Morgunblaðið - 04.04.2008, Blaðsíða 12
12 FÖSTUDAGUR 4. APRÍL 2008 MORGUNBLAÐIÐ
FRÉTTIR
Við gerum hlé á daglegri starfsemi okkar
í dag og flytjum í Borgartún 26. Beðist er
velvirðingar á því að síma- og nettengingar
munu jafnframt að mestu l iggja n iðr i .
„ A F S A K I Ð H L É “
B o r g a r t ú n i 2 6 | 1 0 5 R e y k j a v í k | S í m i 5 9 0 2 6 0 0
B r é f a s í m i 5 9 0 2 6 0 6 | l e x @ l e x . i s | w w w . l e x . i s
Jónas A. Aðalsteinsson hrl
Þórunn Guðmundsdóttir hrl
Erla S. Árnadóttir hrl
Helgi Jóhannesson hrl
Karl Axelsson hrl
Ólafur Haraldsson hrl
Lilja Jónasdóttir hrl
Kristín Edwald hrl
Ragnheiður M. Ólafsdóttir hrl
Heimir Örn Herbertsson hrl
Eiríkur Elís Þorláksson hdl
Garðar G. Gíslason hdl
Eva Margrét Ævarsdóttir hdl
Arnar Þór Stefánsson hdl
Dýrleif Kristjánsdóttir hdl
Katrín Jónasdóttir framkv.stj
HÁSKÓLI Íslands og California
Institute of Technology (Caltech) í
Pasadena í Kaliforníu hafa und-
irritað samning um um aukið sam-
starf í kennslu og rannsóknum.
Caltech er einn fremsti háskóli í
heimi og má geta að meðal starfs-
fólk skólans hafa verið 23 nób-
elsverðlaunahafar, segir í frétt frá
Háskóla Íslands.
Fyrsti þáttur í auknu samstarfi
er þáttur Háskóla Íslands í SURF
(Summer Undergraduate Research
Fellowship) hjá Caltech, en SURF
gengur út á rannsóknasamstarf
milli leiðbeinenda og nemenda í
grunnnámi. Sumarið 2008 verða
þrír nemendur Háskóla Íslands
styrktir til að vinna 10 vikna SURF-
verkefni við Caltech og allt að þrír
grunnnemendur frá Caltech verða
styrktir í tíu vikna verkefni við Há-
skóla Íslands.
Íslensku nemendurnir sem fara
utan í sumar eru Sara Sigur-
björnsdóttir, nemi í líffræði, Benja-
mín Sveinbjörnsson, nemi í efna-
fræði, og Arnar Björn Björnsson,
nemi í umhverfis- og byggingar-
verkfræði.
Nemendur Sara Sigurbjörnsdóttir, Benjamín Sveinbjörnsson og Arnar
Björn Björnsson, ásamt Sigurjóni Sighvatssyni, David Rutledge, Kristínu
Ingólfsdóttur, Guðmundi Árnasyni og Jóni Atla Benediktssyni.
Nemendaskipti við Caltech
SÝNINGIN Sumar 2008 verður
haldin í Fífunni í Kópavogi helgina
4.-6. apríl nk. sem sýningarfyr-
irtækið Sumarhúsið og garðurinn
stendur fyrir. Sterk hefð er orðin
fyrir sýningu Sumarhússins og
garðsins en Sumar 2008 er sjöunda
sýningin sem fyrirtækið stendur fyr-
ir. Í fyrra sóttu um 20.000 gestir
sýninguna.
„Sumar 2008 boðar sumarkomuna
með fræðslu, kynningu og sölu á
vörum og þjónustu sem tengjast at-
vinnulífinu, sumarhúsinu, garðinum, heimilinu, afþreyingu og ferðaþjón-
ustu. Á sýningunni býðst einstaklingum kjörið tækifæri til að kynna sér
vörur tuga fyrirtækja og stofnana. Sýnendur á Sumar 2008 eru innlendir
sem erlendir aðilar, stórir og smáir. Má þar m.a. nefna garðyrkjufyrirtæki,
útivistarbúðir, byggingarfyrirtæki, fasteignasölur og fjármálafyrirtæki og
fyrirtæki í ferðaþjónustu,“ segir í tilkynningu. Skemmtidagskrá sýning-
arhelgarinnar verður fjölbreytt. Á laugardegi munu Skoppa og Skrítla
skemmta börnunum auk þess sem söngvarar og trúbadorar munu troða
upp á sviði. Á sunnudag stígur Magni Ásgeirsson á svið og syngur fyrir
gesti.
