Morgunblaðið - 29.05.2008, Blaðsíða 36

36 FIMMTUDAGUR 29. MAÍ 2008 MORGUNBLAÐIÐ
MINNINGAR
✝
Hjartans þakkir til allra þeirra sem hafa aðstoðað
okkur og stutt vegna andláts og útfarar ástkærs
sonar okkar, bróður og mágs,
HUGINS HEIÐARS GUÐMUNDSSONAR,
Greniteig 49,
Keflavík.
Þakkir færum við öllu starfsfólki Barnaspítala
Hringsins og gjörgæsludeildarinnar við Hringbraut.
Þá sendum við öllum þeim sem hafa aðstoðað okkur og stutt í
veikindum Hugins og gert okkur kleift að einbeita okkur að lífi
hans og baráttu kærar þakkir.
Án ykkar hefði þetta orðið svo miklu erfiðara.
Guðmundur Guðbergsson, Fjóla Ævarsdóttir,
Natan Freyr Guðmundsson, Sóley Ásgeirsdóttir,
Hafrún Eva Kristjánsdóttir,
Guðjón Örn Kristjánsson,
Ásdís Rán Kristjánsdóttir.
✝
Innilegar þakkir til allra sem sýndu okkur samúð og
hlýhug við andlát og útför föður okkar, tengda-
föður, afa og langafa,
FRIÐÞJÓFS Í. GUNNLAUGSSONAR
skipstjóra,
Hamarstíg 33,
Akureyri.
Vilhjálmur Friðþjófsson, Herdís Eyþórsdóttir,
Steinunn Erla Friðþjófsdóttir, Björn Ingólfsson,
Hallveig Friðþjófsdóttir, Tonni Christensen,
Jóna Lísa Þorsteinsdóttir,
afabörn og langafabörn.
✝ Sesselja SjöfnHelgadóttir
fæddist í Reykjavík
25. júní 1925. Hún
lést á lungnadeild
Landspítalans í
Fossvogi 22. maí
síðastliðinn. For-
eldrar hennar voru
Helgi Jónsson,
kenndur við Tungu
í Reykjavík, f. 24.
nóvember 1882, d.
3. apríl 1939, og
Friðrikka Þorláks-
ína Pétursdóttir
Welding, f. 19. febrúar 1882, d.
31. janúar 1933. Sjöfn var yngst
13 systkina, sem öll
eru nú látin.
Börn Sjafnar eru
Ragna Jóna Har-
aldsdóttir f. 13. maí
1950, búsett í Banda-
ríkjunum, Sturla
Sigtryggsson, f. 25.
mars 1952, Sigurður
Grétar Marinóson, f.
4. október 1957, og
Halla Sjöfn Jóns-
dóttir, f. 17. júní
1967, uppeldisdóttir.
Sjöfn verður jarð-
sungin frá Bústaða-
kirkju í dag og hefst athöfnin
klukkan 13.
Elsku amma mín, með tár í aug-
um og kökk í hálsi sest ég niður til
þess að þakka þér fyrir samfylgd-
ina. Við töluðum oft saman í síma
um þessa kveðjustund og ég finn í
brjósti mínu að þú verður alltaf
hjá mér.
Ég var þeirrar gæfu aðnjótandi
að alast upp hjá ömmu minni
Sjöfn Helgadóttur eða Sjöbbu eins
og hún var kölluð.
Það er ótæmandi það veganesti
og víðsýni sem þú gafst mér í
gegnum reynslu þína af lífinu.
Komdu alltaf til dyranna eins og
þú ert klædd og vertu hjarta þínu
trú sagðir þú mér svo oft. Lífið fór
þig ekki alltaf blíðum höndum.
Ung misstir þú foreldra þína og
þá voru það systkinin þín sem
tóku við, yngst varstu af 13 og síð-
ust af þeim að kveðja. Þeim
kynntist ég flestöllum í gegnum
þig á ótæmandi ferðalögum og
heimsóknum um allt landið og í
útlöndum.
Aldrei varstu eins og hinar
ömmurnar að kenna mér útsaum
og sokkastagl heldur var farið í
hringferð um landið við sölu og
innheimtu á Eldhúsbókinni.
Í sumarbústaðnum við Meðal-
fellsvatn var helgunum eytt á
sumrin við veiðar eða ljóðalestur
og mikinn söng og gítarspil, eins
og við munum sem til þín þekktu.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sigurðardóttir.)
Elsku amma mín, guð geymi
þig. Þín
Halla Sjöfn.
Sjöfn Helgadóttir
Morgunblaðið birtir minningargreinar alla útgáfudagana.
