Morgunblaðið - 29.05.2008, Blaðsíða 19

MORGUNBLAÐIÐ FIMMTUDAGUR 29. MAÍ 2008 19
Virðing
Réttlæti
Þeir sem fá greidd laun skv. kjarasamningi VR
og SA eiga rétt á orlofsuppbót að upphæð
18.400 kr. miðað við fullt starf, annars miðað
við starfstíma og starfshlutfall á orlofsárinu.
Félagsmenn sem starfa samkvæmt samningi
VR og FÍS fá nú einnig greidda orlofsuppbót
sem nemur 18.400 kr. en fá greitt hlutfalls-
lega fyrir tímabilið 1. janúar –30. apríl 2008,
þar sem þeir hafa þegar fengið hluta af
orlofsuppbótargreiðslu með síðustu
desemberuppbót.
Orlofsuppbótina á að greiða við upphaf
orlofstöku og í síðasta lagi 1. júní.
Nánar á www.vr.is
Hefurðu fengið orlofsuppbótina greidda?
Gleðilegt sumar!
F
í
t
o
n
/
S
Í
A
VR | KRINGLUNNI 7 | 103 REYKJAVÍK | S. 510 1700 | F. 510 1717 | WWW.VR.IS
HJÁ Jónasi Viðar á Akureyri sýna
nú systurnar Ingileif og Áslaug
Thorlacius.
Ingileif Thorlacius sýnir óhlut-
bundnar vatnslitamyndir sem
byggjast á markvissri stjórnun á til-
viljanakenndu litaflæði, eðliseig-
inleikar litar og pappírs skapa verk-
in undir öruggri handleiðslu
listakonunnar. Myndirnar eru ekki
sérlega frumlegar, til þess standa
þær of nálægt td. feikisterkum
myndverkum Bernd Koberling sem
sýnt hefur þó nokkuð hér á landi á
síðustu árum. Einnig má hugsa til
vatnslitaverka Margrétar Blöndal,
og yfirhöfuð til þeirrar löngu hefðar
sem skapast hefur í vinnu með flæði
lita. Myndir Ingileifar eru þó ágæt-
lega unnar og sannfærandi sem slík-
ar, en bæta ekki miklu við það sem
sést hefur áður.
Áslaug sýnir hér myndir af Esj-
unni, að hluta til kannski undir áhrif-
um frá hefðbundinni kínverskri
landslagslist. Hér lætur Áslaug lit-
inn leka og skapa tauma sem aftur
mynda línur í fjallinu. Kallast þannig
á í verkum þeirra systra sú aðferð að
láta litinn sjálfan að hluta til ráða
ferðinni.
Málverkin tvö af Esjunni sem eru
stærstu verkin á sýningunni eru um
leið hennar veikasti hlekkur, þau eru
síður gædd því lífi sem er að finna í
lífrænum formum og litamynstri
annarra verka.
Heildarmyndin er því nokkuð
brokkgeng á ekki stærri sýningu en
þetta. Yfir flestum verkanna er þó
léttleiki og leikur með efni og liti
sem gefur tilraunakenndan blæ við
hæfi.
Morgunblaðið/Skapti Hallgrímsson
List Mynd úr Gallerí Jónasar Viðar, frá sýningu Thorlaciussystra, vatns-
litamynd eftir Ingileif (t.v.) og olíumynd eftir Áslaugu.
Litir, pappír og fjöll
MYNDLIST
Gallerí Jónas Viðar
Til 6. júní. Opið fös. og lau.
frá kl. 13–18. Aðgangur ókeypis.
Áslaug Thorlacius og Ingileif Thorlacius
bbnnn
Ragna Sigurðardóttir
una enda eldgömul heimspekileg hefð að samsama kon-
ur náttúrunni. Verk Ólafar má vissulega sjá í því ljósi
um leið og áherslan á lífsverkið sjálft er ekki undirokað
hugmyndinni um dauðann sem þau endanlegu endalok
sem allt líf stefnir að.
