Morgunblaðið - 29.05.2008, Blaðsíða 29

MORGUNBLAÐIÐ FIMMTUDAGUR 29. MAÍ 2008 29
KLÚBBURINN
Geysir er félagsskapur
fólks sem glímir við
geðræn veikindi. Hann
er hluti alþjóðlegra
samtaka um slík klúbb-
hús, sem starfa öll eftir
sömu hugmyndafræði
og markmiðum.Verk-
efni hans er að vera
vettvangur og málsvari
fólks sem hefur misst fótfestuna í
samfélaginu til lengri eða skemmri
tíma, vegna geðrænna veikinda.
Þátttaka í klúbbnum opnar tæki-
færi fyrir félaga til virkrar þátt-
töku í samfélaginu á ný eftir getu
hvers og eins.
Evrópusamtök
Klúbbhúsa, Euro-
pean Partnership of
Clubhouse Develop-
ment (EPCD) voru
stofnuð 19. mars árið
2007 með þátttöku 9
landa, þar á meðal
Íslands. Samtökin
héldu annan fund
sinn í Malmö í Sví-
þjóð dagana 3. til 5.
mars síðastliðinn.
Tilgangurinn var að
hrinda í framkvæmd
fyrstu skrefum menntunarátaks
meðal evrópskra klúbbhúsa. Átakið
gengur undir nafnin ELECT-
verkefnið og stendur fyrir Euro-
pean Learning Communities for
Training of people with mental ill-
ness (Evrópsk námssamfélög til
þjálfunar og kennslu fólks með
geðræna sjúkdóma). Verkefnið mið-
ar að því að efla möguleika klúbb-
félaga til menntunar úti í samfélag-
inu og styrkja um leið tengsl
klúbbhúsanna við menntakerfið og
styrkja klúbbhúsin sem náms-
samfélög. Sótt var um styrk í
Grundtvig Lifelong Learning
menntaáætlun Evrópusambandsins
til þess að fjármagna verkefnið,
sem hófst 1. nóvember 2007 og lýk-
ur 31.10 2009.
Í stefnumótun um hlutverk
ELECT-verkefnisins segir meðal
annars. Verkefnið skal kynna tæki-
færi til náms og aðgengi til mennt-
unar og atvinnu fyrir fólk sem þjá-
ist af langvinnum
geðsjúkdómum.Verkefnið skapi að-
ferðir og verkfæri til menntunar
með stuðningi og auki námsfjöl-
breytni fyrir geðsjúka í bata. Það
skal efla löngun til að þroska per-
sónulega hæfni með menntun, sem
lið í atvinnuþátttöku, eða virkni í
samfélaginu. Klúbbhúsin munu því
gera nemendum kleift að finna
námsmarkmið sín og leiðir sem
henta hverjum og einum
Allt frá upphafi hafa klúbbhúsin
boðið upp á annars konar valkost
varðandi nám og námsmöguleika
fyrir klúbbfélaga, enda viðurkennt
að menntun er einn þáttur í já-
kvæðri og sterkri sjálfsmynd ein-
staklingsins. Til þess að undirstrika
mikilvægi menntunar í bataferlinu
hafa klúbbhúsin ávallt skilgreint
sig sem námssamfélög þar sem
mikil þekking og reynsla félaga og
starfsfólks fær að blómstra báðum
til framdráttar.
Þeir sem áhuga hafa á að kynna
sér þetta verkefni nánar geta haft
samband við greinarhöfund á þeim
tíma sem Klúbburinn Geysir er op-
inn, frá 9.30 til 16.
Sjá einnig www.kgeysir.is og
www.elect-project.eu
Átak í menntunarmöguleikum geðsjúkra
Benedikt Gestsson
segir frá starfsemi
Klúbbsins Geysis
Benedikt Gestsson
»Elect-verkefnið
miðar að því að efla
möguleika klúbbfélaga
til menntunar úti í sam-
félaginu og styrkja um
leið tengsl klúbbhús-
anna við menntakerfið.
Höfundur er
verkefnastjóri
í Klúbbnum Geysi.
FRÓÐLEG reynsla er að fylgja
útlendingum upp í Þjórsárdal. Því
fylgir djúp hryggð og skömm. Þeir
fórna höndum yfir að þar verði
fyrsta jökullón í byggð á Íslandi.
Af hverju er ekki þetta glæsilega
fordyri hans, með Búrfell og Heklu
sem risa á verði, gert að þjóðgarði?
Í staðinn verður þar
kýli á hörundi fjall-
konunnar, íslenskri
menningu til ævar-
andi skammar. Verð-
ur eða verður ekki?
Þar er efinn. Reynir á
Samfylkinguna, um
hvort hún er stjórn-
málaflokkur hugsjóna
eða er ábyrg fyrir
argasta lýðskrumi í
sögu lýðveldisins. Þar
er ekki val á milli.
Engu fórnað, segir
Landsvirkjun (Hér:
LV). Hvað eru 27 fer-
kílómetrar af hræ-
gráu jökullóni sem
útilokar endurheimt
náttúrulegs umhverf-
is? LV hefur sýnt ein-
kennilegan þráa í
þessu máli. LV er í
eigu þjóðarinnar og á
að hafa yfir sér menn
sem koma fram lýð-
ræðislega ákvörð-
uðum vilja þjóð-
arinnar, en ekki að
reka áróður fyrir eigin skoðunum.
