Morgunblaðið - 29.05.2008, Blaðsíða 8

8 FIMMTUDAGUR 29. MAÍ 2008 MORGUNBLAÐIÐ
FRÉTTIR
ICELANDAIR hefur tekið í notkun
þriðju Boeing 757-þotu sína eftir
gagngerar breytingar á innrétt-
ingum hennar og tæknibúnaði fyrir
farþega, en stefnt er að því að öll-
um flugvélunum sem félagið notar í
áætlunarflugi til og frá landinu
verði breytt fyrir lok ársins.
Í breytingunni felst að sett eru ný
leðursæti í vélarnar, sætabil er auk-
ið og afþreyingarkerfi er fyrir
hvern og einn farþega. Jafnframt
er gerð breyting á annarri þjónustu
Icelandair og viðmóti. Meðal ann-
ars verða kynntir nýir einkenn-
isbúningar á árinu, samstarf við ís-
lenska tónlistarmenn, nýjungar í
veitingum um borð og ýmislegt
fleira tengt landi og þjóð.
Allir farþegar hafa í sæti sínu að-
gang að snertiskjá þar sem þeim
bjóðast afþreyingarmöguleikar.
Þriðja breytta
þotan í flug
BLÍÐAN undanfarna daga kemur
sér vel fyrir kornbændur, en sökum
kulda og bleytu var sáning korns
með seinni skipunum. Veðurguð-
irnir hafa bætt það upp nú síðustu
daga með sólskini og hlýindum.
Sprettan er komin vel af stað og
horfir bærilega með uppskeruna,
segir á heimasíðu kúabænda.
Talsvert meira land hefur verið
brotið til kornræktar í vor en und-
anfarin ár. Er það ekki að undra í
ljósi gríðarlegra hækkana á korn-
verði sem gerir innlenda ræktun
mun ábatasamari nú en áður.
Kornspretta
fer vel af stað
MÁLÞING verður haldið í Kenn-
araháskóla Íslands í dag, 29. maí,
kl. 13-17, um menntun kennara. Á
málþinginu verður rætt um þróun
kennarastarfsins í ljósi samfélags-
breytinga og menntun kennara til
framtíðar. Meginmarkmið með
málþinginu er að fá fram sjónarmið
hagsmunaaðila leik-, grunn- og
framhaldsskóla um áherslur í kenn-
aranámi út frá þörfum hvers skóla-
stigs. Málþingið er opið og þátttak-
endum að kostnaðarlausu. Enn er
hægt að skrá sig á www.khi.is
Menntun á
tímamótum
SUMARÁÆTLUN Strætó bs. tekur
gildi 1. júní og gildir til 23. ágúst.
Ýmsar breytingar líta dagsins ljós
með nýju áætluninni. Meðal annars
verður tíðni á leiðum 1, 2, 3, 4, 6, 11,
12, 14 og 15 breytt. Tíðni þessara
leiða hefur verið með 15 mínútna
millibili í vetur en verður 30 mín-
útur í sumar.
Breytingarnar eru kynntar á
strætó.is og með tilkynningum á
öllum helstu bið- og skiptistöðvum
sem og í öllum vögnum.
Sumaráætlun
hjá Strætó
Morgunblaðið/Kristinn
STUTT
HAGDEILD ASÍ sendi í gær frá
sér mjög dökka spá um þróunina í
efnahagslífinu næstu tvö árin. Nú
bendir flest til harkalegrar lending-
ar, að mati sérfræðinga sambands-
ins.
„Heimilin eru þegar farin að
draga saman seglin í kjölfar geng-
isfalls og mikillar verðbólgu og við
blasir mikill samdráttur á íbúða-
markaði og í atvinnuvegafjárfesting-
um. Hagsveiflan endar því með
hefðbundnum hætti: gengisfalli,
mikilli verðbólgu, samdrætti í at-
vinnu og minnkandi kaupmætti,“
segir í skýrslu hagdeildarinnar sem
kynnt var á fréttamannafundi í gær.
Líkur eru á að kaupmáttur launa og
ráðstöfunartekna að meðaltali muni
dragast töluvert saman á þessu og
næsta ári. Síðan muni hægja á sam-
drættinum. Kom fram að seinast
lækkaði kaupmátturinn á milli ára
1992-93.
Spá áfram mjög háum vöxtum
Heimilin munu draga úr neyslu á
næstu þremur árum. Ástæðurnar
eru minnkandi kaupmáttur, vaxandi