Málverkin og teikningarnar virðast vísa til mjög við-
tekinna hugmynda samtímans um „eyðingu, frjósemi og
endurnýjun lífsins“. Það er eins og það vanti einhvern
herslumun bæði hvað varðar hugmyndina um viðfangs-
efnið og útfærsluna til að verkin nái áhugaverðri sam-
ræðu við samtímann. Í þeim leynast þó mjög áhuga-
verðir myndrænir sprotar sem gætu blómstrað við rétt
skilyrði.“
SÝNING Ólafar Oddgeirsdóttur bæjarlistamanns Mos-
fellsbæjar 2007 í Listasal bæjarins inniheldur olíu-
málverk og blýantsteikningar þar sem viðfangsefnið er
samspil manns og náttúru. Ólöf túlkar þetta samspil
með því að vísa annars vegar í manngerð útsaums- og
vefnaðarmynstur sem eiga fyrirmyndir í náttúrunni og
hins vegar þau „lífrænu form náttúrunnar, trjágreinar,
æðar, frjó og aldin sem háð eru reglum og mynstri til
viðhalds og þroska.“
Í mörgum verkanna má sjá vísanir í reitaðan útsaum
þar sem samhverfir fuglar egg og blóm leika stórt hlut-
verk og munstrið minnir á veggfóður. Hin lífrænu form
eru oftast sveigð í samskonar samhverf munstur en þar
taka jurtamyndirnar og jafnvel reitaskiptingin sjálf á
sig líkindi innviða hins holdlega líkama og æxlunarfæra
hans.
Ekki er laust við að þessi útfærsla minni á stíl og
hugmyndafræði Art Nouveau-stefnunnar sem var áber-
andi á heimsvísu í byrjun síðustu aldar. Breytt viðhorf
okkar til náttúrunnar gefa þeim þó allt annað inntak
því við upplifum náttúruna ekki á sama hátt og þá.
Hinn upphafni óhugnaður, hvatvísi og óreiða sem
Baudelaire eignaði náttúrunni (og konunni) er hér fag-
urgerður í regluverk sem vísar í regluverk hennar
sjálfrar með allt öðrum skírskotunum en fyrir hundrað
árum.
Eitt af verkefnum kvennabaráttunnar hefur verið að
endurskilgreina hugmyndir okkar og tengsl við náttúr-
Frjósemi og endurnýjun lífsins
Lífræn form „Ekki er laust við að þessi útfærsla minni á
stíl og hugmyndafræði Art Nouveau stefnunnar,“ segir
meðal annars í dómi.
MYNDLIST
Listasalur Mosfellsbæjar
Sýningin stendur til 5. júlí. Opið virka daga kl. 12-19 og laug-
ardaga kl. 12-15
Ólöf Oddgeirsdóttir – Vefir – málverk/teikningar bbbmn
Þóra Þórisdóttir
EKKI er hægt að segja
annað en að veggir Reykja-
vík Art Gallery á Skúlagötu
28 iði af lífi um þessar
mundir. Þar sýnir Ómar
Stefánsson hátt á fjórða tug
málverka. Ríkulegur fant-
asíu- og frásagnarheimur
Ómars er spunninn úr alls
kyns táknum og tilvísunum
í mannkynssöguna, lista-
söguna, trúarbrögð, goð-
sagnir og myndasögur – oft
á ádeilukenndan og gró-
teskan hátt. Myndbygging
verkanna einkennist af
tjáningarríkri hreyfingu,
hröðum dráttum og laus-
lega afmörkuðum formum.