Skilafrestur | Ef birta á minningargrein á útfarardegi verður hún að berast
fyrir hádegi tveimur virkum dögum fyrr (á föstudegi ef útför er á mánudegi
eða þriðjudegi). Ef útför hefur farið fram eða grein berst ekki innan hins til-
tekna skilafrests er ekki unnt að lofa ákveðnum birtingardegi. Þar sem pláss
er takmarkað getur birting dregist, enda þótt grein berist áður en skila-
frestur rennur út.
Minningargreinar
Látinn er nú, langt
um aldur fram, Jónas
Pétur Erlingsson. Ég
hafði oft orð á því áð-
ur, meðan Jónas var í
fullu fjöri og ekki tel ég vanþörf á því
nú þegar hann er allur að árétta það
á prenti, að Jónas Pétur er án efa
fjölhæfasti og skarpasti drengur
sem ég hef fyrirhitt á lífsleiðinni.
Það eru röskir þrír áratugir síðan
leiðir okkar lágu fyrst saman. Það
var á knattborðsstofunni við Klapp-
arstíg. Ég var á leið í hjónaband og
rétt að ljúka mínum lágreista ferli
sem billiardspilari en hinn hávaxni
og sérstaki Jónas Pétur að hefja
sinn. Við tókum tal saman og kom-
umst að því að við áttum okkur sam-
eiginleg áhugamál bæði í skákinni
sem og framgöngu Valsmanna á fót-
boltavellinum.
Jónas var sérlega skýr og
skemmtilegur. Fljótur að komast að
kjarna hvers máls og leiftrandi,
gráglettinn húmorinn litaði frásagn-
ir hans af mönnum og málefnum.
Fjölhæfni hans í íþróttum var ótrú-
leg. Þegar við nokkrir félagar úr
skákinni leigðum okkur sal og skipt-
um tímunum á milli fótbolta og
körfubolta fór það ekki framhjá
neinum hversu næmt auga Jónas
hafði fyrir knattleikjum. Það var
eins og leyniþráður lægi milli Jón-
asar og kúlunnar, slíkum tökum náði
hann í meðferð allra kúlna og knatta.
Sem unglingur var hann einn af efni-
legustu borðtennismönnum lands-
ins. Hann varð Íslandsmeistari í
knattborðsleik (billiard) og á seinni
árum sneri hann sér að golfi og náði
afbragðstökum á þeirri íþrótt. En
þrátt fyrir fjölhæfni Jónasar í ofan-
töldum íþróttum eru það frekar
íþróttir hugans sem munu framar
öðru skipa Jónasi Pétri sess í ís-
lenskri íþróttasögu. Jónas Pétur var
landsliðsmaður í skák innan við tví-
Jónas Pétur Erlingsson
✝ Jónas Pétur Erl-ingsson fæddist
í Reykjavík 12. apríl
1958. Hann andaðist
á krabbameinsdeild
Landspítalans 18.
maí síðastliðinn og
var útför hans gerð
frá Vídalínskirkju í
Garðabæ 27. maí.
tugt, var valinn á ung-
lingaborðið í sex landa
keppninni í Vestur-
Þýskalandi 1977.
Hann tefldi í landsliðs-
flokki og á alþjóðleg-
um mótum m.a. á
World Open í 1976 og
Lone Pine í Banda-
ríkjunum 1978. Jónas
Pétur, fæddur 1958,
var á þessum tíma í
hópi efnilegustu skák-
manna sinnar kyn-
slóðar í hópi með
Helga Ólafssyni,
Benedikt Jónassyni, bræðrunum
Ásgeiri Þór og Jóni L. Árnasyni og
Margeiri Péturssyni. Þrír úr þessum
hópi urðu alþjóðlegir stórmeistarar í
skák. Jónas Pétur sem stóð þeim síst
að baki sneri sér hins vegar að
bridsíþróttinni og þar var ekki að
sökum að spyrja. Jónas Pétur skaut
sér fram í fremstu röð og var um
áratuga skeið meðal bestu bridsspil-
ara landsins. Hann var Íslands-
meistari í sveitakeppni 1989, í Evr-
ópuliði Íslands og spilandi fyrirliði
íslenska landsliðsins í Ólympíu-
keppninni 2004. Hann var hárs-
breidd frá Íslandsmeistaratitlinum í
brids fyrir nokkrum vikum, þrátt
fyrir að vera langt leiddur af sjúk-
dómi sínum. Íslensk skákhreyfing
heiðrar minningu Jónasar Péturs
Erlingssonar og það mun ekki síður
bridshreyfingin gera um ókomna tíð.
