Morgunblaðið - 08.11.2007, Qupperneq 14
14 FIMMTUDAGUR 8. NÓVEMBER 2007 MORGUNBLAÐIÐ
ALÞINGI
FULLTRÚAR átta umhverfis-
verndarsamtaka vilja að aðildarríki
NEAFC, fiskveiðinefndar Norð-
austur-Atlantshafsins, fylgi eftir
ákvörðun Sameinuðu þjóðanna frá
því í fyrra um verndun viðkvæmra
vistkerfa sjávar. Hafa þau þess
vegna skrifað fulltrúum aðildarríkja
NEAFC bréf þar sem þessi afstaða
er ítrekuð.
Ákvörðun Sameinuðu þjóðanna
felur í sér alþjóðlegar aðgerðir til að
stjórna veiðum á úthöfunum og
stóðu öll aðildarríki NEAFC að
ákvörðuninni. Í henni er þjóðríkjum,
bæði á eigin spýtur og innan svæð-
isbundinna fiskveiðinefnda eins og
NEAFC, ætlað að grípa tafarlaust
til ráðstafana sem leiði til að veiðar
verði sjálfbærar og vernda viðkvæm
svæði á hafsbotninum, fjöll á botn-
inum, hveri og kóralla fyrir veiðum
með botntrolli.
Í bréfinu er sérstaklega bent á
fjögur atriði úr ákvörðun SÞ.
Þar er þjóðríkum og staðbundnum
fiskveiðinefndum gert að meta áhrif
veiða með botntrolli á úthöfunum og
annaðhvort stjórna veiðunum til að
koma í veg fyrir neikvæð áhrif af
þeim, eða stöðva slíkar veiðar.
Þeim er gert að stöðva veiðar á út-
höfunum þar sem lífríkið er við-
kvæmt eða líkur eru á að svo sé þar
til verndun og stjórnun verði komið
á, til að koma í veg fyrir hin nei-
kvæðu áhrif.
Þeim er gert að tryggja að skip að
veiðum með botntroll fari af svæðum
þar sem lífríkið er viðkvæmt og
tryggja langtímasjálfbærni fiski-
stofna á úthöfunum.
Þá er bent á það í bréfinu að árið
2009 muni SÞ skoða þær aðgerðir
sem gripið hafi verið til til að fylgja
ákvörðuninni eftir. Samtökin hvetja
aðildarríki NEAFC til að fara í einu
og öllu eftir ákvörðun SÞ á ársfundi
NEAFC sem hefst í næstu viku.
Undir bréfið skrifa fulltrúar eft-
irfarandi samtaka: Deep Sea Con-
servation Coalition, Fisheries Secr-
etariat, Greenpeace International,
Náttúrverndarsamtök Íslands,
Oceana, Seas at Risk og WWF Int-
ernational.
Vilja að samþykktum SÞ
verði framfylgt innan NEAFC
Í HNOTSKURN
»Ákvörðun Sameinuðuþjóðanna felur í sér alþjóð-
legar aðgerðir til að stjórna
veiðum á úthöfunum og stóðu
öll aðildarríki NEAFC að
ákvörðuninni.
»Þeim er gert að tryggja aðskip að veiðum með botn-
troll fari af svæðum þar sem
lífríkið er viðkvæmt og
tryggja langtímasjálfbærni
fiskistofna á úthöfunum.
»Þá er bent á það í bréfinuað árið 2009 muni SÞ
skoða þær aðgerðir sem gripið
hafi verið til til að fylgja
ákvörðuninni eftir.
Átta umhverfisverndarsamtök senda aðildarþjóðum NEAFC hvatningu þess efnis
Morgunblaðið/Jim Smart
Fiskveiðar Rússnesk skip í Hafnar-
fjarðarhöfn. Mörg þeirra stunda
karfaveiðar á Reykjaneshrygg.
RÁÐSTEFNA Glitnis, Hafsjór tæki-
færa 2007, er nú haldin í fyrsta sinn
í Shanghai í Kína. Þetta er í fimmta
skipti sem bankinn gengst fyrir al-
þjóðlegri ráðstefnu fyrir stærstu
fyrirtæki í vinnslu sjávarafurða þar
sem saman koma sérfræðingar úr
greininni alls staðar að úr heim-
inum.
Í tengslum við ráðstefnuna hefur
Glitnir gefið út ritið „Glitniŕs 2007
China Seafood Industry Report“
sem fjallar um sjávarútveg í Kína. Í
ritinu er að finna úttekt og sjálf-
stæða greiningu á stöðu fiskiðn-
aðarins í Kína þar sem meðal ann-
ars kemur fram að Kínverjar eru í
dag sú þjóð sem bæði framleiðir og
neytir mest allra af sjávarafurðum.
