Morgunblaðið - 04.04.2008, Blaðsíða 42
42 FÖSTUDAGUR 4. APRÍL 2008 MORGUNBLAÐIÐ
MINNINGAR
fyrir yngri stúkubræður. Tómas var
leiðtogi í samfélagi okkar Suður-
nesjamanna. Það verður eftirsjá að
þessum máttarstólpa.
Tómas gengur í Oddfellowregluna
1968 og hefði því haldið upp á 40 ára
Oddfellow-afmæli í næsta mánuði.
Við stofnun stúkunnar okkar, Njarð-
ar nr. 13, árið 1976 var Tómas í far-
arbroddi. Hann hefur gegnt ótal
ábyrgðarstörfum fyrir stúku okkar í
gegnum árin og verðum við ætíð
þakklátir fyrir hans framlag. Hann
var ætíð virkur í að efla þau gildi sem
dýrmætust eru í starfi okkar.
Fjölskyldan var hans dýrmætasta
djásn. Eftirlifandi eiginkona hans
Halldís Bergþórsdóttir hefur ætíð
tekið virkan þátt í félagsstarfi stúk-
unnar og myndaði dýrmæt tengsl við
bræður og maka þeirra. Stúkubræð-
ur í Nirði senda Halldísi innilegustu
samúðarkveðjur sem og börnum
þeirra og barnabörnum.
Hver fögur dyggð í fari manns
er fyrst af rótum kærleikans.
Af kærleik sprottin auðmýkt er,
við aðra vægð og góðvild hver
og friðsemd hrein og hógvært geð
og hjartaprýði stilling með.
(Kingo, - H. Hálfd.)
Skúli Skúlason
Yfirmeistari Njarðar.
Kveðja frá Lionshreyfingunni
á Íslandi
Með Tómasi Tómassyni er horfinn
einn af frumkvöðlum Lionshreyfing-
arinnar á Íslandi.
Tómas var einn af stofnendum
Lionsklúbbs Keflavíkur og fyrsti for-
maður hans.
Lionsklúbbur Keflavíkur var
stofnaður árið 1956 eða 5 árum eftir
að Lionshreyfingin festi rætur á Ís-
landi með stofnun Lionsklúbbs
Reykjavíkur.
Þegar Lionsklúbbur Keflavíkur
var stofnaður voru aðeins 4 Lions-
klúbbar starfandi á Íslandi, en 3 aðr-
ir voru stofnaðir sama ár og Kefla-
víkurklúbburinn.
Með stofnun Lionsklúbbs Kefla-
víkur breiddist Lionsstarfið út til
annarra byggða á Suðurnesjum, en
það var Tómasi mikið kappsmál að
stofnaðir yrðu Lionsklúbbar í sem
flestum byggðum á svæðinu.
Tómas gegndi starfi umdæmis-
stjóra Lionshreyfingarinnar á Ís-
landi frá 1960 til 1961. Á þessum ár-
um mæddi mikið á umdæmisstjóra.
Kynna þurfti Lionshreyfinguna vítt
og breitt um landið og vinna að stofn-
un nýrra klúbba, svo mikill erill og
ferðalög fylgdu starfinu.
Tómas Tómasson var mikill fé-
lagsmaður og var um árabil forystu-
maður í ýmsum félagasamtökum á
Suðurnesjum, en þrátt fyrir það
missti hann aldrei sjónar á hugsjón-
um Lionshreyfingarinnar og starfði
ötullega í sínum klúbbi fram á síðasta
dag. Lét sig sjaldan vanta á fundi
ætti hann á annað borð heimangengt.
Lionshreyfingin þakkar Tómasi
mikil og góð störf í þágu hreyfing-
arinnar.
Fyrir mína hönd og Lionshreyf-
ingarinnar sendi ég eftirlifandi eig-
inkonu hans Halldísi Bergþórsdóttur
og ættingjum innilegar samúðar-
kveðjur.
