Morgunblaðið - 29.05.2008, Blaðsíða 6

6 FIMMTUDAGUR 29. MAÍ 2008 MORGUNBLAÐIÐ
FRÉTTIR
É
g er enn með hugann fyr-
ir austan. Í síðustu viku
var það Listahátíð, núna
er það veðrið sem gefur
fyrirheit um góða sum-
ardaga. Þótt ýtrustu hitaspár hafi
ekki gengið eftir og hitametin standi
enn, hefur veðrið á Norður- og Aust-
urlandi verið hreint dásamlegt. Þetta
er kærkomin byrjun á sumrinu eftir
nokkuð snjóþungan vetur. Íbúar
flykkjast út úr húsum sínum og hlúa
að sínu nánasta umhverfi. Það er líf-
legt um að litast í bæjunum. Blíðan
gefur góð fyrirheit um það sem koma
skal í sumar. Á slíkum dögum er erfitt
að gera sér í hugarlund annað, en að
viðfangsefni sumarsins eigi sér öll
stað í góðu veðri. Rigning og suddi er
víðsfjarrri.
Upp í hugann koma tónlistar- og
bæjarhátíðir af ýmsum toga vítt og
breitt um landið. Hátíðir sem víða eru
orðnar samofnar sumrinu. Menn
keppast við að snyrta og fegra bæina
og koma þeim í sparifötin áður en
gesti ber að garði. Allt sumarið er
undirlagt af viðburðum sem undir-
strika fjölbreytileika mannlífsins. Af
nógu er að taka. Sem dæmi má nefna
Djasshátíð á Egilsstöðum, dauða-
rokkshátíðina Eistnaflug í Neskaup-
stað, Bræðslutónleika á Borgarfirði
eystri, Blúshátíð á Ólafsfirði, tónleika-
röð Bláu kirkjunnar á Seyðisfirði,
LungA listahátíð ungs fólks á Austur-
landi, Franska daga á Fáskrúðsfirði,
Káta daga á Þórshöfn, Vopnaskak á
Vopnafirði, Síldarævintýrið á Siglu-
firði, Hammond hátíð á Djúpavogi,
Fiskidaginn mikla á Dalvík og Orms-
teiti á Héraði. Allir ættu að geta fund-
ið eitthvað við sitt hæfi. Sólríkir dagar
í upphafi sumars gefa tilefni til bjart-
sýni. Það má svo sannarlega horfa
björtum augum fram á veginn. Enda
margt spennandi framundan. Í Norð-
urþingi keppast menn við að undirbúa
sem best komu álvers. Með afleiddum
störfum mun álver auka til muna fjöl-
breytni í atvinnulífinu. Íbúar í Fjalla-
byggð munu brátt njóta þess að aka
um ný jarðgöng. Héðinsfjarðargöng
hafa svo sannarlega breytt aðstæðum
margra og auðvelda sameiningarferli
hins nýja sveitarfélags. Það vekur
okkur til umhugsunar um að horfa
fram á veginn og stefna ótrauð á frek-
ari jarðgangagerð og bættar sam-
göngur um land allt. Margir horfa
með bjartsýni til nýrra jarðganga til
Norðfjarðar og jarðganga um Vaðla-
heiði. Vegabætur á Öxi, nýr Dettifoss-
vegur, vegur um Vesturárdal til
Vopnafjarðar og Hólaskarðsleið til
Raufarhafnar og Þórshafnar. Allt eru
þetta kærkomnar vegabætur. Aldrei
verður sú vísa of oft kveðin að besta
leiðin til að styrkja byggðir um landið
er að efla innviðina. Með bættum sam-
göngum má nýta mun betur þá þjón-
ustu sem fyrir er og styrkja stoðirnar.
Jósef Niderberger lætur misgóðar
samgöngur ekki aftra sér og er mætt-
ur til Þórshafnar í 25. sinn. Svissneski
ferðalangurinn er ungur í anda, þrátt
fyrir sín 75 ár og mætti að eigin sögn
með sól í farteskinu handa íbúum
Langanesbyggðar. Jákvæðni gestsins
á Langanesi minnir okkur á, að þrátt
fyrir töluverða ólgu í efnahagsmálum
og nýjar hæðir í verðbólgutölum er
það svo að bjartsýni og jákvæðni ein-
kennir jafnan okkur Íslendinga. Ein-
hvern veginn er allt hægt á íslensku
sumri, þó það sé stutt í báða enda.
Bjartar sumarnætur, miðnætursólin,
lognið og fuglasöngurinn. Hvað er
hægt að biðja um meira?
