Morgunblaðið - 29.05.2008, Blaðsíða 25

Reuters
Reichstag-byggingin Hús neðri deildar þýska þingsins í Berlín vekur jafn-
an athygli ferðamanna enda bæði glæsilegt og mikilvægt í sögunni.
Eftir Ólaf Guðstein Kristjánsson
FRÁ því greinarhöfundur fluttist til
Berlínar hefur hann verið nokkuð ið-
inn við að sýna þeim sem sótt hafa
hann heim fjölbreytileika borg-
arinnar og komist að því að það er
best á tveim jafnfljótum.
Þeir sem vilja kynnast sögu Berl-
ínar og menjum og treysta sér í um
fjögurra tíma langan göngutúr ættu
að kynna sér Berlin Walks. Um er að
ræða fyrirtæki sem, líkt og nafnið
gefur til kynna, sérhæfir sig í göngu-
ferðum um borgina og raunar ekki
bara um Berlín því einnig býðst að
labba um hina sögulega merku staði
Potsdam og Sachsenhausen, þótt
upplifunin sé líkast til ánægjulegri á
fyrrnefnda staðnum. Sachsenhausen
þjónaði nefnilega hlutverki einangr-
unarbúða á tímum Þriðja ríkisins.
Talandi um Þriðja ríkið þá býðst
einmitt göngutúr sem tekur á téðu
tímabili; þátttakendur hafa meira að
segja möguleika á því að standa þar
sem neðanjarðarbyrgi Hitlers var.
Og það verður að segjast eins og er
að Þjóðverjar flíka ekki beinlínis
þessari arfleifð sinni, þótt þeir fari
heldur ekki í grafgötur með hana. Er
þetta því nokkuð gott tækifæri til að
kynna sér þessa myrku tíma í þýskri
sögu.
Fyrir utan þessa túra eru einnig í
boði ferðir sem taka á sögu gyðinga í
borginni sem og nýjum arkitektúr.
Hvað síðarnefnda sviðið varðar er af
nógu að taka, enda eiga allir helstu
arkitektar samtímans byggingar í
borginni. Nægir þar að nefna einn
þann frægasta Norman Foster, sem
hannaði nýja kúpulinn á Reichstag.
Þar að auki er hægt að taka al-
mennan túr um borgina þar sem
horft er til helstu bygginga og sögu-
legra atvika sem áttu sér stað innan
hennar. Nægir þar til dæmis að nefna
skiptingu borgarinnar í austur og
vestur, tímabil Prússakonunganna og
uppgang og fall nasismans. Einnig er
svo sýnt hvar Marlene Dietrich var
uppgötvuð og hvar Albert Einstein
kenndi svo fátt eitt sé nefnt.
Áhugaverðasti túrinn er þó ef til
vill sá sem fjallar um njósnir á tímum
kalda stríðsins. Berlín var enda suðu-
punktur njósna og svika meðan kalda
stríðið stóð sem hæst.
Gengið um götur
Berlínarborgar
Ljósmynd/Ólafur Guðsteinn Kristjánsson
Nálin Sjónvarpsturninn á Alexand-
erplatz sem var eitt helsta kennileiti
Austur-Berlínar.
Á www.berlinwalks.com er að
finna allar upplýsingar um verð og
hvar byrjunarpunktur hvers túrs
er.
úr bæjarlífinu
MORGUNBLAÐIÐ FIMMTUDAGUR 29. MAÍ 2008 25
Það er alltaf gaman að fá óvenju-
legar gjafir. Ég frétti af einni slíkri á
dögunum; vinir drengs sem var að
ljúka skóla hér á Akureyri voru
greinilega staðráðnir í að færa hon-
um eitthvað sem enginn gleymdi í
bráð – og gáfu honum lítinn, sætan
grís!
  
