Morgunblaðið - 04.04.2008, Blaðsíða 2
2 FÖSTUDAGUR 4. APRÍL 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Eftir Önund Pál Ragnarsson
onundur@mbl.is
„VIÐ ætlum að taka á málinu frá öll-
um sjónarhornum, auka eftirlit, þrif
og umhirðu og bæta skipulagsmál,
brunavarnir og löggæslu, þó án þess
að gera sífellt við eitthvað sem verður
skemmt jafnóðum aftur. Við verðum
því stöðugt á vaktinni og ætlum að
halda verkefninu áfram næsta árið
svo ástandið batni til langframa,“ seg-
ir Ólafur F. Magnússon borgarstjóri,
sem í gær kynnti aðgerðaáætlun til
uppbyggingar miðborgarinnar. Með í
verkefninu eru slökkvilið, lögregla og
margir æðstu embættismenn borgar-
innar sem hafa myndað með sér sam-
ráðshóp um verkefnið, sem þegar er
hafið með þrifum og veggjakrots-
hreinsun við Hlemm. Fram á sumar
verður farið sem leið liggur eftir
Laugavegi og
hann hreinsaður.
Verkefnisstjóri
miðborgarmála
verður ráðinn til
skrifstofu borgar-
stjóra samhliða
átakinu. Að sögn
Ólafs verður það
hlutverk hans að
keyra þessi mál
áfram af krafti.
Eftirlit aukið til muna
Jón Viðar Matthíasson, slökkviliðs-
stjóri höfuðborgarsvæðisins, segir
málefni auðra og niðurníddra húsa í
miðborginni, sem eru nú hátt í 60 tals-
ins, verða tekin fastari tökum og þess
gætt í stjórnsýslunni að ekkert þeirra
lendi í tómarúmi á milli stofnana héð-
an í frá. Stefán Eiríksson, lögreglu-
stjóri höfuðborgarsvæðisins, segir í
samtali við Morgunblaðið að eftirlit
verði aukið með uppsetningu mynda-
véla og meiri viðveru laganna varða.
„Það er augljós munur á þeim stöðum
í miðborginni sem vaktaðir eru af
myndavélum og þeim sem eru það
ekki. Hins vegar hefur sjálft umhverf-
ið mest áhrif; ef umhverfið er sóðalegt
hefur það í för með sér hraða út-
breiðslu veggjakrots og illrar um-
gengni,“ segir Stefán.
Gangskör gerð að
málefnum miðborgar
Hreingerning og eftirlit með auðum húsum og eignaspjöllum
Í HNOTSKURN
»Borgarstjóri segir skipulags-vinnu við Laugaveg 4–6 og
Pravda-reit nú hraðað eftir getu.
»Hann kveðst ósáttur viðhversu langan tíma sú vinna
hafi nú þegar tekið.
Ólafur F.
Magnússon
„ÞAÐ SEM hefur breyst er að Ísland
er orðið ódýrt land,“ segir Reynir
Jónsson, framkvæmdastjóri Fjalla-
sports, um ástæðu þess að fyrirtækið
sér fram á mikil viðskipti við norska
jeppamenn, sem hafa áhuga á akstri
í snjó á hálendinu.
Dæmi eru um að Norðmenn kaupi
jeppa, láti breyta þeim hér og komi
svo hingað til að keyra þá á hálend-
inu að vetrarlagi.
Reynir er varfærinn þegar hann
er spurður hversu mikil viðskiptin
geti orðið, en segir að veltan gæti
orðið nokkur hundruð milljónir
króna, jafnvel meira síðar meir.
7 ára starfsemi í Drammen
Fjallasport hefur síðustu sjö árin
verið með starfsemi í Drammen í
Noregi og segir Reynir þær breyt-
ingar sem gerðar séu á jeppunum
þar mun minni en hér á landi, þar
sem um jöklajeppa sé að ræða. Af-
raksturinn af margra ára starfi í
Noregi sé að fara að skila sér á Ís-
landi.
Jeppar í Noregi eru um 30% dýr-
ari en á Íslandi og að sögn Reynis á
sá munur, auk hagstæðs gengis fyrir
Norðmennina, þátt í áhuga þeirra.
Mestu varði þó að hér á landi geti
þeir ekið á hálendinu, slíkt sé bann-
að í Noregi en leyft í Svíþjóð.
Reynir segir viðskiptavinina eink-
um vera efnamenn og að fimm til tíu
milljóna króna fjárfesting í jeppa sé
mjög óveruleg fyrir þessa aðila. Þeir
séu í þeim tekjuflokki að geta valið
um snekkjuferðir á Mallorca eða
jeppaferðalög á hálendi Íslands.
Reynir segir viðskiptavinina
koma víða að og nefnir hann að í
hópi þeirra sé Hollendingur sem
hyggist hafa bílinn á Íslandi yfir
vetrarmánuðina.
Ísland ódýrt land
Mikil viðskipti fram undan við norska jeppamenn en hálendisakstur er bannaður í Noregi
Áfjáðir í íslenska jeppa
mbl.is | Sjónvarp Morgunblaðið/Árni Sæberg
Fagmenn Það er ekki fyrir hvern sem er að setja 44 tomma jeppadekk á felgur í fannfergi en þeir fara létt með
það, fagmennirnir hjá Fjallasporti. Verkfæri og kunnátta er allt sem þarf og svo finnst mörgum þetta gaman.
