Samvinnan - 01.12.1984, Qupperneq 33

sem upp kom í deilu þeirra Tryggva
Þórhallssonar og Jónasar Jónssonar
fyrir nokkrum árum átti Frakki þessi,
hinn erlendi maður, beinan þátt í
stofnun Framsóknarflokksins. Var
hann meira að segja milligöngumaður
meðal forystumannanna um þau atriði
sem mest leynd lá á.“
Jónas Jónsson svaraði þessu í Tíman-
urn 8. nóvember 1941: „Courmont var
að vísu nákominn vinur minn um
mörg ár og af kynningu við hann fékk
eg aukinn skilning á fegurð íslenskrar
nattúru og þjóðlegum íslenskum verð-
mætum. En hann var gersamlega
áhugalaus um öll stjórnmál, bæði
frönsk og íslensk. Ég hygg að einu
ahrif hans hér á landi hafi verið þau að
hann bar mér eitt sinn munnleg skila-
h°ð frá ríkismanni sem átti þá mikla
eign í Morgunblaðinu og spurði hvort
eg vildi starfa við Morgunblaðið fyrir
ferföld laun mín við Kennaraskólann.
Ég sinnti ekki þessum skilaboðum en
hef þó orðið Morgunblaðinu til efling-
ar á annan hátt svo sem kunnugt er.“
Látum nú lokið þessum þætti af
André Courmont og afskiptum hans
af íslandi og íslenskum málefnum.
Vafalaust er það misskilningur hjá
Bjarna Benediktssyni að Courmont
hafi verið áhrifamaður um stofnun
Framsóknarflokksins. En í orðum
Jónasar felst þó í raun miklu merki-
legri vitnisburður um þennan óvenju-
lega erlenda mann en þótt hann hefði
frætt Jónas um franska pólitík og lagt
á ráðin um flokksstofnun á íslandi:
Courmont glæddi skilning hans á feg-
urð íslenskrar náttúru og gildi ís-
lenskra menningarverðmæta. Svo
munu vafalaust aðrir vinir André Co-
urmonts einnij* hafa getað sagt. Munu
þeir margir Islandsvinirnir sem slík
eftirmæli hafa hlotið? Af þessum sök-
um er full ástæða til að halda minningu
þessa franska menntamanns á lofti.
Vonandi kemur að því að heimildum
um hann verður safnað á einn stað,
síðari kynslóðum söguþjóðarinnar til
fróðleiks. ^
Kaupfélag
Reykjavíkur
nagrennis
Leikföng Gjafavörur Fatnaður
Skór Búsáhöld Heimilistæki
LEITIÐ EKKI LANGT
YFIR SKAMMT
ABOÐSTÓLUM A
EINUM STAÐ
DOMUS
Vöruhúsið að Laugavegi 91
33