Vinahópurinn fór út að skemmta sér
um kvöldið og sagan var þannig,
þegar hún barst mér til eyrna, að
svínið unga hefði fengið að fara með
niður í bæ en fór að vísu snemma
heim. Og síðast þegar fréttist hélt
grísinn til á lóðinni heima hjá einum
þeirra …
  
Sumarið er löngu komið til höf-
uðstaðar Norðurlands, eins og lög og
dagatöl gera ráð fyrir. „Lygamæl-
irinn“ á Ráðhústorginu sýndi 15 stig
þegar ég var þar skömmu fyrir
klukkan ellefu á þriðjudaginn, fór
fljótlega í 16 á meðan ég staldraði
við og small svo í 17 þegar ég keyrði
framhjá stuttu síðar.
  
Ekkert lát verður á blíðunni á næst-
unni, skilst mér á veðuráhugamönn-
um. Akureyrskir verslunarmenn eru
vonandi vel birgir af sólarvörn og
viftum.
  
Stúlknakór Akureyrarkirkju fer í
tónleikaferð til Þýskalands í næsta
mánuði og heldur þar tónleika í til-
efni af 1000 ára afmæli kirkju í
Bochum auk þess að halda nokkra
sjálfstæða tónleika.
  
Kórinn hitar upp fyrir Þýskalands-
ferðina með tónleikum í Akureyr-
arkirkju á sunnudaginn kl. 16. Þar
mun kórinn m.a. syngja valda kafla
úr Gloríu eftir Antonio Vivaldi,
djassmessu eftir Bob Chilcott og
norræna kórtónlist. Einsöngvari er
Sigrún Arna Arngrímsdóttir. Að-
gangur er ókeypis
  
Kynning á lokaverkefnum til BS-
prófs í hjúkrunarfræði og iðjuþjálf-
unarfræði við Háskólann á Akureyri
verður í hádeginu á morgun í stofu
L201 á Sólborg. Meðal verkefna eru
Að gefa gæðastund: Upplifun og
reynsla sjálfboðaliða Rauða krossins
af heimsóknarvinaþjónustu á öldr-
unarstofnunum og Ég ímynda mér
að þær áhyggjur sem ég hef séu eðli-
legar: Rannsókn á áhyggjum kvenna
á meðgöngu.
  
Hvanndalsbræður verða með út-
gáfutónleika á Græna hattinum í
kvöld og á morgun. Þeir hefja leik kl.
21.30. Nýja platan, Knúsumst um
stund, kemur út strax eftir helgi.
  
Hátíðisdagur verður hjá unnendum
verslana á morgun því þá verða opn-
aðar margar nýjar verslanir á Gler-
ártorgi, og um helgina verður haldið
upp á stækkun miðstöðvarinnar með
margvíslegri skemmtidagskrá.
  
Boðið verður upp á einleikinn Alveg
brilljant skilnaður sem gestasýningu
hjá LA um helgina. Fyrsta sýning er
í kvöld, ein á morgun og tvær á laug-
ardaginn. Það er Edda Björgvins-
dóttir sem leikur eina hlutverkið.
  