greiðslubyrði lána og versnandi að-
gengi að lánsfé. Fjárfestingar drag-
ast saman á næstu árum. Mestur
verður samdrátturinn í fjárfesting-
um atvinnuveganna en einnig dreg-
ur verulega úr fjárfestingum í íbúð-
arhúsnæði. Fjárfestingar á vegum
hins opinbera aukast hins vegar,
einkum á yfirstandandi ári, sam-
kvæmt spánni.
„Við sjáum vexti geysilega háa og
að þeir muni ekki lækka mjög mikið
og við sjáum fram á mikla verðbólgu
út allt spátímabilið,“ sagði Ólafur
Darri Andrason, hagfræðingur ASÍ.
Á móti þessum neikvæðu horfum
gerir hagdeildin ráð fyrir að í ár
verði þó áfram ágætis hagvöxtur.
Hagkerfið leiti nýs jafnvægis þar
sem krónan er veik, vaxtastig hátt
og verðbólga mikil. Verðbólgan
mældist tæp 12% í apríl og horfur
eru á að hún aukist ennfrekar þegar
líður á árið. Hún hjaðnar nokkuð
undir lok ársins en verður þó mikil
út spátímabilið.
Spáin gerir ráð fyrir að verðbólga
verði 11,1% á þessu ári, 7% á næsta
ári og 5,5% á árinu 2010. Atvinnu-
leysi mun aukast, verða 1,5% í ár en
fara upp í 2,2% á næsta ári og ná há-
marki á árinu 2010 þegar spáð er
3,6% atvinnuleysi. Stýrivaxtaspáin
gerir ráð fyrir að þeir verði 15,5% í
ár og haldist háir næstu tvö ár eða
12,6% á árinu 2009 og 13,2% á árinu
2010. Hagvöxtur verður 2,4% á
þessu ári en samdráttur á næstu
tveimur árum eða 1,7% á árinu 2009
og aðeins 0,2% hagvöxtur á árinu
2010 gangi spáin eftir.
Í umfjöllun um samdráttinn á
íbúðamarkaði kemur fram að hag-
deild ASÍ spáir því að raunvirði hús-
næðis muni lækka um 20-25% á
næstu þremur árum.
Forsendur samninga
bresta í febrúar
Gríðarlega miklar breytingar
verða á hag heimilanna í landinu að
sögn Ólafs Darra. ,,Heimilin þurfa
að laga sig að breyttum aðstæðum,“
sagði hann. Helstu forsendur hag-
spárinnar eru að hafist verði handa
við byggingu nýs álvers í Helguvík
og að þær framkvæmdir hefjist af
krafti á síðari hluta þessa árs.
Áfram er gert ráð fyrir aðhalds-
samri peningamálastefnu og að
stýrivextir verði háir út spátímabil-
ið. Þá eru nú líkur taldar á að for-
sendur nýgerðra kjarasamninga á
almenna vinnumarkaðinum bresti í
febrúar á næsta ári.
Harkaleg lending með
auknu atvinnuleysi
Morgunblaðið/Arnaldur
Samdráttur á íbúðamarkaði Hagdeild Alþýðusambands Íslands spáir því
að raunvirði húsnæðis muni lækka um 20-25% á næstu þremur árum.
7% verðbólga
2009 og kaup-
máttur minnkar
milli ára í fyrsta
skipti frá 1993
SÍÐUSTU ár hafa ráðstöf-
unartekjur heimilanna ekki
hrokkið fyrir neyslu þeirra, hvað
þá að þær hafi staðið undir heild-
arútgjöldunum. Skuldirnar hafa
því hlaðist upp. Í lok síðasta árs
voru skuldir heimilanna um 226%
af ráðstöfunartekjum að með-
altali.
Í hagspá ASÍ kemur fram að ef
litið er á skuldir hjóna og sam-
býlisfólks er hlutfall skulda af
ráðstöfunartekjum þeirra hærra
meðal þeirra sem yngri eru en í
öðrum aldurshópum. Meðal ein-
hleypra virðist áhætta vegna
mikilla skulda vera mest í tekju-
hæstu hópunum. Þar er hlutfall
skulda af ráðstöfunartekjum
frekar hátt og hefur aukist mikið
síðustu ár. „Þrátt fyrir að með-
alheimilið geti e.t.v. staðið af sér
efnahagslegt áfall þá mun það
veitast öðrum erfitt,“ segir í
skýrslu ASÍ.
Skuldir hlaðast upp
 






  
  


       



  
 
!

"
# #
$
$
$
$
$
$
$
$