Sýningin hefst á föstudaginn kl. 14. Björgvin G. Sigurðsson við-
skiptaráðherra setur sýninguna, Páll Jökull Pétursson býður gesti vel-
komna og Gunnar Birgisson, bæjarstjóri Kópavogs, flytur ávarp. Ragn-
heiður Gröndal söngkona flytur nokkur lög og boðið verður upp á
veitingar.
Sumarsýning í Kópavogi
Sýning Fjölmenni mætti í fyrra.
BOÐIÐ verður upp á opinn hlát-
urjógatíma í Maður lifandi, Borg-
artúni 24, nk. laugardag kl. 10.30-
11.30. Leiðbeinendur verða Ásta
Valdimarsdóttir og Kristján Helga-
son. Boðið er upp á hláturjógatíma
fyrsta laugardag hvers mánaðar í
vetur í Maður lifandi, aðgangseyrir
er 1.000 krónur og eru allir vel-
komnir.
Hláturjóga er aðferð sem ind-
verski læknirinn dr. Madan Kataria
hefur þróað og er grunnhugsunin
sú að skapa aðstæður þar sem hver
sem er getur hlegið í hópi án til-
efnis. Hláturjóga er blanda af hlát-
uræfingum, öndun og teygjum.
Hláturæfingarnar eru auðveldar og
skemmtilegar og miða að því að
vekja leikgleðina sem er okkur eðl-
islæg, segir í tilkynningu.
Hláturjóga í boði
AÐALFUNDUR Landssambands
kúabænda verður settur kl. 10 í
dag, föstudag, á Hótel Selfossi.
Fundurinn er opinn öllum áhuga-
mönnum um nautgriparækt. Fund-
urinn verður einnig í beinni útsend-
ingu á netinu á heimasíðu
sambandsins, www.naut.is.
Dagskrá fundarins er einnig að
finna á síðunni og hnappurinn fyrir
beina útsendingu ofarlega til
vinstri á henni.
Eins og fyrr segir hefst fund-
urinn kl. 10 og stendur til kl. 16
þann daginn. Á laugardaginn, 5.
apríl, verður fundarstörfum haldið
fram kl. 13 og stendur fundur þá til
kl. 17. Fyrir hádegi þann dag eru
nefndarstörf.
Bændur í beinni
STUTT
Eftir Sunnu Ósk Logadóttur
sunna@mbl.is
„ÉG ER búinn að vera í símanum
síðan klukkan níu í morgun. Ég
hefði þurft að vera með þrjár síma-
stúlkur! Í mig hefur hringt
ókunnugt fólk sem hefur sambæri-
lega reynslu og ég, flestir ekki jafn
slæma en þó hefur einn hringt sem
fékk fimm stjörnu meðferð. Allir
hafa sína sögu að segja og þakka
mér fyrir greinina,“ segir Anton
Bjarnason sem lýsti í Morg-
unblaðinu í gær raunum sínum af
neyðarþjónustu Trygginga-
miðstöðvarinnar (TM) og VISA eftir
að hafa slasast alvarlega á skíðum á
Ítalíu fyrir páska.
Fyrirtækin eru nú að fara yfir
málið og segja í yfirlýsingu það vera
mikið áhyggjuefni ef þjónusta þeirra
valdi vonbrigðum. Í kjölfar rann-
sóknar fyrirtækjanna verði brugðist
við með viðeigandi hætti.
Fær tjónið greitt
Anton fékk símtal frá fulltrúa TM
í gær og segist ánægður að heyra
loks í tryggingafélaginu. Hann hafi
fengið þau svör að allir hans reikn-
ingar vegna slyssins og fararinnar
heim yrðu greiddir að fullu. „Þeir
báðu mig innilegrar afsökunar á
þessu og sögðust ekkert ætla að
reyna að verja þetta,“ segir Anton.
Forstjóri VISA, Höskuldur H.
