Morgunblaðið - 04.04.2008, Blaðsíða 4

Í HNOTSKURN
»Skipulagsstofnun ákvað 4. október sl. aðbeita ekki valdheimild til að láta fara
fram sameiginlegt mat á umhverfisáhrifum
álvers í Helguvík og framkvæmdum í
tengslum við það.
»Landvernd kærði fyrrnefnda ákvörðunum að ekki yrði sameiginlegt umhverfis-
mat til umhverfisráðuneytisins 11. október
sl. Landvernd krafðist þess einnig að
ákvörðun Skipulagsstofnunar um mat á um-
hverfisáhrifum álvers í Helguvík yrði felld
úr gildi. Þeirri kröfu vísaði ráðuneytið frá.
Eftir Guðna Einarsson
gudni@mbl.is
ÞÓRUNN Sveinbjarnardóttir umhverfisráð-
herra gerði grein fyrir úrskurðinum vegna kæru
Landverndar í tengslum við ákvörðun Skipulags-
stofnunar, um umhverfismat á framkvæmdum
vegna álvers í Helguvík og tengdra fram-
kvæmda, á blaðamannafundi í gær.
„Niðurstaða málsins er að staðfesta ákvörðun
Skipulagsstofnunar. Við rannsókn málsins kom í
ljós að á fyrri hluta ársins 2006 var haft samráð
við framkvæmdaraðila og leyfisveitendur um
hvort ætti að fara í sameiginlegt mat tengdra
framkvæmda. Bréfaskipti sýna það. Hins vegar
fór það svo að það var ekki tilkynnt formlega fyrr
en í álitinu 4. október sl. Í raun lítum við svo á að
slíka ákvörðun þurfi að taka áður en matsáætlun
er samþykkt samkvæmt lögum um mat á um-
hverfisáhrifum. Skipulagsstofnun hefur breytt
verklagi sínu í ljósi þessa og eins og kemur fram í
úrskurðinum teljum við hér að um sé að ræða
ákveðinn formgalla á afgreiðslu Skipulagsstofn-
unar þó að hann geti kannski ekki talist veruleg-
ur,“ sagði Þórunn.
Þessi úrskurður útilokar ekki að aðrar mats-
skyldar framkvæmdir, sem tengjast álverinu í
Helguvík, geti þurft að fara í sameiginlegt um-
hverfismat, að sögn Þórunnar. Hún sagði að taka
beri afstöðu til þess í hvert sinn sem matsskyld
framkvæmd og frummatsskýrsla er lögð fram
hjá Skipulagsstofnun hvort meta eigi tengdar
framkvæmdir sameiginlega eða ekki.
Þá sagði Þórunn að náttúran og umhverfið
ættu ekki stjórnarskrárvarinn rétt og taldi miður
að sérstakur umhverfiskafli, sem margir hafi
beðið eftir, væri ekki kominn í stjórnarskrána.
Hún kvaðst vilja vinna að stjórnarskrárbreyt-
ingu á þessu kjörtímabili svo úr þessu yrði bætt.
Ekki tekin efnisleg afstaða
„Þetta er ekki sá úrskurður sem við hefðum
viljað sjá,“ sagði Bergur Sigurðsson, fram-
kvæmdastjóri Landverndar. „Við hörmum það
einnig að ekki skyldi vera tekin efnisleg afstaða
til kröfu okkar um ógildingu álits Skipulagsstofn-
unar, þrátt fyrir að fallist sé á að hin kærða
ákvörðun hafi verið fólgin í álitinu.“
Bergur benti á að í ákvörðun Skipulagsstofn-
unar sé gerður fyrirvari um umhverfisáhrif
tengdra framkvæmda vegna álvers í Helguvík.
Hann sagði að stofnunin hafi ekki heimild til að
setja fyrirvara af þessu tagi, hins vegar hafi hún
hafi heimild til að láta meta tengdar framkvæmd-
ir sameiginlega. Bergur taldi ákveðna hand-
vömm hafa verið í ferli Skipulagsstofnunar varð-
andi Helguvík, enda hafi stofnunin breytt
verklagi sínu síðan eins og sjáist í meðferð mála
varðandi fyrirhugað álver á Bakka við Húsavík.
Þar hafi verið tekin sérstök ákvörðun um að gera
ekki sameiginlegt mat á umhverfisáhrifum vegna
álvers og tengdra framkvæmda.
Eins og búist var við
„Þetta er eins og við áttum von á,“ sagði Ragn-
ar Guðmundsson, forstjóri Norðuráls, um úr-
skurð umhverfisráðuneytisins. „Það er búið að
vinna þetta mál í góðu samstarfi við Skipulags-
stofnun og aðrar stofnanir sem koma að málinu.
Það hefur verið farið eftir þeirra leiðbeiningum,
úrskurðurinn kemur okkur því ekki á óvart.“
Ragnar sagði að áfram væri unnið að undir-
búningi álversins og undirbúningsframkvæmdir
á lóðinni hafnar. Þær haldi áfram samkvæmt
áætlun.
Hið ljúfasta mál
„Ég tel þetta vera rétta niðurstöðu. Það eru ein
lög í landinu og við förum eftir þeim,“ sagði Árni
Sigfússon, bæjarstjóri í Reykjanesbæ. Hvað
varðar aðra framkvæmdaþætti tengda byggingu
álversins sagði Árni að farið yrði að lögum við
þau verkefni. Þegar er búið að ákveða að leið raf-
orkunnar frá tengivirkinu á Fitjum til Helguvík-
ur verði um jarðstreng. Um það er fullt sam-
komulag við Landsnet og sveitarfélögin.