Persónulega þakka ég Tómasi
þann vinskap og hlýhug sem hann
sýndi mér og konu minni gegnum ár-
in og kveð ég með söknuði Lions-
félaga og Oddfellowbróður.
Halldór Ingvason, umdæm-
isstjóri Lionsumdæmis 109A.
Tómas Tómasson, fyrrverandi for-
maður Hjartaheilla Suðurnesjum,
lést á Heilbrigðisstofnun Suðurnesja
föstudaginn 28. mars sl. á 84. aldurs-
ári. Hann var fæddur á Járngerðar-
stöðum í Grindavík, 7. júlí 1924.
Tómas vann alla tíð ötullega að fé-
lagsmálum. Hann var formaður
Stúdentaráðs, einn af stofnendum
Lionsklúbbs Keflavíkur og umdæm-
isstjóri Lionshreyfingarinnar á Ís-
landi um tíma. Hann var einnig einn
af stofnendum Oddfellowstúku í
Keflavík árið 1976 og fyrsti yfir-
meistari hennar auk þess að vera í yf-
irstjórn reglunnar á Íslandi.
Árið 1999 tók Tómas að sér for-
mennsku í stjórn Félags hjartasjúkl-
inga á Suðurnesjum sem nú heitir
Hjartaheill Suðurnesjum og gegndi
því embætti til ársins 2005 með mikl-
um sóma.
Tómas sat í mörgum nefndum á
vegum Hjartaheilla og SÍBS og var
ávallt gott að leita til hans með erfið
mál því úrræðagóður var Tómas með
afbrigðum.
Tómas lét alla tíð málefni hjarta-
sjúklinga sig miklu varða, var í
fremstu víglínu forustumanna okkar
og ötull talsmaður samtakanna í for-
varnarstarfi þeirra og baráttunni við
hverskonar hjartasjúkdóma.
Fyrir hönd stjórnar Hjartaheilla
og aðildarfélaga þess sendum við eft-
irlifandi maka Tómasar, Halldísi
Bergþórsdóttur, svo og öðrum að-
standendum innilegar samúðar-
kveðjur um leið og við þökkum fórn-
fúst og óeigingjarnt starf í þágu
samtakanna.
Guðmundur Bjarnason for-
maður. Ásgeir Þór Árnason
framkvæmdastjóri.
Það var í svartasta skammdegi um
áramótin 1949-1950 sem ég kom
fyrst til Keflavíkur. Mér leist ekki of
vel á bæinn, moldargötur og pollar
og léleg götulýsing. Nokkru seinna
átti ég erindi á skrifstofu bæjarfóg-
eta og hitti þar á Tómas. Glæsi-
mennska og framkoma hans höfðu
mikil áhrif á mig og þegar ég kom út
frá honum fannst mér strax sem það
væri bjartara yfir bænum. Svo mikil
áhrif hafði Tómas strax á mig.
Leiðir okkar áttu eftir að liggja
saman í gegnum Lionshreyfinguna.
Tómas varð umdæmisstjóri Lions
1960-1961 og bað mig að vera ritari
og gjaldkeri. Tómas var mikill ræðu-
maður og talaði alltaf blaðlaust og
mjög fallegt mál. Það fylgdi starfsári
Tómasar að heimsækja alla Lions-
klúbba á landinu og fór ég með hon-
um í allar þær ferðir og oft voru eig-
inkonurnar með. Upp úr þessum
ferðum bundumst við miklum vin-
áttuböndum sem og fjölskyldur okk-
ar. Það voru heimsóknir á báða bóga,
vinátta og tryggð. Það var gaman og
fróðlegt að heimsækja þau hjónin á
þeirra fallega heimili. Frú Hædý
alltaf með veisluborðin sem hún var
fræg fyrir og Tómas ræðinn og
skemmtilegur. Tómas hafði marga
kosti, alltaf kátur, ræðinn og hlýr,
með afbrigðum minnugur, og svo
kunni hann vel listina að hlusta. Það
var eins og vera kominn aftur í fram-
haldsskóla að kynnast Tómasi og
skólinn var skemmtilegur. Ég veit að
margir leituðu til Tómasar með sín
vandamál og hann leysti þau með
sinni alkunnu lipurð og aðgætni.
