Morgunblaðið - 19.04.2008, Page 8

8 LAUGARDAGUR 19. APRÍL 2008 MORGUNBLAÐIÐ
FRÉTTIR
BORGARRÁÐ hefur samþykkt
samning Reykjavíkurborgar og
Íþróttafélags Reykjavíkur (ÍR) um
uppbyggingu íþróttamannvirkja í
Suður-Mjódd.
Þá var samþykkt tillaga borg-
arstjóra um mikilvægi þess að
tryggja gönguleið við Suður-Mjódd
sem fyrst til að auðvelda öruggt að-
gengi barna og annarra vegfar-
enda í tengslum við uppbyggingu
íþróttamannvirkja og íbúða á svæð-
inu.
Í samningnum er gert ráð fyrir
að Reykjavíkurborg verji allt að
1.550 mkr. til uppbyggingar
íþróttahúss ÍR auk tengibygginga á
svæði félagsins í Suður-Mjódd á
næstu fimm árum, 2008-2012, þar
af 150 mkr. á árinu 2008.
Tillaga að deiliskipulagi fyrir
svæðið er þegar komin í auglýsingu
og má sjá hana á heimasíðu Reykja-
víkurborgar, www.reykjavik.is.
Íþróttamann-
virki í
Suður-Mjódd
samþykkt
FRAMVEGIS verða VISA-kort-
hafar sem þurfa að fá endurútgefið
PIN-númer að greiða 500 kr. fyrir
nýtt númer fái þeir nýja númerið
útgefið hjá Valitor.
Að sögn Höskuldar H. Ólafs-
sonar, forstjóra Valitor, geta VISA-
korthafar eftir sem áður fengið
endurútgefið PIN-númer sér að
kostnaðarlausu í gegnum heima-
banka sinn. Segir hann þessa gjald-
töku vera í samræmi við þá stefnu
fyrirtækisins að greitt sé fyrir frá-
vikaþjónustu, enda þurfi sumir
aldrei að óska eftir endurútgefnu
PIN-númeri.
Hjá MasterCard fengust þær
upplýsingar að ekki væri innheimt
sérlega fyrir endurútgefin PIN-
númer og slíkt stæði ekki til.
Endurútgefið
PIN-númer
á 500 kr.
BRYNJÚLFUR Brynjólfsson hjá
Fuglaathugunarstöð Suðaust-
urlands segir farfuglana í ár
heldur seinna á ferðinni en venju-
lega.
Skógarþrestir koma t.d. yfir-
leitt seinni hluta mars, en birtust
í ár ekki fyrr en í apríl, en slíkt
gerist alltaf annað slagið, að sögn
Brynjúlfs.
Brynjúlfur hefur unnið að
merkingum skógarþrasta, og seg-
ir þá feita og fína við komuna til
landsins, og ekkert sem bendi til
að þeir hafi lent í vandræðum á
ferð sinni yfir Atlantshafið.
Fyrstu spóarnir sáust á mið-
vikudag, þrír í Óslandi á Höfn og
um 30 fuglar við Eyrarbakka. Þá
hefur verið mjög mikið gæsaflug
yfir Höfn, 100 til 500 fuglar í
hverjum hópi, og þá grágæsir,
heiðagæsir og helsingjar.
Fuglarnir
flykkjast til
landsins
Morgunblaðið/Árni Sæberg
Eftir Örlyg Stein Sigurjónsson
orsi@mbl.is
NICK Watson, prófessor í fötlunar-
fræðum við Glasgowháskóla, segir að
vestræn samfélög hafi á liðnum árum
vaknað til vitundar um það að ákveð-
in aðskilnaðarhugsun hefur verið við
lýði sem beinist gegn fötluðum. Wat-
son hélt í gær erindi á ráðstefnunni
Fötlun, sjálf og samfélag á vegum
Félags um fötlunarrannsóknir og
Rannsóknaseturs í fötlunarfræðum
við félagsvísindadeild HÍ.
Watson segir aðskilnaðarhugs-
unina endurspeglast í skipulagi sam-
félaga, með t.d. óboðlegu aðgengi
fyrir fatlaða í byggingum og sömu-
leiðis eru upplýsingar af ýmsu tagi
óaðgengilegar vissum hópum fólks
sem geta ekki nýtt sér upplýsing-
arnar án túlka- og táknmálsþjónustu
eða geta ekki lesið ritaðan texta
nema með stóru letri og þannig
mætti áfram telja.
„Við útilokum fatlað fólk og viljum
ekki að það taki þátt í samfélaginu,
vegna þess að við erum smeyk við
það,“ bendir hann á.
