Sjómannablaðið Víkingur - 01.02.1995, Síða 36

VÍKINGUR
þegar túrarnir voru nýhafnir, því þá
voru þeir það lestaðir af kolum að þeir
voru þungir í sjó.
Eg var þrjátíu og fimm ár á togara.
Ég byrjaði á togara eftir gamla stríðið,
þá fjórtán ára, á Gylfa. Eftir áramótin
1914 og 1915 fórég á Belgaum. Þessi
pláss voru mjög eftirsótt. Það fengu
færri pláss á þessum skipum en vildu.
Þórarinn Olgeirsson átti Belgaum,
hann lét smíða hann og smíðin var
hafin þegar gamla stríðið skall á.
Hann kom hingað í stríðslok. Þessir
togarar, sem komu í stríðslok, þóttu
mikil skip.“
Það fór allt lauslegt af Agli
„Af öllu sem henti er Halaveðrið
minnisstæðast. Ég var þá á Agli
Skallagrímssyni og við fórum illa út
úr því. Það sem bjargaði okkur frá því
að sökkva var að við vorum búnir að
vera það lengi úti að skipið var létt.
Annars hefði hann aldrei komið upp
úr þeim sjó sem skall á okkur. Það
komst mikill sjór í vélarrúmið, sem
varð til þess að það drapst á kötlunum
og okkur rak stjórnlaust á annan sólar-
hring. Það var mikill sjór en ís tolldi
ekki á skipunum, lætin voru það
mikil. Það fór allt lauslegt af Agli,
báðir björgunarbátarnir þar með. Það
var vond vist um borð þennan tíma en
við urðum að ausa mikið. Það var það
mikill sjór í vélarrúminu að lengi vel
töldum við að það hefði komið gat á
skipið, því ekki var sjáanlegur árangur
þótt mikið væri ausið.“
Atta ár á Gulltoppi
„Ég var átta ár á Gulltoppi með
Halldóri Gíslasyni. Þar var til siðs að
ráða unga skólastráka á sumarsíldina.
Sigurður Bjarnason frá Vigur, síðar
alþingismaður, var með okkur nokkur
sumur og eins Jón Múli Arnason
ásamt fleirum. Þessir strákar stóðu sig
allir vel, voru góðir drengir og dug-
legir. Sigurður Bjarnason sagði mér
að matur og gisting á Garði kostaði
hann 100 krónur á mánuði. Sumarið
áður en hann kom til okkar hafði hann
verið á snurvoðarbát og hafði þá á
annað hundrað krónur fyrir sumarið.
Hann sagðist lítið hafa getað veitt sér.
Fyrsta sumarið sem hann var með
okkur hafði hann eitthvað um sextán
til átján hundruð krónur. Hann sagðist
hafa verið það ríkur að hann gat keypt
sér útvarpstæki til að hafa á her-
berginu sínu. Svona var þetta þá og
svona er þetta ennþá.“
✓
I vari um jólin
Guðmundur er ekkjumaður og á
tvær dætur, Sigríði og Guðríði. Eigin-
kona Guðmundar var Helga Hall-
dórsdóttir frá Hnífsdal.
„Sjómannskonan er bæði húsbóndi
og kona, miklu meira en húsmóðir.
Þær verða að sjá um allt þar sem sjó-
menn eru það lítið heima. Það var
ekkert tillit tekið til hvort það voru jól
eða ekki. Ég man að þegar ég var á
Skutli fórum við héðan frá Reykjavík
á aðfangadag í vitlausu veðri og
lágum um jólin í vari við Keflavík.
Það var ekkert verið að spá í hvort það
voru jól eða ekki.“
Guðmundur ber aldur vel, er ein-
staklega ern af svo fullorðnum manni
að vera, bæði í hreyfingum og huga.
Hverju þakkar hann það? „Ég hef
alltaf verið hraustur og alltaf borðað
36