ segir hann. „En ég er í hljómsveit sem
hefur lítið borið á að undanförnu, það er að segja
hljómsveitinni Ný dönsk, og þar getur maður feng-
ið útrás fyrir rokkið,“ segir Jón, sem er nú að semja
lög og texta fyrir leikritið Óvita sem Leikfélag Ak-
ureyrar setur upp í haust. Þá segir hann miklar lík-
ur á því að hann muni halda áfram með þátt í Sjón-
varpinu í haust, þótt hann verði líklega eitthvað
frábrugðinn þætti hans í vetur sem leið.
Jón er á leið í tónleikaferð um landið þar sem
hann mun kynna nýju plötuna, en fyrstu tónleik-
arnir fara fram á Eskifirði á sunnudaginn. „Það er
ótrúleg tilviljun að Þróttur er að spila á svæðinu
sama kvöld,“ segir Jón sem er forfallinn stuðnings-
maður Þróttar í Reykjavík. „Nei það er engin til-
viljun – ég ákvað að sjá leikinn í leiðinni.“
Morgunblaið/RAX
Sáttur „Maður er ekki alltaf hress, þótt margir haldi það. Maður á sínar erfiðu stundir,“ segir Jón, sem er þó hinn hamingjusamasti um þessar mundir.
Heima hjá Jóni er best
Hagamelur, önnur sólóplata Jóns Ólafssonar, kemur út á miðvikudaginn
Eitt lag af nýrri plötu Jóns fæst nú ókeypis á
www.mbl.is/folk.
tímaritum á borð við franska
ELLE og Vogue. Hver nemandi
sýnir sex alklæðnaði sem hann hef-
ur unnið að síðustu þrjá mánuði.
Í tilkynningu sem barst frá LHÍ
segir að fatahönnunardeild
Listaháskóla Íslands sé metn-
aðarfull deild sem hafi unnið að
kynningu deildarinnar erlendis um
nokkurt skeið. Það sé ekki mikið
um störf fyrir fatahönnuði á Ís-
landi og þess vegna skipti orðspor
á erlendir grundu miklu máli.
Myndirnar eru frá útskriftarsýn-
ingu hönnunardeildar LHÍ í fyrra
sem var haldin í Hafnarhúsinu.
NÍU útskriftarnemar fatahönn-
unardeildar Listaháskóla Íslands
sýna í kvöld kl. 20 útskriftarverk-
efni sín í húsi Orkuveitunnar að
Gvendarbrunni. Sýningin verður
sýnd í beinni útsendingu á Skjá
einum og má búast við heljarinnar
sýningu í þessu glæsilega mann-
virki.
Ráðherrar iðnaðar- og mennta-
mála verða viðstaddir sýninguna
ásamt öðru íslensku áhrifafólki en
einnig verða viðstaddir tíu erlendir
blaðamenn sem koma hingað sér-
staklega frá París í þeim tilgangi
að sjá og fjalla um sýninguna íMorgunblaðið/Ómar Morgunblaðið/Ómar
Tískusýning útskriftar-
nema við Gvendarbrunn
Þær fregnir
hafa borist vest-
an úr Hollywood
að Íslendingur sé
á meðal þeirra
50 kvikmynda-
gerðarmanna
sem komist hafa
inn í raunveru-
leikaþáttinn On
the Lot. Um er að ræða nýjan þátt
sem miðar að því að finna efnilega
kvikmyndagerðarmenn. Umsækj-
endur þurftu að senda inn eina
stuttmynd, en alls bárust 12 þúsund
myndir. Þeir 50 sem hafa verið
valdir fara nú til Hollywood og þar
mun dómnefnd meta stuttmyndina
sem þeir sendu inn. Dómararnir
velja síðan 18 úr hópnum sem halda
áfram og einn þeirra mun svo vinna
milljón dala þróunarsamning.
Framleiðendur eru þeir Mark Bur-
nett og Steven Spielberg. Upptökur
eru að hefjast og fyrsti þáttur verð-
ur sýndur á Skjá Einum 23. maí.
Íslendingur í stórum
raunveruleikaþætti
Eins og áður hefur komið fram
fagnar hljómsveitin Ný dönsk 20
ára afmæli á þessu ári, en fyrsta
plata sveitarinnar, Ekki er á allt
kosið... kom út árið 1987. Af þessu
tilefni mun Sena endurútgefa allar
plötur sveitarinnar og verða þær
seldar saman í flottri öskju. Þá
munu þeir félagar senda frá sér
safnplötu sem mun einnig innihalda
nýtt efni, en gert er ráð fyrir að sú
plata komi út fyrir jól. Árið 1997
kom út safnplata með helstu lögum
sveitarinnar fram að þeim tíma en
að sögn Jóns Ólafssonar, hljóm-
borðsleikara, er ekkert óeðlilegt að
gefa út safnplötur á tíu ára fresti,
sérstaklega ef tekið er mið af því að
verk á borð við Grease og Kardi-
mommubæinn eru sett upp á fimm
ára fresti hér á landi. Þá hafi
nokkrir slagarar bæst í hópinn síð-
astliðin tíu ár...
Ný dönsk endurútgefin
og seld í flottri öskju