„En fatlað fólk lifir einfaldlega
venjulegu lífi eins og aðrir. Það vakn-
ar á morgnana til að sinna því sem er
á dagskrá hverju sinni og fer í rúmið
á kvöldin. Þetta gerir þorri fólks. En
sú mynd sem við fáum af fötluðu
fólki er öfgakennd, annaðhvort er því
stillt upp sem hugrökkum fórn-
arlömbum fötlunar sem fótalaust
sigrast á hæsta fjalli heims, nú eða
þá að við sjáum hina fötluðu sem
eymdina uppmálaða og líf þeirra sem
einn harmleik. En rétt eins og ófatl-
aðir, lifa fatlaðir venjulegu lífi. Það
virðist samt sem fjölmiðlar hafi
miklu meiri áhuga á fötluðu fólki í
öfgahlutverkum, á hvorum endanum
sem vera skal. En skilaboð mín eru
þau að við förum nú að sýna fram á
að líf fatlaðs fólks er venjulegt.
Allir eru fatlaðir á einn hátt eða
annan, það hafa allir sinn kross að
bera.“
Watson telur að ekki eigi að þurfa
mannsaldur til að breyta hug-
arfarinu og tilgreinir að í Bretlandi
hafi ýmislegt verið gert með laga-
setningum til að brjóta niður aðskiln-
aðarstefnuna. „Hlutirnir hafa batnað
heilmikið en betur má ef duga skal.
Nú þurfum við að halda áfram á
þessari braut. Sá dagur þyrfti að
koma að enginn reki upp stór augu
þótt fatlaðir fari með venjulegt hlut-
verk í sápuóperum. Alltaf þegar við
sjáum einhvern fatlaðan í sápuóper-
um, þá er eitthvað öfgakennd í fari
viðkomandi. Þetta er t.d. nágranninn
sem hryggbrotnar á mánudegi en
sigrast á öllu saman fyrir kraftaverk
og hleypur maraþon viku síðar.Við
þurfum að sjá fatlað fólk sem venju-
legt fólk.
Málið snýst þó ekki eingöngu um
viðurkenningu á því að hinir fötluðu
séu venjulegir, því hafa verður í huga
að sum störf eru of erfið fyrir suma
og því verðum við að tryggja að vel-
ferðarríkið hugi að þörfum þeirra.
Ennfremur þurfum við að huga að
því að þau kerfi sem eru hönnuð til
að mæta þörfum fatlaðra einangri þá
ekki frá meginstraumum samfélags-
ins og lífsins í heild. Sérskólar og
sérbýli eru ekki til þess fallin að
skapa skilyrði fyrir venjulegri sam-
félagsþátttöku fatlaðra.
Það þarf sífellt að ráðfæra sig við
hina fötluðu og átta sig á hvað þeir
vilja og vinna með þeim. Um leið og
farið er að gera alla hluti „fyrir“ fólk
er dreginn úr því mátturinn.“
Fatlaðir sem undarlegir
Á ráðstefnunni fjallaði Rannveig
Traustadóttir prófessor og formaður
Félags um fötlunarrannsóknir um
ljósmyndasýningu hins heimsþekkta
ljósmyndara Mary Ellen Mark í
Þjóðminjahúsinu fyrir skemmstu.
Sýningin hét Undrabörnin og sýndi
fötluð börn í Öskjuhlíðarskóla, Lyng-
ási og Safamýrarskóla og fékk góða
dóma á sínum tíma. Rannveig gagn-
rýndi hins vegar meginhugsun ljós-
myndarans og taldi sýninguna end-
urreisa og ítreka hefðbundnar
skoðanir fólks á því að fatlaðir væru
þjónustuþegar, sér á parti og und-
arlegir. Hlaut skoðunin hljómgrunn
meðal ráðstefnugesta þótt ekki væru
allir sammála greiningunni.
„Fatlað fólk lifir einfaldlega
venjulegu lífi eins og aðrir“
Morgunblaðið/Frikki
Nick Watson „Þurfum við að huga að því að kerfi sem eru hönnuð til að
mæta þörfum fatlaðra einangri þá ekki frá meginstraumum samfélagsins.“
Fatlaðir oftast í
öfgahlutverkum
sem gefur ranga
mynd af þeim
Í HNOTSKURN
» Markmið Félags um fötl-unarrannsóknir er að efla
rannsóknir og þróunarstarf í
málefnum fatlaðra á Íslandi með
því að skapa vettvang fyrir
fræðilega og faglega umræðu
um rannsóknir og þróunarstarf,
efla þekkingu á rannsóknum og
þróunarstarfi.
» Félagið beitir sér m.a. fyrirútgáfu á fræðilegu efni um
málefni fatlaðs fólks og stuðlar
að aukinni þekkingu og færni á
sviði fötlunarrannsókna.