Samvinnan - 01.12.1984, Síða 81

stoðum undir íslenskt efnahagslíf og
skapa nýjar atvinnugreinar. Hér
þyrftu að koma til sögunnar í vaxandi
mæli greinar eins og fiskeldi, loðdýra-
rækt og háþróuð rafeindatækni, og
verja þyrfti fé til að vinna að nýsköpun
í atvinnulífinu. í þeirri nýsköpun
þyrfti samvinnuhreyfingin að taka
virkan þátt, enda væri hún sterkasta
aflið í íslensku atvinnulífi.
• Veltuhraði í smásöluversluninni
í framsöguræðu sinni ræddi Kjartan
P. Kjartansson einkum um mikilvægi
þess að sýna fyllsta aðhald í birgða-
haldi og reyna með öllum ráðum að
halda veltuhraða sem mestum. Einnig
fjallaði hann um mikilvægi þess að
sýna fyllsta aðhald í launakostnaði.
Skýrði hann þetta með dæmum og
sýndi fram á að í kaupfélagsbúðunum
gæti verið mögulegt að spara verulega
stórar fjárhæðir ef fyllsta aðgát væri
viðhöfð í þessum málum. Hjalti Páls-
son ræddi fyrst og fremst starfsemi
Verslunardeildar og rakti þau atriði
sem hún hefur lagt áherslu á síðustu
árin í því skyni að auka enn og bæta
þjónustu sína við kaupfélögin. Hann
vék m. a. að beinum innflutningi
kaupfélaganna, sem hefði aukist
nokkuð undanfarið, en niðurfelling
flutningsgjalda ætti að minnka þörfina
á honum. Axel Gíslason ræddi m. a.
um vöruflutninga á sjó og landi í
framsöguræðu sinni, og einnig um
verslanarekstur kaupfélaganna. Á öll-
um þessum sviðum taldi hann að enn
væru vannýttir þættir, og vinna þyrfti
að því eftir öllum leiðum að fullnýta
þau tækifæri og þá aðstöðu sem sam-
vinnuhreyfingin hefði tii tekjumynd-
unar í rekstri sínum.
Mikið var fjallað um þessi mál í
umræðum á fundinum, og m. a. kom
þar fram að skipuleg innkaup og trygg
vöruútvegun væru óhjákvæmilegar
forsendur þess að birgðahaldi væri
hægt að halda í lágmarki. Nauðsynlegt
væri að hafa þetta tvennt jafnan í góðu
lagi ef takast ætti að auka veltuhrað-
ann í búðunum. ♦
Hlutur kvenna í samvinnu-
starfí þarf að vaxa
‘C kaupfélagstjórafundi, sem haldinn var í Holtagörðum 16.
/\ og 17. nóvember, var staða kvenna innan samvinnuhreyfing-
X 1. arinnar tekin til sérstakrar umfjöllunar. Framsögu höfðu
tvær konur, þær Valgerður Sverrisdóttir húsmóðir á Lómatjörn í
Eyjafirði og Dagbjört Höskuldsdóttir útibússtjóri hjá Kf. V-Barð-
strendinga á Tálknafirði. í ræðum sínum fjölluðu þær m. a. um hina
hefðbundnu verkaskiptingu kynjanna sem enn viðgengist í fram-
kvæmd innan samvinnuhreyfingarinnar. Dagbjört ræddi einnig
launamun kynjanna í samvinnufyrirtækjunum, og taldi hún hann
enn verulegan.
í umræðum komu m. a. fram þau sjónarmið margra kaupfélags-
stjóranna að áberandi væri að konur skorti kjark og metnað til að
sækjast eftir ábyrgðarmiklum störfum. Þetta stafaði trúlega fyrst og
síðast af þeim skyldum sem þær þyrftu enn að gegna við
heimilisstörfin, og einnig af uppeldisáhrifum. Þessu þyrfti að reyna
að breyta með því að hvetja konur til að sækjast eftir ábyrgðarstörf-
um, og með því að örva þær til aukinnar þátttöku í félagsstarfi innan
samvinnuhreyfingarinnar. Að lokum afgreiddi fundurinn málið
með svohljóðandi ályktun:
„Fundur kaupfélagsstjóra, haldinn í Reykjavík dagana 16. og 17.
nóv. 1984, telur að hlutur kvenna í samvinnustarfi á íslandi þurfi
að vaxa frá því sem nú er. Þetta á við bæði um val í stjórnir og önnur
félagsleg trúnaðarstörf, svo og skipan í ýmsar meiriháttar stöður í
samvinnuhreyfingunni. Beinir fundurinn því til stjórnar Sambands-
ins að hún kanni möguleika á því að haldin verði sérstök ráðstefna
á vegum Sambandsins, þar sem þessi mál verði tekin til meðferðar. “
Vörur án fíutningsgjalds
úti á landsbyggðinni
næstunni kemur til framkvæmda markverð nýjung hjá
/\ Verslunardeild Sambandsins. Þá verða allar vörur frá
/ \ Matvörudeild hennar sendar til kaupfélaganna án þess að
þau þurfi að greiða af þeim flutningskostnað. Þetta er gert í
samvinnu við Skipadeild, en þessar deildir hafa tekið höndum
saman um að bjóða kaupfélögunum matvörurnar flutningsfríar.
Flutt verður með vöruflutningabifreiðum eða skipum, allt eftir því
hvar hagkvæmustu flutningsgjöldin fást, jafnframt því sem tekið
verður tillit til eðlilegra samgönguhátta.
Þetta er þjónusta sem verslanir á höfuðborgarsvæðinu hafa notið
einar til þessa, en á seinni árum hefur landið í stöðugt ríkari mæli
verið að verða að einu markaðssvæði. Hjá Sambandinu er það
skoðun manna að hér sé um að ræða eðlilega þróun og í beinu
samhengi við breytta verslunarhætti, stöðugt verðlag og aukið
verðskyn almennings.
Tekið er fram sérstaklega að þessi þjónusta við landsbyggðina
muni ekki á neinn hátt bitna á samvinnuverslunum höfuðborgar-
svæðisins eða viðskiptavinum þar. Talið er fullvíst að tekjur til að
bera uppi kostnaðinn við þetta fáist með aukinni hagræðingu og
vaxandi veltu sem lækkandi vöruverð í kjölfar þessa leiði af sér úti
á landi. í umræðum um þetta mál á kaupfélagsstjórafundinum kom
einnig greinilega fram að menn hvaðanæva af landinu voru mjög
ánægðir með þessa nýjung og töldu að með þessu væri mikilvægt
framfaraspor stigið til að auka þjónustu samvinnuhreyfingarinnar
við neytendur.
81