Stefnt er að því að Akureyringar
sjái nýja sjóflugvél Arngríms Jó-
hannssonar á sunnudaginn. Hann
ætlar að lenda á Pollinum síðdegis
og taka þannig þátt í sjómannnadeg-
inum. Addú sótti vélina til Banda-
ríkjanna og var einhvers staðar á
leiðinni síðast þegar fréttist …
AKUREYRI
Skapti Hallgrímsson
Morgunblaðið/Skapti Hallgrímsson
Sól og hiti Fjöldi fólks naut lífsins í Sundlaug Akureyrar í gærdag.
MIKILVÆGI snertingar hefur nú
enn verið staðfest með kanadískri
rannsókn sem sagt er frá á vefmiðli
BBC. Rannsóknin var gerð á fyr-
irburum sem fæddust yngstir eftir
aðeins 28 vikna meðgöngu.
Í ljós kom að líkamleg snerting
foreldra þeirra dró úr streitunni
sem skapast vegna sársaukafullrar
meðferðar sem margir fyrirburar
þurfa að gangast undir. Þetta er tal-
ið geta flýtt fyrir því að þeir nái
fullri heilsu.
Snertingin er ekki aðeins talin
bæta heilsu þeirra heldur hefur hún
einnig mikið að segja um tengsla-
myndun, sem er mikilvæg á fyrstu
mánuðum barnsins, sérstaklega hjá
fyrirburum sem eru að ná fullum
styrk. Hingað til hafa sumir haldið
því fram að fyrirburar væru ekki
nægilega þroskaðir til að snertingin
skipti einhverju máli, en nú hefur
hið gagnstæða sem sagt komið í ljós.
Fyrirburar þurfa knús
Reuters
Agnarsmá Snertingin er svona
litlum krílum bráðnauðsynleg.
Dagskrá:
Kl. 15.00 Setning ráðstefnunnar:
Páll Einarsson jarðeðlisfræðingur.
Fyrirlestrar:
1. Um Heklu og hegðun hennar - eitt og annað úr
gossögunni.
Guðrún Larsen, jarðfræðingur Jarðvísindastofnun
Háskóla Íslands.
2. Bergfræði Heklu
Guðrún Sverrisdóttir jarðfræðingur
Jarðvísindastofnun Háskóla Íslands.
Kl 16.15. Kaffihlé.
3. Vöktun Heklu og undanfari Heklugosa
Páll Einarsson prófessor í jarðeðlisfræði við
Háskóla Íslands.
4. Sigurður Þórarinsson "Maðurinn og Heklu-
rannsóknir hans" Sigurður Steinþórsson prófessor,
Háskóla Íslands.
Kl. 18.00. Hlé.
Kl. 19.00. Móttaka í boði Heklusetursins.
Kl 20.00. Kvöldverður og dagskrá helguð
dr. Sigurði Þórarinssyni og textagerð hans.
Hekluráðstefna haldin í Heklusetrinu
Leirubakka 31. maí 2008.
Tileinkuð Sigurði Þórarinssyni jarðfræðingi.
Matreiðslumeistarar Heklusetursins á Leirubakka
bjóða upp á 4ra rétta hátíðakvöldverð úr úrvals-
hráefni af Landmannaafrétti; önd, lambasteik og
sérstakan Heklueftirrétt.
Sönghópurinn Góðir grannar úr Rangárþingi syngur
ljóð Sigurðar Þórarinssonar og stýrir fjöldasöng.
Páll Einarsson jarðeðlisfræðingur leikur á hljóðfæri.
Halldór Ólafsson mun segja frá kynnum sínum af
dr. Sigurði og ýmsum skemmtilegum minningum
honum tengdar. Halldór var lengi tæknimaður hjá
Norrænu eldfjallastöðinni og náinn samstarfsmaður
Sigurðar Þórarinssonar um árabil.
Dr. Sigurður Þórarinsson var eins og flestum er
kunnugt þekktasti jarðfræðingur Íslands um sína
daga, og eins voru söngtextar hans víðkunnir og
eru enn sungnir hvar sem fólk kemur saman til að
skemmta sér, eða hver þekkir ekki "Vorkvöld í
Reykjavík", "Þórsmerkurljóð" eða þá "Að lífiuð sé
skjálfandi lítið gras" svo aðeins örfá séu nefnd?
Áætluð lok kvöldvökunnar kl 24.00.
Gisting í boði á Hótel Leirubakka, rúta fer frá BSÍ
kl. 13 og aftur til Reykjavíkur að kvöldvöku lokinni
kl. 24.
Skráning í síma 487 8700 og á
bookings@leirubakki.is
Heklusetrið Leirubakka, 851 Hella • Sími: 487 8700 • Heimasíða: www.leirubakki.is