Ekki var að sjá á úrslitum síðustu
alþingiskosninga að þjóðin vildi
annað en það sem er lagalega
ákvarðað, að tryggja beri þarfir al-
mennings fyrir raforku. Í staðinn
berst LV með kjafti og klóm fyrir
að tryggja alþjóðlegum auð-
hringum orku. Spyrðir netþjónabú,
vinsæla stóriðjuhugmynd sem
krefst um 50 megavatta, við hinar
nýju Þjórsárvirkjanir, sem eiga að
framleiða fimm sinnum meiri orku!
Óþökk heimamanna á Þjórs-
árvirkjunum liggur fyrir. Landeig-
endur vilja lítt vita af samningum
um vatnsréttindi, enda ekki við
lögformlega réttan aðila að semja.
Eftir á að afhenda LV vatnsrétt-
indi úr hendi ríkisins Þar kemur til
kasta alþingismanna og ráðherra
Samfylkingarinnar.
Stígum hægt til jarðar. Hrossa-
gaukur og grágæs hafa byggt
Hagaey frá tilurð hennar. Jökul-
leirinn sleppir ekki af henni taki,
hafi hann náð því. Og hvað um líf-
fræði undirstöðuatvinnuvegar
landsins, fiskveiðanna? Sú spurn-
ing hlýtur að brenna á líffræð-
ingum, og þjóðinni allri, mest þó á
stjórnvöldum. Hver tengsl eru á
milli viðgangs fiskistofna og fram-
rásar jökulleirs? Er tilviljun að
draga fór úr viðgangi þorskstofns-
ins fljótlega eftir að dró úr rennsli
jökulaurs í sjó fram? Nú höfum við
fyrir ári stöðvað enn meira aur-
rennsli í Jökulsá á Brú en það þar
sem Þjórsá var. Hefur stóriðjan
kostað það að við höfum gert í nyt-
ina okkar, fórnað sjávarútveginum
fyrir hana?
Við vitum ekki svarið við þessum
spurningum. Sönnunarbyrðin er
okkar. Því spyr ég, er
ekki þessi líffræðilega
spurning meginvið-
fangsefni rannsókn-
arsamfélagsins ís-
lenska? Mér vitanlega
fara engar slíkar rann-
sóknir fram. Er okkur
ekki sama um að
landsbyggðinni hafi
verið fórnað á altari
stóriðju, amerískra og
svissneskra auðjöfra?
Bolungarvík og Skaga-
strönd má blæða þótt
blóðhundar á við Rio
Tinto sjúgi hálsæðar
Fjallkonunnar. Egils-
staðir, Reyðarfjörður
og Eskifjörður hafa
grætt. Eða er ekki
svo? Svo er það upp-
talið, hvað lands-
byggðina varðar. Enda
búum við í borgríki.
Þjóðinni er stjórnað af
reykvískum lögfræð-
ingum Sjálfstæð-
isflokksins, sem er
sama um landsbyggð-
ina.
Stígum hægt til jarðar. Kort-
leggum jarðhitann. Hann er stór
stærð, miklu stærri en við héldum
fyrir nokkru. Hvað sem má segja
um umhverfismál tengd honum
krefst hann ekki fagurra lands-
svæða, sem líkklæði jökulleirsins
verða lögð yfir að eilífu. Nýting
hans eyðileggur ekki fiskistofna,
né skemmir fyrir ferðamennsku í
þeim mæli sem virkjun jökulfljóta
gerir. Fyrstu merki um skemmda
ímynd landsins hafa þegar sést í
könnunum innan ferðamennsku.
Okkur er stjórnað af stjórn-
málamönnum sem hafa hvorki
framsýni til að bera né yfirlit yfir
það sem þeir gera.
Hagsmunir auðmagns
í stað hagsmuna þjóðar
Egill Egilsson skrifar um fyr-
irhugaða Þjórsárvirkjun
Egill Egilsson
» Okkur er
stjórnað af
stjórnmála-
mönnum sem
hafa hvorki
framsýni til að
bera né yfirlit
yfir það sem
þeir gera.
Höfundur er eðlisfræðingur.
Fréttir
í tölvupósti
Lyf skipta sköpum!
„Lyf eru nauðsyn
í nútímasamfélagi!”
„Í starfi mínu er ég daglega minntur á hve lífið er mikið kraftaverk og
að það eru forréttindi að fá að vinna við að lækna og líkna. Vönduð
og vel rannsökuð lyf skipta þar oft sköpum, bæði þau lyf sem byggja á
gömlum og traustum þekkingargrunni og hin sem eru þróuð á grunni
nútímaþekkingar í lyfjafræði og vísindalegri læknisfræði.
Án lyfja hefði framþróun heilbrigðismála orðið með öðrum hætti.
Mannkynið stæði verr. Að baki lyfjaframleiðslu liggur gífurleg vísinda-
vinna til að tryggja að lyfin skili sem bestri verkun með fyrirsjáanlegum
hætti. Lyf eru nauðsyn í nútíma þjóðfélögum og ein meginstoð öflugs
heilbrigðiskerfis.“
Reynir Tómas Geirsson, prófessor/yfirlæknir, forstöðumaður fræðasviðs, Kvennasviði LSH.
E
F
L
IR
a
lm
a
n
n
a
te
n
g
s
l
/
H
N
O
T
S
K
Ó
G
U
R
g
ra
fí
s
k
h
ö
n
n
u
n