STEFÁN Eiríksson lögreglustjóri
höfuðborgarsvæðisins segir fráleitt
að halda því fram að lögreglumenn
hafi tekið vægar á mótmælum at-
vinnubílstjóra en mótmælum ann-
arra, s.s. liðsmanna Saving Iceland
sem margir hverjir sættu handtök-
um síðastliðið sumar, svo dæmi sé
tekið. Stefán bendir á að nú þegar
hafi lögreglan einnig gripið til hand-
töku vegna mótmæla atvinnubíl-
stjóra.
„Enginn hefur verið færður á lög-
reglustöð, því menn hafa látið af
mótmælum áður en til þess hefur
komið,“ segir Stefán. „En það liggur
fyrir að að minnsta kosti einn af for-
sprökkum mótmælenda var hand-
tekinn og færður inn í lögreglubíl.“
Stefán bendir á að handtökur séu
ekki refsingar, heldur aðferð lög-
reglu til að ná stjórn á tilteknu
ástandi. „Við höfum ekki þurft að
beita handtökum nema í örfáum til-
vikum, þrátt fyrir að menn hafi verið
að fremja lögbrot,“ segir hann. „Það
sem við höfum að leiðarljósi í okkar
aðgerðum er að reyna að leysa úr al-
varlegu ástandi en skapa ekki enn
verra ástand. Engar aðgerðir eru
útilokaðar, heldur fer það eftir stöð-
unni hverju sinni hvað lögreglan ger-
ir. Ef menn láta ekki af sínum ólög-
mætu aðgerðum, þá er gripið til þess
að handtaka menn og færa þá á lög-
reglustöð ef svo ber undir.“
Stefán ítrekar þá skoðun sína sem
hann lýsti í septembermánuði árið
2006 á hádegisfundi Háskólans í
Reykjavík. Þar varaði hann við orð-
ræðu og bollaleggingum af þeim
toga að ólögmæta háttsemi yrði að
skoða út frá tilgangi hennar.
„Við erum ekkert að velta fyrir
okkur í hvaða tilgangi menn eru að
fremja lögbrot. Ef þeir eru að slíku
og skapa ólögmætt ástand, þá reyn-
um við að leysa úr því á grunni með-
alhófsreglunnar,“ segir Stefán.
Ekki tekið vægar á
atvinnubílstjórunum
Lögreglustjóri LRH útilokar engar aðgerðir gegn bílstjórum
Morgunblaðið/Júlíus
Mótmæli Hiti var í atvinnubílstjór-
um fyrir utan fjármálaráðuneytið.
„DÓMENDUR málsins geta ekki
fjallað frekar um það undir þeim
skilmálum, sem þeim hafa nú verið
settir, og víkja því sæti,“ segir í úr-
skurði héraðsdómarans Péturs Guð-
geirssonar og meðdómara hans, Ás-
geirs Magnússonar og Sigríðar
Ólafsdóttur, sem telja forsendur fyr-
ir niðurstöðu Hæstaréttar, um að
ómerkja héraðsdóm og vísa honum
aftur til aðalmeðferðar og dóms-
álagningar í héraði, óásættanlegar.
Umrætt mál var höfðað gegn karl-
manni sem grunaður var um að hafa
nauðgað ungri konu á Hótel Sögu í
mars á síðasta ári. Héraðsdómur
sýknaði manninn, m.a. á þeim grund-
velli að hann hefði ekki beitt ofbeldi
til að koma fram vilja sínum. Hæsti-
réttur ómerkti hins vegar dóminn og
vísaði honum aftur í hérað. Í dómi
Hæstaréttar er fast kveðið að sekt
mannsins, og sagt að lögskýring hér-
aðsdóms standist ekki.
Í úrskurði Héraðsdóms Reykja-
víkur frá í gær segir m.a.: „[N]ægir
að taka það fram [að í ummælum
Hæstaréttar] hljóta að felast fyrir-
mæli til dómara málsins um það að
álykta beri á tiltekinn veg af atvikum
þess. Hlýtur íhlutun af þessu tagi að
vera í andstöðu við ákvæði 70. gr.
stjórnarskrárinnar þar sem tryggð-
ur er réttur manns til þess að fá
fjallað um ákæru á hendur honum
fyrir óháðum og óhlutdrægum dóm-
stóli.“
Að sögn Sveins Andra Sveinsson-
ar, lögmanns mannsins, þýðir þessi
niðurstaða að málið verði tekið fyrir
að nýju, algjörlega frá grunni, það
verði líklega í enda sumars eða
næsta haust.
Sveinn segist aðspurður ekki
þekkja til þess að dómarar hafi áður
mótmælt dómi Hæstaréttar á þenn-
an hátt, en vísaði til sér fróðari
manna um það atriði.
Mótmæla niður-
stöðu Hæstaréttar
Héraðsdómarar víkja sæti í sakamáli
Allir velkomnir!
Tölum saman
Laugardagsfundur í Valhöll kl. 10:30
Sjávarútvegs- og landbúnaðarmál
Einar K. Guðfinnsson, sjávarútvegs- og landbúnaðarráðherra,
ræðir um sjávarútvegs- og landbúnaðarmál og horfur
í stjórnmálunum á laugardagsfundi í Valhöll 5. apríl.
Málfundafélagið Óðinn
og Sjálfstæðisflokkurinn
standa fyrir fundinum
sem hefst kl. 10:30.
Fundarstjóri er Theodór Bender,
formaður Óðins.
Kaffi og meðlæti í boði.