Sjómannablaðið Víkingur - 01.02.1995, Page 7

VÍKINGUR
Hólmgeir Jónsson um samstarfsnefndina:
Sjáum ekki að nefndin
geti sinnt hlutverki sínu
- hef ekki orðið var við ágreining, segir formaður nefndarinnar
Eftir að samstarfsnefnd sjómanna
og útvegsmanna komst að þeirri nið-
urstöðu, með atkvæðum útgerðar-
manna og formanns nefndarinnar,
Svavars Ármannssonar, að ekkert
væri aðfinnsluvert við kaup Hrað-
frystihúss Eskifjarðar á síld af Hólma-
borginni er mikill titringur meðal
nefndarmanna og Hólmgeir Jónsson,
framkvæmdastjóri Sjómannasam-
bands íslands og varamaður í nefnd-
inni, segir nefndina nánast óstarfhæfa
eftir.
Áður hafði nefndin komist að gagn-
stæðri niðurstöðu í sambærilegu máli
og þess vegna töldu fulltrúar sjó-
manna að þeir myndu vinna Hólma-
borgarmálið.
Hraðfrystihús Eskifjarðar gerir út
Hólmaborgina. Fyrirtækið á engan
síldarkvóta og verður því að kaupa
eða leigja veiðiheimildir fyrir eigin
skip. Fram hefur komið að fyrirtækið
borgar frá 6.50 og allt upp í 7.50 fyrir
síldina. Hólmaborgin fær hins vegar
gert upp með 5.00 krónum. Sama er
að segja um Albert GK, það er eftir að
Hraðfrystihús Eskiljarðar útvegaði
Albert 400 tonna síldarkvóta lækkaði
verðið til skipsins frá því sem öðrum
var greitt og niður í sama verð og gert
er upp við Hólmaborgina. „Við vild-
um meina að verið væri að láta sjó-
mennina á Hólmaborginni taka þátt í
að kaupa þessar veiðiheimildir. Sama
gerðist þegar Albert byrjaði að veiða
af kvótanum sem þeim var útvegað-
ur,“ sagði Hólmgeir Jónsson.
Mál Alberts GK fór fyrst fyrir sam-
starfsnefndina og þar unnu sjómenn
sigur. Þegar kom að Hólmaborgar-
málinu, sem er mjög svipaðs eðlis og
Albertsmálið, var reiknað með sömu
niðurstöðu. En þá brá svo við að for-
maður nefndarinnar greiddi atkvæði
með útgerðarmönnum en ekki sjó-
mönnum eins og hann hafði gert í
hinu málinu. „Okkur fannst þetta rak-
ið mál í ljósi Albertsmálsins. Það sem
við höfum sagt í framhaldi er að við
sjáum ekki að nefndin geti sinnt hlut-
verki sínu, einmitt í niðurstöðu
Hólmaborgarmálsins. Þar finnst
okkur að sigur hefði átt að vinnast. Öll
síldarviðskipti eru orðin endaleysa.
Það er verið að útvega mönnurn kvóta
og kaupa síldina á lágu verði. Það
sama má segja um alla tilfærslu og
viðskipti á fiski yfirhöfuð," sagði
Hólmgeir Jónsson.
Enginn vilji hjá fulltrúum
útgerðarmanna til að leysa
þessi mál
„Við þurfum að ná utan um þá stóru,
en það virðist ekki vera fært í gegnum
nefndina ef niðurstaðan er svona í
málum sem okkur sýnist augljós,“
sagði Hólmgeir.
En hvað sýnist þér um starf innan
nefndarinnar eftir þetta?
„Ég get ekkert um það sagt, nú ligg-
ur ekkert mál fyrir og það má vel vera
að til þess komi að við vísum málum
þangað. Nefndin er til sem slík, en við
vorum mjög ósáttir við þessa niður-
stöðu og sjáum ekki að nefndin sé fær
um að gegna því hlutverki sem hún
var upphaflega stofnuð til. Það er
enginn vilji hjá fulltrúum útgerðar-
manna til að leysa þessi mál og það
verður að finna aðrar leiðir til þess,“
sagði Hólmgeir Jónsson.
Hef ekki orðið var við það
Er það rétt skilið að afturkippur sé
kominn í starf nefndarinnar eftir síld-
arúrskurðina á Eskifírði?
„Ég hef ekki heyrt neitl um það.“