Sjómannablaðið Víkingur - 01.02.1995, Síða 20

VÍKINGUR
en í vel flestum fyrirtækjum séu menn
að sjá fram á bjartari tíma.“
Friðrik M. Guðmunds-
son, framkvæmdarstjóri
Tanga h.f., Vopnafirði.
Ekki á því að
menn séu harðari
og erfiðari
en áður
„Ég er nú ekki viss um að ég geti
tekið undir að ný kynslóð stjórnenda
hafi sýnt starfsfólki sínu meiri hörku
en áður var. Það er rétt að í sjávarút-
veginn hafa komið inn yngri menn og
Mótorvindingar
og aðrar rafvélaviðgerðir
á vel búnu verkstæði
Raflagnawonusta
í skipum, verksmiðjum
og hjá einstaklingum
Vanir menn
vönduð vinna, áratuga
reynsla.
Vatnagörðum 10 • Reykjavík S 568-5854 / 568-5855 • Fax: 568-9974
5< ÁJ 'A ÞJÓNUSTA 1 í ÞÍNAÞÁGU 1945-1995
á margan hátt eru þeir í meiri takt við
þjóðfélagið en áður var ég vil þó
meina að aldursdreifing í þessu sem
öðru er holl og góð fyrir alla. Ég er
ekki á því að menn séu nú eitthvað
harðari og erfiðari en áður var gagn-
vart verkalýðshreyfingunni, það er
einstaklingsbundið hvernig menn
haga sér í þeim efnum.“
Þurfa stjórnendur meira nú en áður
að sinna kvótakaupum og erfiðari
rekstri en áður var?
„Það er enginn vafi að þetta er allt
saman miklu öðru vísi en áður var,
þetta eru krefjandi störf t.d. hjá okkur
þá er það þannig að þorskkvóti hefur
skerst um 63% á s.l. fimm árum.
Stjórnendur eru engir galdramenn,
umhverfið er gjörbreytt og það kallar
á viðbrögð stjórnendar á hverjum tíma
og til þess þarf að verja mikið af
starfstímanum, þetta hafa verið erfiðir
tímar. Vissulega eru til menn sem eru
ófyrirleitnir í þessari stétt eins og í
öðrum starfsstéttum. Þetta er mjög
harður heimur í dag menn eru að
keppa við fyrirtæki sem hafa náð því
að kalla inn til sín verulegt fjármagn,
ætli Grandi h.f. sé ekki með um 1.5
milljarð, sem hann hefur náð frá
almenningi í gegnum lífeyrissjóðina á
einhverjum 5 árum í formi hlutafjár.
Þorsteinn Vilhelmsson
hjá Samherja:
Við erum stífir á
okkar meiningu
og gerum kröfum
„Ég held að við séum nær mönnun-
um en áður var, það er mín skoðun að
við höfum meiri samskipti við okkar
menn en áður var og nær þeim en ger-
ist víða annars staðar,“ sagði Þor-
steinn Vilhelmsson hjá Samherja.
Getur ekki verið að þið séuð stífari
og ákveðnari í mörgum samskiptum?
„Það getur vel verið á ákveðnum
sviðum. Ég hef litið þannig á að við
gerurn kröfur en á móti gerum við ým-
islegt fyrir áhafnirnar sem aðrir gera
ekki. Við höfum boðið hluta mann-
anna í ferðir út, til dæmis til tvisvar til
Japans, Englands og Þýskalands. Við
höfum komið til móts við þá þegar
þeir fara í áhafnarferðalög.“
Þorsteinn segir til marks um sam-
komulag sitt við áhafnirnar að enn séu
menn starfandi hjá Samherja sem
voru með honum á Kaldbak.
„Ég lít svo á að þessir menn séu
vinir mínir og félagar. Ég geri mér
grein fyrir því, og man þá tíð þegar
faðir minn var forstjóri hjá ÚA og ég
háseti, að menn voru að bölva honum.
Ég get ekki ímyndað mér að þeir hafi
getað fundið betri yfirmann en hann
var, samt var verið að deila á hann.
Hitt er annað að vissulega kastast í
kekki milli okkar og formanna verka-
lýðsfélaganna. Það hefur ekki verið
neitt alvarlegt. Ég þekki alla þessa
menn og til dæmis voru ég og Konráð
Alfreðsson saman til sjós. Ég hitti
þessa menn alla oft og það fer
ágætlega á með okkur. Ég veit ekki
annað en ef einhverjum gengur vel í
rekstri þá fylgir illt umtal, sama hvort
það á rétt á sér eða ekki.“
Samherji er að verða 12 ára gamalt
fyrirtæki.
„Það eru margir af þeim sem
byrjuðu hjá okkur enn starfandi hjá
okkur. Af þeim sem byrjuðu á Akur-
eyrinni eru flestir enn starfandi, flestir
á Baldvin og nokkrir eru enn á Akur-
eyrinni.
Ég held að við séum nær mönnum
en víða gerist. Við erum stífir á okkar
meiningu og gerum kröfur og við
komum til móts við þá sem standast
kröfurnar. Það er alls ekki þannig að
við gerum bara kröfur og búið, punkt-
ur og basta. Það er margt sem við
gerum sem er ekki gert annars staðar
og hefur ekki verið gert. Auðvitað
kemur fyrir að við lendum upp á kant.
Frá því ég byrjaði á Akureyrinni held
ég að ég hafi rekið þrjá rnenn og ráðið
þá alla aftur.
Þó eitthvað komi upp á þá erfi ég
það ekki við mennina, því í raun hafa
þessi samskipti öll verið mjög góð og
hvorki ég né þeir hafa erft það sem
miður hefur farið. Þessir strákar koma
oft hingað á kontórinn til mín til að
spjalla um heima og geima.“
20