Þegar Sigrún kona mín lést þá fann
ég að ég átti góða vini í þeim hjónum
Hædý og Tómasi og fjölskyldu
þeirra allri.
Nú þegar leiðir skilur um stund
kveð ég vin minn Tómas, en ég er
viss um að við hittumst aftur. Ég bið
Guð um að veita Hædý, börnum og
afkomendum styrk í sorg þeirra.
Guð blessi minningu Tómasar,
megi hann hvíla í friði.
Jón Ásgeirsson og fjölskylda.
Heilsteyptur, glæsimenni með áru
sem stafaði til allra átta. Tómas
Tómasson er einn af samferðamönn-
unum sem aldrei gleymast, ekki
vegna veðrabrigða hans, heldur
vegna einstaklega góðrar nærveru.
Það var alveg sama hvar og hvenær
maður hitti Tómas, það voru alltaf
hlunnindi að hitta hann. Jafnlyndi
hans, gott skap, hlýja og góð ráð
voru hans aðalsmerki. Um langt ára-
bil lagði hann snarpa hönd á plóginn
í Keflavík, sem sparisjóðsstjóri, for-
seti bæjarstjórnar, frumkvöðull fé-
lagsstarfs á Suðurnesjum, Oddfel-
lowfélagi, Lionsmaður og hvarvetna
þar sem hann kom við sögu skilaði
það árangri og sjálfstæðismenn eru
þakklátir honum fyrir óeigingjarnt
og metnaðarfullt starf í áranna rás.
Persónuleiki Tómasar var svo
sterkur að þótt væri í hópi úrvals-
manna þá var hann eins og heil
heimsálfa út af fyrir sig. Hann var
allt í senn, góður félagi og vinur vina
sinna, hugsjónamaður í þágu lands-
ins gagns og nauðsynja. Hann var á
sinn hátt fjall í umhverfi sínu, þægi-
legur, fumlaus, markviss og skildi
vel að allt hefur sinn gang. Hans er
sárt saknað. Megi góður Guð styrkja
ástvini hans og vini. Minningin um
hann er mikill fjársjóður inn í fram-
tíðina. Nú er hann sigldur þessi
þægilegi og hversdagsgóði maður.
Það er skarð fyrir skildi, en inn á ei-
lífðarbrautina stormar nú gull af
manni svo glampa mun á Gullna hlið-
ið, glæsimenni.
Árni Johnsen.
Tómas Tómasson
✝
VILHJÁLMUR SIGURÐSSON,
Krossbæ í Nesjum,
Hornafirði,
lést á hjúkrunarheimilinu Skjólgarði föstudaginn
25. mars.
Útför hans verður gerð frá Hafnarkirkju á Höfn
laugardaginn 5. apríl kl. 14.00.
Systkini og fjölskyldur.
✝
Elskulegur eiginmaður minn, faðir okkar, tengda-
faðir og afi,
ÓLAFUR RAGNARSSON
bókaútgefandi,
Bjarmalandi 16,
Reykjavík,
lést á líknardeild Landspítalans í Kópavogi
fimmtudaginn 27. mars.
Útförin fer fram frá Dómkirkjunni í dag, föstudaginn
4. apríl kl. 11.00. Þeim sem vilja minnast Ólafs er bent á líknardeild
Landspítalans í Kópavogi eða MND-félagið.
Elín Bergs,
Ragnar Helgi Ólafsson, Margrét Sigurðardóttir,
Kjartan Örn Ólafsson, Ásta Sóllilja Guðmundsdóttir
og barnabörn.