Nafn hans mun haldast á lofti. Ég er
þakklátur fyrir kynni mín af Jónasi,
geislandi gáfur og glettni hans
glöddu mig oft á tíðum en það sem
meira er um vert er að á bak við það
allt saman sló hlýtt og stórt hjarta.
Það var gott að vera í návist Jón-
asar. Ég votta fjölskyldu hans inni-
lega samúð. Drottinn blessi minn-
ingu góðs drengs.
Óttar Felix Hauksson.
Mjök erumk tregt, tungu að
hræra orti Egill Skalla-Grímsson
forðum við sonarmissi og fá orð hafa
lýst betur þeirri sorg sem við finnum
fyrir þegar ungur hæfileikamaður
deyr. Þessi tilvitnun kom til hugar
þegar Jónas Pétur Erlingsson lést
úr illvígum sjúkdómi langt um aldur
fram.
Við kynntumst Jónasi fyrir nokkr-
um árum þegar hann og Edda Jóna
endurnýjuðu gömul kynni og hófu
búskap saman. Það var mikið happ
fyrir okkur öll að fá Jónas inn í fjöl-
skylduna. Við fundum fljótt að þar
var á ferðinni einstakur mannkosta-
maður. Edda Jóna blómstraði sem
aldrei fyrr í sambúðinni með Jónasi
og þau voru samhent um að búa sér
fallegt heimili og standa vel að sín-
um málum.
Jónas var hæfileikaríkur á mörg-
um sviðum og mikils metinn af öllum
sem hann þekktu. Hann hafði getið
sér gott orð sem skákmaður og
keppt í skák og brids. Þá hafði hann
fengið mikinn áhuga á golfíþróttinni
og náð ótrúlegum árangri í þeirri
flóknu en jafnframt einföldu íþrótt á
stuttum tíma. Fyrst og fremst var
Jónas þó einstaklega greindur og
skemmtilegur félagi sem auðvelt var
að ræða við um nánast hvað sem var.
Jónas sá hlutina alltaf skýrt og yf-
irleitt jákvæðustu fleti á málum og
öllum leið vel í návist hans. Við höfð-
um mjög gaman af því að ræða sam-
an meðal annars um golfið og spil-
uðum nokkrum sinnum saman
aðallega í fjölskyldumótum sem hafa
orðið árviss. Á golfvellinum var hann
eins og endranær jákvæður, hvetj-
andi og uppbyggilegur í alla staði.
Það var því með tilhlökkun sem
við litum til framtíðarinnar og ekk-
ert virtist geta ógnað því að við
myndum eiga frábærar samveru-
stundir og vináttu í vændum. Þegar
minnst varir hrannast þó upp óveð-
ursský og þannig var það fyrir tæpu
ári er við fréttum af alvarlegum
veikindum Jónasar Péturs sem
komu öllum í opna skjöldu og enginn
mannlegur máttur virtist geta sigr-
ast á. Jónas barðist við sjúkdóminn
af hugrekki og reisn og lét hann ekki
hindra sig í að gera það sem hug-
urinn stóð til eftir því sem hægt var.
Þar kom þó að lokum að hann varð
að láta undan síga.
Við munum öll sakna Jónasar Pét-
urs og minnast hans oft á góðum
stundum. Hugurinn er hjá foreldr-
um hans, dætrum og systkinum og
Eddu Jónu og Hjálmari sem öll hafa
misst mikið.
Steinn Jónsson og
Jónína Jónasdóttir.
MORGUNBLAÐINU hefur borist
eftirfarandi yfirlýsing frá Samorku:
„Í fréttatilkynningu frá Skipulags-
stofnun, sem skilmerkilega er greint
frá í Morgunblaðinu í dag miðviku-
daginn 28. maí, er því hafnað að
stofnunin hafi með úrskurði sínum
um mat á umhverfisáhrifum vegna
Bitruvirkjunar farið út fyrir hlutverk
sitt samkvæmt lögum um mat á um-
hverfisáhrifum. Í fréttatilkynning-
unni er talað um misskilning og 24.
grein reglugerðar um mat á umhverf-
isáhrifum, sem sagt er að „virðist
hafa farið framhjá mörgum sem hafa
tjáð sig um málið.“ Umrædd grein
reglugerðarinnar hefur engan veginn
farið framhjá Samorku, en það krefst
hins vegar afar ríks vilja ef túlka á
ákvæðið með þeim hætti að stofnunin
eigi að lýsa skoðun sinni á fram-
kvæmdinni líkt og gert er í álitinu, en
ekki einungis gefa rökstutt álit sitt á
því hvort matsskýrsla framkvæmda-
raðila uppfylli skilyrði laganna. Hitt
er svo að ef stjórnvald tekur sér vald,
með vísan til reglugerðar, sem ekki
er að finna í lögum um sama efni eins
og Skipulagsstofnun gerir, þá krefst
það nánari skýringa.