Árleg fiskneysla í Kína er í dag
26 kíló á hvern íbúa en gert er ráð
fyrir að hún aukist á næsta áratug í
36 kíló eða um 10 kíló á hvern íbúa.
Í skýrslu Glitnis er bent á þá mögu-
leika sem felast í rækjueldi en mjög
auðvelt er að stunda það í Kína með
góðum ábata. Á síðasta ári vakti
Glitnir athygli á hagstæðum að-
stæðum til framleiðslu á svoköll-
uðum beitarfiski (Tilapia) í Kína og
í ár bætir bankinn rækjunni á þenn-
an lista.
Hafsjór tæki-
færa í Kína
ÚR VERINU
Ágúst Ólafur Ágústsson 7. nóvember
Flogið yfir stórkalla
Og ég vona að ég sé
ekki að hallmæla
neinni stofnun þegar
ég segi að heimsókn
allsherjarnefndar Al-
þingis í vikunni til
Landhelgisgæslunnar
hafi staðið upp úr þennan veturinn.
Það vildi svo til að háttvirtum þing-
mönnum í nefndinni var boðið í
ógleymanlega þyrluferð með þess-
um hetjum lands og sjávar. Flogið
var yfir borgina og yfir Hellisheið-
arvirkjun sem virtist úr þessari hæð
vera frekar stórkallaleg framkvæmd
með mikilli röraflækju. Upplifunin
af flugi með þyrlu er gjörólík því
sem maður kynnist í flugvél.
Meira: agustolafur.blog.is
JÓHANNA Sigurðardóttir félags-
málaráðherra gerir ráð fyrir að
leggja fram lagafrumvarp á næstu
vikum í þeim tilgangi að auðvelda
íslenskum fyrirtækjum að fá er-
lenda sérfræðinga, frá löndum ut-
an EES-svæðisins, til landsins.
Þetta kom fram í svari hennar við
fyrirspurn Guðfinnu S. Bjarnadótt-
ur, þingmanns Sjálfstæðisflokks, á
Alþingi í gær.
Guðfinna tók dæmi frá Háskól-
anum í Reykjavík og sagði skólann
vera með sérhæfðar deildir og því
þurfa að leita út fyrir EES-svæðið.
„Við blasir margra mánaða af-
greiðsluferli umsókna, m.a. með
aðkomu Vinnumálastofnunar og
Útlendingastofnunar,“ sagði Guð-
finna og bætti við að mörg fyr-
irtæki teldu núverandi fyr-
irkomulag standa sér fyrir þrifum.
Jóhanna sagði þessi mál hafa
verið skoðuð sérstaklega und-
anfarið og að samhljómur sé um
að finna leiðir til að mæta þessum
þörfum íslensks atvinnulífs. „Að
mínu mati er þetta að sjálfsögðu
alltaf spurningin um samkeppni
um hæfasta fólkið, hvaðan sem
það kemur úr heiminum,“ sagði
Jóhanna og boðaði lagafrumvarp á
næstunni.
Boðar breytingar varðandi
sérfræðinga utan EES
Morgunblaðið/Ómar
Minna vesen Erlendir sérfræðingar munu eiga greiðari leið inn í landið.
Eftir Höllu Gunnarsdóttur
halla@mbl.is
ÍSLAND á að freista þess að fá aftur
samþykkt séríslenskt ákvæði í
næstu samningalotu varðandi losun
gróðurhúsalofttegunda. Þetta er
skoðun Geirs H. Haarde forsætis-
ráðherra en Valgerður Sverrisdóttir,
þingmaður Framsóknarflokks,
spurði hann út í stefnu ríkisstjórn-
arinnar varðandi íslenska ákvæðið í
loftslagssamningi Sameinuðu þjóð-
anna, Kyoto-bókuninni, á Alþingi í
gær. Ákvæðið felur í sér að Ísland,
og mögulega önnur lítil hagkerfi,
mega auka losun sína á gróðurhúsa-
lofttegundum fremur en að draga úr
henni. „Ástæða þess að þetta náðist
fram er að sjálfsögðu sú að stjórn-
völd annarra þjóða […] áttuðu sig á
mikilvægi þess að framleiða ál þar
sem notuð er endurnýjanleg orka,“
sagði Valgerður.
Geir tók skýrt fram að þetta væri
einungis hans skoðun. „Ríkisstjórnin
hefur þó ekki mótað stefnu um þetta
enda ótímabært þar sem forsendur
liggja ekki enn allar fyrir,“ sagði
Geir en bætti við að starfshópur
fjögurra ráðherra ynni að því að
móta samningsmarkmið Íslands.
Valgerður lýsti yfir ánægju sinni
með svörin og það sama gerði Krist-
inn H. Gunnarson, Frjálslyndum.