Ákvarðanir um raforkuflutninga um Reykjanes-
ið, sem eru annað mál, muni fara eftir eðlilegum
leiðum. „Þetta er hið ljúfasta mál,“ sagði Árni.
Ákvörðun Skipulags-
stofnunar var staðfest
Landvernd harmar að
ekki var tekin efnisleg
afstaða til kröfu um ógild-
ingu álits um Helguvík
Ljósmynd/Jón Svavarsson
Umhverfisráðherra Þórunn Sveinbjarnardóttir greindi frá úrskurðinum.
Ragnar
Guðmundsson
Bergur
Sigurðsson
Árni
Sigfússon
4 FÖSTUDAGUR 4. APRÍL 2008 MORGUNBLAÐIÐ
FRÉTTIR
MENNIRNIR tveir sem fundust látnir í skothúsi á Auð-
kúluheiði á miðvikudagsmorgun hétu Einar Guðlaugsson
og Flosi Ólafsson. Einar var fæddur árið 1920, til heimilis
að Húnabraut 30 á Blönduósi. Hann lætur eftir sig eig-
inkonu og fjögur uppkomin börn.
Flosi var fæddur árið 1956, til heimilis að Jónsgeisla 1 í
Reykjavík. Hann lætur eftir sig sambýliskonu og tvo upp-
komna syni.
Loftræsting of lítil í skothúsinu
Samkvæmt upplýsingum frá lögreglunni á Akureyri,
sem fer með rannsókn málsins, er rannsóknin nánast kom-
in á lokapunkt. „Það er alveg ljóst að mennirnir dóu úr
þessari [kolsýrings]eitrun. Þeir voru með lítinn gasofn sem
notaður var til kyndingar. Hann eyddi súrefninu og gaf frá
sér eitraðar lofttegundir,“ sagði fulltrúi á rannsóknardeild
lögreglunnar og gat þess einnig að loftræsting hefði verið
ónóg.
Þegar gas brennur eyðir það súrefni í loftinu og jafn-
framt myndast eitraðar úrgangslofttegundir, s.s. kolsýr-
ingur og koltvísýra. Lofttegundirnar eru lyktarlausar og
erfitt fyrir fólk að átta sig á hvað er að gerast, en þær hafa
m.a. sljóvgandi áhrif og gera fólk dómgreindarlaust.
Slysinu svipar mjög til annars sem varð í veiðihúsi við
Veiðivötn í ágúst 2001. Þá létust þrír karlmenn og ein kona
úr kolsýringseitrun, sökum þess að gasljós brann yfir nótt
og eyddi öllu súrefni í húsinu. Allir gluggar voru lokaðir.
Mennirnir sem létust
 Rannsókn á láti tveggja refaskyttna sem fundust látnar í
skothúsi er nánast lokið  Lítill gasofn eyddi súrefninu
Morgunblaðið/Jón Sigurðsson
Myndin var tekin þegar Flosi Ólafsson og Einar Guð-
laugsson komu af refaveiðum í fyrravetur.
„HÉR hefur hvorki verið dansaður einka-
dans né sýnd nekt í að verða ár,“ segir
Davíð Steingrímsson, eigandi veitinga-
hússins Vegas við Laugaveg. Í Morgun-
blaðinu á miðvikudag kom fram að lög-
reglustjórinn á höfuðborgarsvæðinu væri
enn ekki búinn að afgreiða umsóknir um
undanþágur þriggja veitingahúsa frá
banni við nektarsýningum sem fest var í
lög á síðasta ári. Staðirnir starfa því á
bráðabirgðaleyfi og er Vegas einn þeirra.
„Ég fór eftir þessu banni,“ segir Davíð.
„Það er ekki farið úr fötunum hjá mér. Við
erum búin að breyta ímynd staðarins og
höfum í kjölfarið fengið miklu betri við-
skipti og betri kúnna.“
Á staðnum starfa nú 5-6 stúlkur. Þær
eru allar útlendar. Davíð segir þær koma
hingað á eigin vegum en ekki í gegnum
umboðsmenn. „Þetta eru bara flott klædd-
ar stelpur en hjá okkur gengur þetta út á
að selja áfengi. En svo er svona svæði
þarna, en þar fara þær ekki úr fötunum.“
– Ekki úr neinum fötum?
„Jú, en ekki úr að ofan, þær dansa þar
inni en fara hvorki úr brjóstahaldara né
nærbuxum. Það er engin nekt sýnd og
engin snerting leyfð.“
Sækjast eftir spjalli og rólegheitum
Davíð segir gömlu kúnnana flesta hafa
brugðist vel við en aðrir hafi hætt að koma
og leitað annað.
„Ég er aðallega að fá kúnna sem eru að
sækjast eftir spjalli og rólegheitum. Ég er
mjög sáttur og stoltur af því. Ég er mjög á
móti því eins og þetta var hérna fyrir
nokkrum árum. Þannig að þessi þróun er
mjög góð.“
Spurður hvers vegna Vegas sé þá að
sækja um undanþágu til nektarsýninga
segir Davíð: „Ég ætla algjörlega að halda
þessu áfram svona. Það er rétt að við sótt-
um um undanþágu en það er til að fá heim-
ild til að halda staðnum áfram eins og
hann er í dag.“
– Þannig að fengjuð þið undanþágu
mynduð þið halda núverandi stefnu
áfram?
„Já. Kannski í versta falli myndu [stúlk-
urnar] vera topplausar. En ekki á svið-
inu.“
Spjallað í föt-
um á Vegas
Morgunblaðið/Ómar
Engin nekt Eigandi Vegas segir engan
nektardans hafa verið dansaðan í ár.