✝
Innilegar þakkir færum við öllum þeim sem sýndu
okkur samúð og hlýhug vegna andláts og
jarðarfarar elskulegrar eiginkonu, móður, tengda-
móður og ömmu,
ÁSU GUÐRÚNAR KRISTJÁNSDÓTTUR,
Eikjuvogi 11,
Reykjavík.
Haraldur Þórðarson,
Kristján Þór Haraldsson, Margrét Ó. Björnsdóttir,
Sigurbjörg Haraldsdóttir, Jón Hannes Helgason,
Þórlaug Haraldsdóttir-Hübl, Michael Hübl
og barnabörn.
✝
Elsku móðir mín, tengdamóðir, amma og
langamma,
GUÐBJÖRG VALDEMARSDÓTTIR,
sem lést á dvalarheimilinu Hlíð fimmtudaginn
20. mars, verður jarðsungin frá Akureyrarkirkju
mánudaginn 7. apríl kl. 13.30.
Valdimar Valdimarsson, Helga Ingólfsdóttir
og fjölskylda.
✝
Ástkær faðir okkar, tengdafaðir, afi og langafi,
ÁSTVALDUR MAGNÚSSON,
Breiðagerði 8,
Reykjavík,
sem andaðist fimmtudaginn 27. mars á Land-
spítalanum Fossvogi, verður jarðsunginn frá
Langholtskirkju mánudaginn 7. apríl kl. 15.00.
Dóra Steinunn Ástvaldsdóttir, Ragnar Ragnarsson,
Þorgeir Ástvaldsson, Ásta Eyjólfsdóttir,
Magnús Ástvaldsson,
Pétur Ástvaldsson, Elísabet M. Jónasdóttir,
barnabörn og barnabarnabörn.
✝
Elskulegur eiginmaður minn, sonur, faðir, tengda-
faðir, afi og langafi,
HAUKUR KRISTJÁNSSON,
Hlíðarvegi 34,
Siglufirði,
andaðist á Heilbrigðisstofnun Siglufjarðar
miðvikudaginn 26. mars.
Útförin fer fram frá Siglufjarðarkirkju laugardaginn
5. apríl kl. 14.00.
Fyrir hönd aðstandenda,
Hugborg Friðgeirsdóttir,
Ingibjörg Jósefsdóttir,
V. Ingi Hauksson, Anna Jóhannsdóttir,
Sigurlaug J. Hauksdóttir, Hörður Júlíusson,
Guðný S. Hauksdóttir, Jóhann Jóhannsson,
barnabörn og barnabarnabörn.
✝
Ástkær eiginmaður minn, faðir, tengdafaðir, afi og
langafi,
JÓN SIGURÐSSON
vélstjóri,
Lækjargötu 4,
Hvammstanga,
verður jarðsunginn frá Hvammstangakirkju laugar-
daginn 5. apríl kl. 14.00.
Ástbjörg Ögmundsdóttir,
Birgir Jónsson,
Anna Kristín Jónsdóttir, Arne Braaten,
Ósk Jónsdóttir, Magnús Kristinsson,
barnabörn og barnabarnabörn.
✝
Hjartkær móðir okkar, tengdamóðir, amma og
langamma,
HREFNA MAGNÚSDÓTTIR
frá Litla- Dal,
til heimilis í Fremri Hundadal,
Dalasýslu,
verður jarðsungin frá Munkaþverárkirkju laugar-
daginn 5. apríl og hefst athöfnin kl. 13.30.
Snæbjörg Bjartmarsdóttir, Ólafur Ragnarsson,
Kristján Bjartmarsson, Halldóra Guðmundsdóttir,
Jónína Bjartmarsdóttir,
Benjamín Bjartmarsson, Ólöf Steingrímsdóttir,
Fanney Bjartmarsdóttir, Bert Sjögren,
Hrefna Bjartmarsdóttir, Aðalsteinn Jónsson,
barnabörn og barnabarnabörn.