Ólafsson, segir að nú verði farið ít-
arlega yfir málið. „Við þurfum að
kanna málavöxtu og hvað fór úr-
skeiðis bæði hér heima og úti í Dan-
mörku,“ segir Höskuldur. „Þarna
hefur greinilega eitthvað farið veru-
lega mikið úrskeiðis og við þurfum
að fara í saumana á því. Við viljum
að sjálfsögðu að okkar korthafar fái
toppþjónustu og njóti fyllsta öryggis
og í langflestum tilfellum er það
þannig.“
Á batavegi
Á meðan Anton spjallaði við
blaðamann Morgunblaðsins í gær
hringdi heimasíminn hjá honum
stanslaust. „Ég er alveg búinn í
handleggnum, ég er bara með aðra
hendina í lagi núna.“
Anton axlar- og mjaðmagrind-
arbrotnaði í slysinu og lá í tvo sólar-
hringa sárkvalinn á hótelherbergi
áður en samstarfsaðili TM og VISA í
Danmörku, SOS VISA, byrjaði að
vinna í hans máli. Fyrirtækið sagði
svo ekki pláss í flugvél heim fyrir
Anton fyrr en eftir páska sem síðar
kom í ljós að stóðst ekki. Sam-
ferðamenn Antons enduðu á því að
flytja hann til München og segist
hann þakka fyrir að hafa ekki verið
einn á ferðalagi – það hafi þurft fíl-
hraust fólk í flutninginn.
Anton er nú kominn heim og ligg-
ur fyrir með „tærnar upp í loft“ að
láta sér batna.
Fékk góða þjónustu
Bergsteinn Gizurarson, fyrrver-
andi brunamálastjóri, hefur allt aðra
sögu en Anton að segja. Hann brotn-
aði illa á skíðum í Sviss fyrir nokkr-
um árum og fékk fyrirtaks þjónustu
hjá TM og VISA. Samstarfsaðili fyr-
irtækjanna í London sá um hans mál
af miklum myndarbrag. Á sjúkra-
húsi í Sviss voru settar í fótlegg hans
13 skrúfur og teinn og er Bergsteinn
svo gott sem nýr eftir aðgerðina.
„Þetta gat ekki verið betri þjón-
usta sem ég fékk,“ segir hann.
„Núna er ég 71 árs gamall og er aft-
ur farinn að skíða niður svörtu
brekkurnar.“
Mál Antons verður
skoðað ofan í kjölinn
Morgunblaðið/Emilía
Ítalía Skíðaferð Antons Bjarnasonar endaði með ósköpum er hann slasaðist
alvarlega og fékk ekki þá neyðarþjónustu sem hann átti rétt á.
Í HNOTSKURN
»Anton Bjarnason slasaðist al-varlega á skíðum á Ítalíu
þriðjudaginn fyrir páska.
»Hann var skoðaður á heilsu-gæslustöð í nágrenninu og á
myndum sem teknar voru var
ljóst að hann var axlar- og
mjaðmagrindarbrotinn.
»Anton telur neyðarþjónustuTM og VISA hafa brugðist og
ekki síst samstarfsaðila þeirra,
SOS VISA í Danmörku, sem
hann segir hafa dregið lappirnar
á meðan hann lá kvalinn á hóteli.
TVÖ umferðaróhöpp urðu á Gull-
inbrú í gær en bæði má rekja til
lélegs frágangs á farmi flutn-
ingabíla. Í því fyrra fauk timbur
af palli vörubíls og hafnaði á
fólksbíl sem skemmdist nokkuð.
Skömmu áður hafði timbur fokið
af vörubíl í Ártúnsbrekku en
grunur leikur á að um sama
vörubíl hafi verið að ræða. Í því
tilviki hlutust sömuleiðis af
skemmdir en timbrið lenti þar
einnig á fólksbíl. Í seinna óhapp-
inu á Gullinbrú kom vörubíll aft-
ur við sögu en á palli hans var
stuðari af bíl. Stuðarinn datt af
pallinum og á akbrautina og því
þurfti ökumaður bíls sem á eftir
kom að draga mjög skyndilega úr
hraðanum. Ökumaður bíls þar á
eftir náði ekki að bregðast við og
árekstur varð ekki umflúinn. Aft-
anákeyrslan var hörð og
skemmdust báðir bílarnir tals-
vert.
Timbur fauk
af flutningabíl
Morgunblaðið/Júlíus
Hætta Þessi farmur féll af vörubíl
sl. haust vegna lélegs frágangs.