Sumarsólin
» Jákvæðni gestsins áLanganesi minnir okk-
ur á, að þrátt fyrir tölu-
verða ólgu í efnahags-
málum og nýjar hæðir í
verðbólgutölum er það svo
að bjartsýni og jákvæðni
einkennir jafnan okkur
Íslendinga.
PISTILL
Ólöf
Nordal
Hljóðpistlar Morgunblaðsins,
Ólöf Nordal les pistilinn
HLJÓÐVARP mbl.is
Eftir Guðna Einarsson
gudni@mbl.is
GISSUR Ó. Erlingsson, löggiltur
dómtúlkur og skjalaþýðandi, á 80
ára stúdentsafmæli í ár. Próf-
skírteinið hans frá Mennta-
skólanum í Reykjavík (MR) er dag-
sett 30. júní 1928. Með Gissuri
útskrifuðust 35 piltar og þrjár
stúlkur. Einn piltur bættist svo í
stúdentahópinn um haustið. Gissur
er einn eftirlifandi úr hópnum frá
1928 og elstur núlifandi stúdenta
frá MR. Hann kveðst eiga ljúfar
minningar frá námsárunum og eins
frá fjölmörgum stúdentsafmælum í
áranna rás. Á menntaskólaárunum
bundust mörg persónuleg vinabönd
sem entust ævilangt.
Gissur var 13 ára þegar hann hóf
nám í 1. bekk MR fyrir 86 árum.
„Ég var afskaplega fátækur pilt-
ur og oft illa til fara því maður
þurfti að ösla blauta Vatnsmýrina
og oft blautar götur til að komast í
skólann,“ sagði Gissur. Hann bjó í
foreldrahúsum á Haukalandi, smá-
býli sem faðir hans byggði 1918.
Haukaland stóð við Öskjuhlíð-
artaglið á svipuðum slóðum og Hót-
el Loftleiðir eru nú. Leiðin yfir
þúfnakollana í eyðilegri Vatnsmýr-
inni og upp á Laufásveginn varð því
menntavegur Gissurar á námsárum
í menntaskólanum.
„Þegar maður gekk Laufásveg-
inn norður mættu manni fyrst á
vinstri hönd Aldamótagarðarnir
sem lágu neðan vegar frá Kenn-
araskólanum og langleiðina að Pól-
unum. Við endann á þeim var safn-
hús og þangað var keyrt því sem
kom úr kömrum bæjarbúa. Ef mað-
ur var seint á ferð á kvöldin átti
maður von á að mæta „súkku-
laðivagni“. Það var ekki alltaf
daungott úr safnhúsinu. Þegar
þannig blés var ekki alltof lykt-
argott í Kennaraskólanum. Ég
gekk öll mín barnaskólaár, nema
eitt, í barnadeild Kennaraskólans.“
Í gagnfræðadeild MR voru tvær
deildir og námsefni það sama í báð-
um. Gissur segir að á þessum árum
hafi stjórnvöld litið skólasetur
hornauga. Því hafi verið settur
þröskuldur við gagnfræðapróf upp
úr 3. bekk til að sporna við „ótíma-
bærri fjölgun menntamanna“ eins
og það var orðað. Nemendur þurftu
5,67 í einkunn til að komast í 4.
bekk, eða hinn eiginlega mennta-
skóla. Hann skiptist í máladeild og
stærðfræðideild. Gissur náði upp
og settist í máladeild. Stærðfræðin
þvældist fyrir honum í 5. bekk og
lauk Gissur skólagöngunni með því
að lesa 5. og 6. bekk saman utan-
skóla. Eftir stúdentsprófið skráði
hann sig í Háskóla Íslands.
„Ég byrjaði í læknadeild en
guggnaði – held ég hafi verið hald-
inn mikilli námsþreytu á þessum ár-
um og las mjög lítið. Ég taldi að
læknastéttin yrði engu bættari þótt
ég bættist í hana,“ sagði Gissur.
Hann kvæntist og fór að „hrúga
niður börnum“ eins og hann orðar
það. Orðinn ábyrgur fjölskyldufað-
ir stórrar fjölskyldu kveðst Gissur
hafa axlað sín skinn og farið í Loft-
skeytaskólann sem hann lauk með
glans 1941. Hann fór til sjós sem
loftskeytamaður og sigldi á stríðs-
árunum. Það var einmitt í löngum
Ameríkusiglingum sem hann þýddi
fyrstu bókina, Lykla himnaríkis eft-
ir Cronin. Síðar varð Gissur stöðv-
arstjóri hjá Ríkisútvarpinu og Pósti
og síma víða um land.
