Morgunblaðið - 16.12.2007, Side 4

4 SUNNUDAGUR 16. DESEMBER 2007 MORGUNBLAÐIÐ
FRÉTTIR
MENNTASKÓLINN við Hamrahlíð hefur
löngu slitið barnsskónum. Skólinn, sem á upp-
hafsárunum var ekki síst þekktur fyrir blóma-
börn sem þar fóru um ganga, hefur starfað í
meira en fjörutíu ár. Í dag eru nemendur skól-
ans um 1.300 talsins og þar fer fram fjölbreytt
starf, að sögn Sigurborgar Matthíasdóttur,
rektors MH. MH hefur ekki síst verið þekktur
fyrir öfluga listastarfsemi. Þar ber einna helst
að nefna kór skólans, sem Þorgerður Ingólfs-
dóttir, stýrir og öfluga leiklistarstarfsemi. Skól-
inn er jafnframt þekktur fyrir gott félagslíf.
„Skólinn er þekktur fyrir mjög sterkt félagslíf
og hefur ákveðna hippaímynd frá því í gamla
daga. Við erum hreykin af fortíð skólans, en
skólinn hefur breyst,“ segir Sigurborg.
Góður undirbúningur fyrir háskóla
Menntaskólinn við Hamrahlíð hefur löngum
notið vinsælda og verið eftirsótt að komast í
skólann. „Við vonum að það sé vegna þess að
hér fæst góður undirbúningur fyrir há-
skólanám, það hafa rannsóknir sýnt. Þá skiptir
máli að hópurinn sem stundar nám hér er
blandaður. Þetta eru duglegir krakkar, ekki
bara þeir sem hafa fengið hæstu einkunnirnar,
þótt við fáum marga sterka námsmenn. En okk-
ur finnst skipta máli að vera með blandaðan
skapandi hóp.“
Til marks um þetta má nefna að Í MH er al-
þjóðleg bóknámsbraut, IB braut, þar sem kennt
er á ensku. Skólinn leggur sérstaka áherslu á að
ná til nemenda sem geta nýtt sér það. Annars
þarf skólakerfið allt að leggja áherslu á að ná til
þeirra sem eru nýlega fluttir til Íslands. Til þess
að laða þau til náms er meðal annars boðið upp
á stöðupróf í víetnömsku, tælensku og pólsku,
sem krakkarnir geta fengið metið til eininga við
framhaldsskóla.
Áfangakerfið nýtt áfram
„Við vonumst til að geta boðið upp á enn fleiri
tungumál í stöðuprófi og myndað þannig já-
kvæðan þrýsting á ungt fólk sem kemur hingað
til lands í nám. Það hefur verið eitt af vandamál-
unum að þau hafa dottið út enda ekki einfalt að
koma inn í þjóðfélag að koma inn í skóla þar
sem allt er kennt á íslensku.“ Sigurborg segir
að í MH vilji menn áfram nýta það áfangakerfi
sem verið hefur við lýði frá því að skólinn hóf
starfsemi. „Við viljum þróa það áfram og það
hefur M.A. komið til tals að setja á stofn nýjar
námsbrautir,“ segir hún. MH sé bóknámsskóli
en margir nemendur skólans séu listrænir.
Lögð hafi verið rækt við þessa hæfileika, til
dæmis með leiklistar- og myndlistarkennslu.
Þetta hafi greinilega skilað sér áfram og „við
áttum marga aðalleikarana í myndinni Veðra-
mótum sem frumsýnd var haust“, nefnir hún
sem dæmi.
Nemendur skólans geri það víða gott í listalíf-
inu. „Sprengjuhöllin er til dæmis öll héðan, Páll
Óskar var hér og Björk lagði stund á nám hér,“
segir Sigurborg. Nýlegt dæmi um afrek MH-
inga á listasviðinu eru tónleikar sem kórar MH
héldu með Sinfóníuhljómsveit Íslands í nóv-
ember, en þetta var í 25. skipti sem kórarnir
syngja með sveitinni. Þar tóku þátt yfir 100
nemendur sem höfðu undirgengist stífar æfing-
ar og skiluðu sínu með sóma á tónleikunum.