Í athugasemdum með frumvarpinu
þegar lögum um mat á umhverfis-
áhrifum var breytt árið 2005, og í
nefndaráliti meirihluta umhverfis-
nefndar, kemur mjög skýrt fram að
stofnunin á ekki að segja til um hvort
framkvæmd sé í lagi eða ekki heldur
er áherslan lögð á að leyfisveitandi sé
upplýstur um umhverfisáhrif fram-
kvæmdar og athugasemdir almenn-
ings þegar hann tekur afstöðu til um-
sóknar framkvæmdaraðila um leyfi
til framkvæmda. „Í matsferlinu verð-
ur ekki tekin afstaða til þess hvort
fallast beri á með eða án skilyrða eða
leggjast gegn framkvæmd sem lýst
hefur verið með fullnægjandi hætti í
matsskýrslu framkvæmdaraðila.“
Þetta orðalag í frumvarpinu verður
að teljast nokkuð skýrt.
Í fyrrnefndri fréttatilkynningu
Skipulagsstofnunar er því hafnað að
stofnunin sé með áliti sínu að „hafna“
eða „leggjast gegn“ byggingu Bitru-
virkjunar. Það sé enda ekki hlutverk
Skipulagsstofnunar. Umrætt álit
Skipulagsstofnunar er 39 blaðsíður
að lengd. Það hefst á einnar blaðsíðu
samantekt um helstu niðurstöður,
með þessum orðum: „Það er niður-
staða Skipulagsstofnunar að bygging
Bitruvirkjunar sé ekki ásættanleg
vegna verulegra neikvæðra og óaft-
urkræfra áhrifa á landslag, útivist og
ferðaþjónustu.“ Hér er sem sagt ekki
verið að leggjast gegn framkvæmd-
inni?“
Reglugerð lögum framar?
Í TILEFNI af 10 ára afmæli Vinnu-
vistfræðifélags Íslands á nýliðnu ári
afréð stjórn þess að efna til verð-
launasamkeppni fyrir háskólaverk-
efni á fræðasviði félagsins. Þannig
vildi félagið auka veg og vanda vinnu-
vistfræði (e. ergonomics) innan há-
skólasamfélagsins.
Í samvinnu við systurfélög á
Norðurlöndum var afráðið að breyta
reglum fyrir norrænu stúdentaverð-
launin sem veitt hafa verið á hverju
ári um árabil. Hliðstæð samkeppni
mun nú fyrst fara fram í hverju hinna
landanna. Vinningshafar hverrar
þjóðar keppa síðan um norrænu
verðlaunin á sameiginlegri ráðstefnu
sem haldin verður að þessu sinni í
Reykjavík í ágústmánuði. Trivium-
ráðgjöf er styrktaraðili keppninnar
hér á landi að þessu sinni.
Niðurstaða dómnefndar var þessi:
1. sæti: Ásta Snorradóttir, Há-
skóla Íslands, „Hvers vegna er
örorka algengari meðal kvenna en
karla?“
2. sæti: Margrét Einarsdóttir, Há-
skóla Íslands, „Launavinna íslenskra
ungmenna: Áhersla á vernd eða rétt-
indi.“
3. sæti: Ásta Logadóttir, Dan-
marks tekniske Universitet, „Indivi-
dual Dynamic Lighting Control in a
Daylight Space.“
Verðlaunaafhending fer fram
föstudaginn 30. maí kl. 12 í sal Nor-
ræna hússins. Allir eru velkomnir.
Stúdenta-
verðlaun Vinnís
2008
DAGSKRÁ Sjómannadagsins í
Vestmannaeyjum, sem stendur í
þrjá daga, hefst að venju með Söng-
kvöldi í Akoges í Vestmannaeyjum
föstudagskvöldið 30. maí kl. 22. Með-
al þeirra sem leika og syngja á Sjó-
mannasöngnum eru Árni Johnsen,
KK, Einar Hallgríms, Finnur nikk-
ari, Obbi og fleiri. Sjómannasöngur-
inn er hefðbundinn þáttur í Sjó-
mannadeginum.
Söngkvöld í Eyjum
FRÉTTIR
♦♦♦
 Fleiri minningargreinar um Jónas
Pétur Erlingsson bíða birtingar og
munu birtast í blaðinu á næstu dög-
um.