Eftir að Gissur fór á eftirlaun 68
ára hóf hann að þýða bækur af
krafti. Hann þýðir aðallega úr
ensku og norrænum málum en
einnig svolítið úr þýsku og frönsku.
Bókaþýðingar hans eru nú komnar
hátt á annað hundraðið. Gissur
vinnur nú að endurskoðun gam-
allar þýðingar Náttúrulæknis heim-
ilanna og þýðir nýjar viðbætur við
verkið, 99 ára gamall.
Gissur Ó. Erlingsson fagnar 80 ára stúdentsafmæli
Menntavegurinn í MR
lá um Vatnsmýrina
Ljósmynd/MR
40 ár Árgangur Gissurar gaf MR styttuna af Pallas Aþenu í tilefni af 40 ára
stúdentsafmælinu árið 1968. Á myndinni eru nokkrir úr árganginum. F.v.:
Hjörtur Halldórsson, Sverrir Kristjánsson, Ólafur Hansson, Engilbert Guð-
mundssson, Sigurður Ólason, Ágúst Sigurðsson og Gissur Ó. Erlingsson.
Morgunblaðið/Golli
80 ár Gissur kveðst eiga góðar
minningar frá menntaskólaárunum.
Í HNOTSKURN
»Gissur Ó. Erlingsson byrjaði íMenntaskólanum í Reykjavík
fyrir 86 árum og lauk stúdents-
prófi fyrir 80 árum.
» Í stúdentsárganginum 1928voru 39 stúdentar, þar af
þrjár stúlkur og 36 piltar. Gissur
er einn á lífi úr þeim hópi.
»Gissur ætlar að vera viðskólaslit MR á morgun og
ávarpa nýstúdenta og aðra gesti.
MÁLI yfirlæknis réttargeðdeildar-
innar á Sogni verður vísað til lög-
reglu, að því er Matthías Halldórs-
son aðstoðarlandlæknir segir.
„Þarna er maður sem er að sækja lyf
fyrir aðra en þá sem þau eru skrifuð
á, og án þeirra vitneskju. Þá er málið
orðið ansi alvarlegt. Málið í heild
sinni verður því sent lögreglu til
rannsóknar.“
Líkt og komið hefur fram varð
Magnús Skúlason, yfirlæknir á
Sogni, uppvís að svikum sem fólu í
sér að hann fékk aðra lækna til að
skrifa upp á mikið magn amfetamíns
og rítalíns. Talið er að á annað þús-
und töflur hafi verið fengnar með
þessum hætti. Magnús átti sér vit-
orðsmann sem sótti lyfin fyrir hann í
lyfjaverslanir. Hann hefur starfað á
Litla-Hrauni en var sagt þar upp
störfum fyrir um ári.
Í framhaldi af því að upp komst
um athæfið var Magnúsi sagt upp
störfum. Því starfar nú aðeins einn
geðlæknir á Sogni, hollenskur geð-
læknir að nafni John Donne de Niet.
Hann starfar bæði í fangelsinu á
Litla-Hrauni og á réttargeðdeild-
inni.
Breyttar áherslur með
nýjum starfsmönnum
Líkt og fram kom í Morgun-
blaðinu í gær var auglýst eftir geð-
lækni á réttargeðdeildina fyrir
nokkru en umsóknir hafa látið á sér
standa. Matthías segir útlit fyrir að
það sé að leysast, enda meiri þrýst-
ingur eftir að upp komst um málið.
Spurður hvort fleiri þættir séu til
rannsóknar, s.s. aðbúnaður sjúk-
linga, segir Matthías að ekki sé
ástæða til þess. Deildin hafi verið
heimsótt fyrir nokkrum mánuðum
og aðbúnaður sjúklinga nokkuð góð-
ur og herbergin fín. „En það mætti
vera meiri virkni þarna, t.d. með
meiri iðjuþjálfun og meiri meðferð,“
segir Matthías en tekur fram að með
nýjum mönnum komi nýjar áherslur
og t.a.m. hafi nýlega verið ráðinn
iðjuþjálfi.
Fram kom í fréttum RÚV í gær að
Rannveig Gunnarsdóttir, forstjóri
Lyfjastofnunar, segði að fyrir tveim-
ur mánuðum hefði Landlæknisemb-
ættinu verið bent munnlega á að
Magnús virtist vera viðriðinn útgáfu
lyfseðla á ávanabindandi lyf.
Mál yfirlæknis í
lögreglurannsókn
Málið sagt mjög alvarlegt