Unga fólkið stendur sig flest vel
Sigurborg bendir að það þjóðfélag sem ungt
fólk býr í nú til dags sé það þjóðfélag sem eldri
kynslóðir hafa skapað. „Og unga fólkið stendur
sig flest mjög vel og stendur gegn því sem kann
að bjóðast,“ segir hún. Hins vegar hafi þjó-
félagið breyst mikið undanfarna áratugi. Ver-
aldleg neysla hafi aukist og margir nemendur
vinni með skólanum. Að okkar mati vinna sum
þeirra alltof mikið. Neysla hefur aukist mjög og
það er nokkuð sem hefur breyst frá því að for-
eldrar þeirra voru á menntaskólaaldri,“ segir
hún. Nú þyki nauðsynlegt að eiga hina og þessa
hluti sem kosti tugi þúsunda. „Mér finnst ungt
fólk standa sig vel í öllu því áreiti sem er í þjóð-
félaginu. En það eru oft þeir fáu sem ekki eru á
beinu brautinni sem fjallað er um,“ segir Sig-
urborg. Hún segir að neysla vímuefna sé þó
vissulega vandamál sem taka þurfi á. „Hver
nemandi sem þetta prófar er í hættu. Og sér-
staklega þar sem þessi efni eru orðin hættulegri
heldur en þau voru,“ segir hún. Ógnvekjandi
tölur hafi sést um aukningu neyslu frá því að
börn ljúki grunnskólanámi og þar til að þau
klári framhaldsskólanám.
Unnið að heilsueflingu nemenda
Sigurborg á sæti í forvarnahópi á vegum
Lýðheilsustöðvar sem heitir Heilsuefling og
forvarnir í framhaldsskólum. Hópnum stýrir
Héðinn Björnsson hjá Lýðheilsustöð. Í hópnum
eru m.a. fulltrúar framhaldsskóla, forvarn-
arfulltrúar, starfsmenn menntamálaráðuneytis
og Fræðslumiðstöðvar í fíkniefnamálum
(FRÆ). „Þetta er hópur sem vinnur að heilsu-
eflingu í framhaldsskólum,“ segir Sigurborg og
bætir við að margt spennandi sé að gerast í
þessum málaflokki. Búið er að setja ný lög um
framhaldsskóla og segir Sigurborg þar aukna
áherslu lagða á heilsuverndarmál í framhalds-
skólunum. Hún bendir jafnframt á að í haust
hafi verið gerður samningur vegna átaksverk-
efnis í fræðslu um fíkniefni milli heilbrigðis- og
menntamálaráðuneytis, Lýðheilsustöðvar og
Félags íslenskra framhaldsskólanemenda. Sig-
urborg segir að auk skóla og yfirvalda verði
heimili ungmennanna líka að koma að þessum
málum.
Í tölu fullorðinna sextán ára?
„Það er ákveðið viðhorf í íslensku þjóðfélagi
sem gengur hægt að breyta,“ segir Sigurborg.
Þetta viðhorf einkennist af því að litið sé svo á
að þegar barn hefur náð sextán ára aldri og
hefji nám í framhaldsskóla sé það fullorðið.
„Þetta tengist gamla tímanum og minnir á þá
tíma þegar fólk fermdist og var þá talið komið í
fullorðinna manna tölu. Við tölum ennþá þannig
þótt það sé út í hött að 14 ára unglingur í nú-
tímaþjóðfélagi sé fullorðinn. Eins er gjarnan
talað þegar nemendur fara í framhaldsskóla,“
segir hún. Hún segist þó finna fyrir því að þetta
sé að breytast. Sigurborg bendir á að í nýju
framhaldsskólalögunum sé meðal annars talað
um að stofna foreldrafélög við framhalds-
skólana. Þetta hafi ekki verið mikið rætt fyrr en
á síðustu árum eftir að lögræðisaldurinn breytt-
ist. Hér kunni einnig að vera um að ræða mun á
milli kynslóða foreldra. „Foreldrar sem eru um
fertugt núna eru miklu betur skólaðir í foreldra-
hlutverkinu heldur eldri foreldrar. Þetta er fólk
sem hefur tekið virkan þátt í foreldrastarfi
grunnskólanna. Við finnum æ meir að foreldrar
kalla á samstarf og spyrja hvort ekki sé for-
eldrafélag við skólann. Þetta er jákvæð krafa,“
segir Sigurborg. Foreldrum finnist að það starf
sem fram fari í framhaldsskólum komi þeim við.
