Náttúrufræðingurinn - 1994, Page 36

Frá fyrri tíð
Arið 1889 var stofnað í Reykjavík Islenskt náttúrufrœðisfélag (eins og stóð í lögum
félagsins). Félagið gekk þó frá upphafi undir nafninu Hið íslenska náttúrufrœðis-
félag. Benedikt Gröndal var fyrsti formaður félagsins og umsjónarmaður náttúru-
gripasafnsins til ársins 1900. Benedikt skrifaði árlega skýrslu félagsins og varð þar
tíðrætt um áhugaleysi félagsmanna. Hér fer á eftir grein
sem hann skrifaði í ísafold 1894 í tilej'ni þess að aðeins
átta manns sóttu aðalfund það ár. Til samanburðar má
geta þess að 100 árum síðar eða árið 1994 mættu ellefu
manns á aðalfund Hins íslenska náttúrufrœðifélags. Þar af
voru þrír sem ekki voru stjórnarmenn, starfsmenn fundar-
ins eða starfsmenn félagsins. Af þessum þremur kom einn
til að taka við viðurkenningarskjali.
Hið íslenska
NÁTTÚRUFRÆÐISFÉLAG
BENEDIKT GRÖNDAL
Ársfundur var haldinn hinn 14. þ.m. í
leikfnnishúsi barnaskólans, eftir að fundur-
inn hafði verið boðaður í ísafold, auglýstur
á uppfestum blöðum á götum bæjarins og
kunngerður með boðlista öllum þeim
félagsmönnum, sem menn vissu til að væru
hér í bænum, rúmlega 40 að tölu. Fundur-
inn var prýðilega sóttur, eins og vænta
mátti, þar sem alltaf er svo mikið talað um
ágæti náttúruvísindanna - átta félagsmenn
komu á fundinn, og lá við að leikfímis-
húsið ekki rúmaði allan þann íjölda. Eftir
að mannþyrpingin hafði ruðst inn, þá tróðu
menn sér niður á bekkina og hlössuðu sér
niður eins og á þóftur á áttæringi, en for-
maðurinn reið klofvega á bitanum og setti
fundinn. Gat hann þess fyrst, að i skýrslu
félagsins væri skýrt frá því, sem gerst
hefði, en því miður höfðu engar fólkorrust-
ur orðið né stórkostleg vígaferli, og enn
síður var um neinar jarðabætur eða þil-
skipaútgerð að ræða, heldur einungis um
nokkra fugla og pöddur sem sumt hafði
verið að velli lagt með stórkostlegu drápi,
en sumu hafði verið drekkt í brennivíni, og
hafði allt þetta fólk orðið vel við dauða
sínum og eigi mælt æðruorð. Þá stakk for-
maðurinn upp á að lækka tillagið niður í
tvær krónur, en allur þingheimur reis önd-
verður móti því með svo miklu ópi, að allt
húsið ætlaði í sundur; en eftir það var sam-
þykkt í einu hljóði með besta samkomu-
lagi, að sækja til alþingis um jafn mikinn
styrk handa félaginu sem áður hafði verið
veittur. Var og talað um, að sumir fulltrúar
sendu tillög frá ýmsum félagsmönnum án
þessa að tilgreina þá, og þótti fundarmönn-
um það óheppilegt. Af gildum ástæðum var
ekkert reikningsyfírlit lagt fram, enda er
það eigi siður í svo ungurn félögum; sam-
þykkti fundurinn þegjandi það framlegg-
ingarleysi, en reikningsyfírlit verður lagt
fram, þegar einhver nýr Alexander er búinn
að höggva sundur þá gordisku hnúta, sem
peningapokar og gullkistur félagsins eru
reyrðar með. Um húsnæði varð eigi talað
sökum mannljölda, og loksins var sama
stjórn kosin aftur ásamt sömu endurskoð-
urum í einu hljóði af öllum þingheimi og
kvöddust menn síðan allvinsamlega með
handabandi og héldu heim til sín aftur, kúf-
uppgefnir og guðsfegnir að losast við þetta
þrælkunarerfíði.
Og er þetta hinn merkilegasti fundur,
sem haldinn hefur verið á þvísa landi.
30