Myndirnar hafa margar
hverjar yfir sér kómískan
heimsendablæ, svo sem hin
velheppnaða Fjöldasjálfsmorð í frí-
höfninni sem nýtur sín ágætlega á
sérvegg. Þar skapar listamaðurinn
dýpt með byggingarfræðilegum þátt-
um líkt og í verkum nr. 8 og 9 þar
sem ógnvekjandi heimurinn, í fortíð
og nútíð, virðist á hverfandi hveli. Í
þessum verkum sjást áhrif frá
þýskum listamönnum sem kenndir
eru við ný-expressjónisma. Í öðrum
verkum er myndrýmið grynnra, svo
sem í verki nr. 7 þar sem ormlaga
skrímsli engjast um myndflötinn
líkt og í ýmsum öðrum verkum Óm-
ars, en þau leiða hugann að sumum
myndum Errós.
Röð grafíkverka er unnin í sam-
starfi við Bjarna Þórarinsson og
Guðmund Odd Magnússon. Þar
sést jafnvægi í myndhugsun sem
fer furðu vel saman við „villt“
vinnubrögð Ómars. Í þrykkmynd-
unum er þeim teflt gegn sam-
hverfum vísiblómum Bjarna í
lukkulegri harmóníu þegar best
lætur. Þá er litameðferðin skarpari
en í málverkunum.
Í verki nr. 33, Vinnuborð, eins
konar sjónrænu gnægtaborði, ber
minna á sviðsetningu en í öðrum
verkum. Það hefur myndast á
löngum tíma og er þar að finna ótal-
mörg smáatriði sem tengjast
„fundnum hlutum“, samklippi eða
collage, myndasögum, kúbisma,
súrrealisma, popplist og vís-
indaskáldskap. Verkið þyrfti þó á
meira rými að halda til að njóta sín
sem skyldi. Raunar á þetta við um
flest verk sýningarinnar, sökum
þess expressjóníska sprengikrafts
sem einkennir þau. Hinn mikli
fjöldi verka dregur úr áhrifamætti
einstakra verka sem og sýning-
arinnar í heild.
Gnægtaborð
MYNDLIST
Reykjavík Art Gallery
Til 8. júní 2008. Opið þri.-su. kl. 14-20.
Ókeypis aðgangur.
Ómar Stefánsson
Anna Jóa
Morgunblaðið/Golli
Sprengikraftur „Ríkulegur fantasíu- og frá-
sagnarheimur Ómars er spunninn úr alls
kyns táknum og tilvísunum“.
ÓREIÐA í lífinu birtist áhorfendum
á ýmsan hátt á ljósmyndasýningu
Stígs Steinþórssonar „Óreiða“ í gall-
eríi Fótógrafí á Skólavörðustíg. Hún
sést t.d. í eyðandi áhrifum tímans í
myndum af molnandi og sprungnum
húsvegg, máðri málningu eða ryðg-
uðu bárujárni. Hana má einnig
greina í kaotískum vinnubrögðum
listamanns á vinnustofu í röð ljós-
mynda af útslettum vaski sem verð-
ur með tímanum æ umluktari máln-
ingarslettum og ýmsu dóti. Er listin
þá óreiða?
Í ljósmyndum Stígs birtist listin
sem tæki til að ná utan um óreiðuna;
myndgera hana, skilgreina og setja í
skipulagt kerfi. Þetta endurspeglast
einna skýrast í ljósmyndum af safni
gamalla, fallegra smáhluta – sem
eru eins og minnisvarðar eða brot úr
óljósri, óreiðukenndri fortíð. Skipu-
lagið birtist í því hvernig hlutunum
er stillt upp til ljósmyndunar og á
einni myndinni er mununum raðað
til sýnis í eins konar borðskúffu.
Úrvinnsla Stígs úr óreiðuhugtak-
inu er á léttum nótum; hér er um að
ræða sjónrænt grípandi myndir með
frásagnarlegu ívafi.
Myndræn óreiða
Á léttum nótum Grípandi myndir með frásagnarlegu ívafi. Anna Jóa
MYNDLIST
Fótógrafí
Til 6. júní 2008. Opið 12-18 virka daga
og 10-16 um helgar. Aðgangur ókeypis.
Óreiða – Stígur Steinþórsson