„Mér finnst þetta jákvætt og tel þetta nauðsyn-
legt í framhaldsskólunum.“ Sigurborg segir það
mat sitt að jákvæð umfjöllun um það sem ungt
fólk tekur sér fyrir hendur verði gjarnan út-
undan í fjölmiðlum. „Fréttirnar eru gjarnan af
því að eitthvert ball hafi farið úr böndunum. Þar
er kannski um að ræða þúsund manna skóla og
fimmtán nemendur hafa verið með læti á meðan
stærsti hlutinn skemmtir sér. En fyrirsögnin
verður um ólæti í hinum eða þessum framhalds-
skóla,“ segir hún. Raunin sé hins vegar sú að
flestir framhaldsskólanemar séu vel gerðir og
skemmtilegir einstaklingar að takast á við
áhugaverð verkefni.
Mikilvægt að hafa blandaðan hóp
Sigurborg Matthíasdóttir,
rektor MH, segir skólakerfið
allt þurfa að leggja áherslu á
að ná til þeirra nemenda sem
eru nýfluttir til landsins og
laða þá til náms við fram-
haldsskólana.
Morgunblaðið/Golli
Undirbúningur Sigurborg segir námið í MH búa nemendur vel undir háskólanám.
Þú getur valið úr fjölbreyttu úrvali
ferða hjá þremur ferðaskrifstofum.
Allt í einu gjafabréfi.
Úrval-Útsýn: 585 4000
Sumarferðir: 514 1400
Plúsferðir: 535 2100
UMTALSVERÐAR breytingar
verða á starfseminni á Skúlagötu 4
þegar landbúnaðar- og sjávarút-
vegsráðuneyti
verða sameinuð í
eitt ráðuneyti
undir heitinu
sjávarútvegs- og
landbúnaðar-
ráðuneyti frá og
með 1. janúar
næstkomandi.
Starfsemi land-
búnaðarráðu-
neytis færist til
sjávarútvegs-
ráðuneytisins, sem er til húsa á
Skúlagötu 4. Við þær breytingar
mun Matís flytja hluta starfsemi
sinnar í bráðabirgðahúsnæði í Borg-
artúni 21 og Hafrannsóknastofnunin
þarf að rýma 5. hæð hússins á næsta
ári en fær í staðinn hluta þeirrar að-
stöðu sem Matís hefur haft á Skúla-
götu 4.
Jóhann Sigurjónsson, forstjóri
Hafrannsóknastofnunar, segir að-
spurður að í tengslum við þessar
breytingar þurfi að ákveða framtíð-
arhúsnæði fyrir Hafrannsóknastofn-
unina. Kveðst hann gera ráð fyrir að
ráðast muni á næsta ári hver fram-
tíðarskipan húsnæðismálanna verði
en ekkert liggi fyrir um það enn sem
komið er.
Þröng aðstaða
Hafrannsóknastofnunin hefur
verið á Skúlagötu 4 í um 40 ár en að
sögn Jóhanns er aðstaðan þröng og
hentar hún ekki starfseminni sér-
staklega vel.
,,Það þarf að fara að hugsa til
framtíðar um húsnæðismálin, hvort
flutt verður úr húsinu eða þá að það
verði endurbætt sem framtíðarað-
staða stofnunarinnar. Það hefur ekki
verið tekin ákvörðun um þetta en við
vonumst til að það verði gert fljót-
lega,“ segir hann.
Huga þarf að
framtíðarhúsnæði
Jóhann
Sigurjónsson.
LANDHELGISGÆSLA Íslands
gerði í vikunni samstarfssamning við
Vardö VTS (e.vessel traffic service),
sem er skipaumferðarmiðstöð í
Norður-Noregi, sem vaktar meðal
annars, alla skipaumferð á hafsvæð-
inu undan Norður- og Norðvestur-
Noregi.
Samkvæmt upplýsingum Land-
helgisgæslunnar má gera ráð fyrir
aukinni umferð stórra olíu- og gas-
flutningaskipa með með stóra farma
frá Rússlandi og Norður-Noregi,
m.a. á leið til Bandaríkjanna með ört
vaxandi olíuvinnslu Rússa. Samning-
urinn felst í því að norska stöðin
sendir Landhelgisgæslunni, með
góðum fyrirvara, allar upplýsingar
um skip sem eru á leið til Íslands eða
suðvestur um haf, til Bandaríkjanna
eða Kanada. Með samningnum
skuldbindur Landhelgisgæsla Ís-
lands sig til að upplýsa Vardö VTS á
sama hátt um þá skipaumferð sem
LHG er kunnugt um að stefni til
Norður-Noregs eða Rússlands.
Gæslan
semur við
Norðmenn