Flokkssysturnar Guðfríður Lilja
Grétarsdóttir og Kolbrún Halldórs-
dóttir voru hins vegar ekki hrifnar
og kölluðu eftir aðgerðum í að draga
úr losun gróðurhúsalofttegunda.
„Ég er gjörsamlega gáttuð,“ sagði
Guðfríður Lilja.
Íslenskt ákvæði eða ekki?Fjórtán fyrirspurnirFjórtán munnlegar fyrirspurnir voru af-
greiddar á Alþingi í gær af tuttugu
sem voru á dagskrá. Umræðan fór því
út um víðan völl, allt frá veiðum í flott-
roll og upp í alþjóðasáttmála og Ís-
lensku friðargæsluna.
Friður eða ófriður?
Steingrímur J. Sigfússon, VG, og Ingi-
björg Sólrún Gísladóttir utanrík-
isráðherra voru ekki sammála um
hvort þátttaka Íslands í verkefnum
NATO í Afganistan
stæðist ný lög um
Íslensku frið-
argæsluna.
Steingrímur sagði
friðargæsluliðana
bera hernaðarleg
starfsheiti og að
verkefnin væru
ekki borgarleg
eins og þau ættu
að vera. Sam-
kvæmt lögunum
ætti friðargæslan
ekki að halda
hættuástandi á
átakasvæðum í
skefjum.
Ingibjörg sagði
hins vegar laga-
setninguna að-
eins hafa kallað á
breytingar á þátt-
töku Íslands í
Írak. Verkefnin í Afganistan væru al-
farið borgaraleg og að samkvæmt lög-
unum væri gert ráð fyrir að íslenskir
friðargæsluliðar gætu starfað í hern-
aðarskipulagi. Þeir tækju þó ekki þátt
í að koma á friði heldur aðeins að
varðveita hann, „þótt brothættur sé“.
Þá sagði Ingibjörg að mjög væri kallað
eftir því að þjóðir legðu meira af mörk-
um í Afganistan.
Verði meðal 20 fyrstu
Markmið Íslands er að verða meðal
tuttugu fyrstu landa til að fullgilda
sáttmála Sameinuðu þjóðanna um
réttindi fatlaðra, að því er kom fram í
svari Jóhönnu Sigurðardóttur félags-
málaráðherra við fyrirspurn Árna Þórs
Sigurðssonar. Jóhanna sagði Ísland
hafa undirritað samninginn í mars sl.
en að skilyrði fyrir að hann öðlaðist al-
þjóðlegt gildi væri að 20 ríki hefðu full-
gilt hann. Nú hefðu aðeins sjö ríki gert
það en það væri eðlilegt þar sem yf-
irferð tæki nokkurn tíma.
Dagskrá þingsins
Utanríkisráðherra flytur skýrslu sína á
Alþingi í dag og þingfundur hefst kl.
10.30.
Ingibjörg Sólrún
Gísladóttir
ÞETTA HELST …
Steingrímur
Sigfússon
„ÞETTA er mál sem við eigum eftir að ná niðurstöðu í,“
segir Þórunn Sveinbjarnardóttir umhverfisráðherra
spurð um afstöðu ríkisstjórnarinnar til mögulegs sér-
ákvæðis fyrir Ísland í næstu loftslagssamninga-
viðræðum. Hún leggur áherslu á að fyrsta verkefnið sé
að fá stóru ríkin að samningaborðinu en segir jafnframt
sína skoðun vera að „eitthvert sérákvæði fyrir Ísland
um áliðnaðinn“ samræmist ekki þeirri stefnumörkun að
minnka losun um 50-75% fyrir 2050. „Það verður líka að
segjast eins og er að flokkarnir tveir í ríkisstjórn hafa
ekki haft sömu skoðun nákvæmlega á þessu ákvæði.“
Flokkarnir ekki á sömu skoðun
Þórunn
Sveinbjarnardóttir
ÞINGMENN BLOGGA…
ÁKVEÐIÐ hefur verið að ráðast í
heildarendurskoðun á regluverki
varðandi leigubílaakstur þar sem
m.a. verður kannað hvort fjölga þurfi
bílum með einhverjum hætti um
helgar. Þetta kom fram í svari Krist-
jáns L. Möller samgönguráðherra
við fyrirspurn Ármanns Kr. Ólafs-
sonar, þingmanns Sjálfstæðisflokks,
í gær. Í máli Kristjáns kom þó fram
að fjölgun bíla gæti skilað sér í dýr-
ari leigubílaakstri og því væri erfitt
að finna jafnvægi í þessum efnum.
Fleiri leigubíla
Forsætisráðherra og umhverfisráðherra ósammála um markmið í næsta „Kyoto“